事奉的要求
近日談到事奉﹐令我想起早前在主日學題及的...
查經組長的要求：
資格 (FAT)
(F) aithful - 可靠、有責任感
(A) vailable - Commitment, 準時
(T) eachable - 謙卑、不斷學習、不斷成長
參與事奉的要求﹐並不是要我們好屬靈﹐好聖潔﹐因為直到回天家的那日﹐我們都只是蒙恩的罪人。無論同神關係多好﹐我們都達不到祂的完全﹐但亦正正如此﹐我們更加能在事奉中體會神的大能與恩典如何在軟弱的人身上彰顯。
FAT people, 我會用忠心來作總括。始終覺得﹐要有commitment 才可以參與事奉﹐不是有了事奉才對團契﹐對教會有commitment。如果當日不是要帶查經就不返團契﹐又如何能與弟兄姊妹建立關係﹐對他們多些認識和了解呢? 生平最怕看見core group members, BS leaders 做壞榜樣﹐自己都唔返團契﹐縱然返也遲到早退﹐這樣的事奉﹐我寧願缺一個人﹐讓真正有願意委身的弟兄姊妹多分擔還好。
遲來的晒命post
其實一早都想post 架啦﹐但係近排夜夜笙歌﹐唔係生日呢﹐就farewell, 唔係farewell 呢﹐就試菜﹐創下左成個禮拜無係屋企食飯既記錄。暫時忙完啦﹐快D晒下命先。
年年生日呢﹐都過得好開心既﹐因為有大家同我慶祝﹐有時都會諗出年會唔會開心過今年呢? 萬千寵愛在一身既我﹐當然係年年都比去年開心啦﹐今年既生日呢﹐如你所說﹐比較特別﹐一個又一個既驚喜...
係既﹐我唔應該將自己同D外人比。多謝多謝。
嘩﹐accessories 之中﹐最鐘意就係bracelet 架! 好多謝大家﹐宜家日日戴住﹐將T記bracelet 暫時打入冷宮。
想試呢味好耐架啦﹐終於有機會啦。
最鐘意 cream 既我﹐收到一合三式既body cream, 多謝你呀。最鐘意係ginger 個種。
重有其他既﹐相架﹐朱古力﹐ecard, 等等﹐多謝大家。
好戲當然在後頭啦...
謝謝你的細心﹐好驚喜﹐好感動你記得﹐書放在床頭﹐有空我就會看看。
這個呢...嘩﹐好厲害呀﹐我以後都唔會再飲其他地方既minestrone架啦﹐真係好好味﹐多謝你花甘多功夫﹐好感動。真係好期待下次再有得飲。
單單係呢兩樣﹐已經令我好羡慕我自己啦。 無以為報﹐唯有係度晒下命啦﹐呵呵呵!
終有一天感動你
一試完菜返黎就被技安捉左去講信唔信進化論既野﹐事緣佢同亞媽睇左個關於evangelical church 既documentary, 有D討論甘。對於認為雪櫃之所以work 係因為plug 左入電掣既我黎講﹐當然唔夠讀engin既佢講啦(遲D請魚牧黎食飯同佢傾下先得)。不過都好﹐因此佢問我拎英文聖經睇﹐不過最好笑係我俾本Quest Study Bible 佢﹐佢同我講話唔該俾本真既聖經我喎。大佬﹐個本都係真架﹐但係有D問題係sidebar 度甘囉。好啦﹐俾過本中英聖經你算啦。我相信神既話語係有能力既﹐係神既時間﹐終有一天會感動你!
謝謝
...香噴噴的雞肉意大利粉﹐好花工夫﹐自己想過弄但因懶而無做過的minestrone, 好好味的strawberry cheesecake﹐自己一定不捨得買的Alton Brown cookebook, simple is the best 的卡﹐還有皆大歡喜之後的....
公私兩忙
A子連續兩日同我講﹐你好耐無作文啦﹐大佬又係度攪事﹐係啦﹐成兩星期無作文﹐一個原因﹐忙囉。近日公私兩忙﹐與數字為伍的我﹐又到年尾/年頭埋數之時﹐工作都幾忙﹐幸好現在都告一段落了。但年復年﹐月復月﹐現在又開始預備2007年的報告。
工作之外﹐早前接受魚牧的挑戰教以賽亞書﹐要教兩課。上星期教了以賽亞第六章﹐短短的十三節﹐用了好多時間先預備好﹐加上魚牧又去camp, 無人back up, 都幾驚架。但係感恩當日大家都有好好的參予。越來越發現接受挑戰係一個明智既決定﹐因為今年希望花多D時間係神既話語中﹐而教主日學就真係一個學習最好的機會﹐單單上課﹐我想一定不能學到那麼多。下一課係一個月之後﹐但係教40-48章﹐都係一點也不容易。已經開始看經文與資料﹐希望到時準備充足啦。
其他呢﹐有另外的查經﹐有好友生病﹐有好友預備結婚﹐有Baby Shower, 加上日常買菜做飯﹐處理下其他大小事情﹐真係無咩時間啦。不過呢﹐忙之中都好開心既﹐因為宜家根據優先次序去做事麻。
優先次序﹐輕重之分...
...是新一年﹐希望學到的功課。
回顧﹐發現以往浪費了很多時間在一些次要的地方。為到一些不影響大局的小事而掛心,為到一些發生機會微乎其微的事情擔心﹐為到一些無關重要的人的說話而不開心﹐為到一些多管閑事的人所俾的unsolicited advice 而激心...
新一年﹐決定要定下大前題﹐大目標﹐知道那些事情緊要就勇往直前﹐想清楚之後就別second guess 自己。要知道生命中那些人是最重要﹐要先照顧他們的well-being。要尋求值得信賴的朋友與長者的意見﹐知道那些人的意見要聽﹐那些可以一笑置之。
新一年﹐要努力!
07 多多少少
人大了﹐越來越發現靠自己﹐真係咩都做唔到﹐新一年﹐靠住神既恩典﹐希望可以少說話﹐多讀經﹐睇多D書。俾多D時間亞媽﹐多D為你祈禱。飲多D水﹐訓多D。整多D餅(希望攪下D新意思﹐中式好嗎?)﹐煮多D飯。少D為明天憂慮﹐多D為將來裝備自己。笑多D﹐關心人多D。多D同out of town 既朋友聯絡。
唔知做唔做到呢? 靠住神﹐努力!
Blog/Diary
Blog/Diary 
