Wendy's Blog: 05/01/2007

519花絮

可能係極度想念拿頭既關係﹐累得賊死的我竟然四點幾就醒左一路都訓唔返﹐既然係甘不於講下日前鄭氏大婚既花絮啦...

...雖然天氣報告話會落雨﹐但係其實只係一點點shower of blessings, 好天呀﹐感謝神...
...婚禮係好熟悉﹐日日都經過﹐又做過伴娘既既教堂舉行﹐上次都唔驚﹐今次反而唔掂﹐未開始時係甘去洗手間﹐行出去既時候腳震震...
...婚禮開始無耐覺得膊頭有D痕﹐以為跌左條頭髮啦。一瞄之下發現有一隻小昆蟲在膊頭爬行﹐好彩我唔驚呢D野架遮﹐唔敢大動作嚇親大家﹐於是祈禱既時候快快趣整走佢...
...真正既花女扭眼訓臨時由花仔妹妹代替。花仔花女勁呀﹐由頭企到落尾﹐一句計都無扭過...
...魚牧第一次係我地度證婚有小小蝦碌﹐祈禱時叫亞鄭生做個好媽媽添...
...D假頸鏈係好閃架﹐三十加紙﹐真野我諗要成萬先有甘既效果...
...$69.99 一套伴娘衫﹐著左兩次咩都返晒黎啦﹐最緊要係著得我靚...
...行完禮有人話我瘦左添﹐不過因為上次著過同樣既衫﹐睇返D相我覺得肥左就真...
...又有人叫我下次做伴娘要收錢喎(其實我唔明係咩意思架﹐係因為做得辛苦要收呀﹐定係做得好要收呀?)不過表姊話做左三次唔好做啦喎﹐甘好啦(重要多謝你個頭紗)。不過點都好我都唔會再做架啦。唔信呢D野既﹐不過係怕辛苦遮﹐都想有次去婚禮係舒舒服服可以enjoy 架麻...
...尋日最多人問我既問題係﹐你個頭係咪真架? 係呀﹐真珠都無甘真﹐條條都係貨真價實自己既頭髮黎架。對於個頭好滿意﹐好彩無叫Victoria 跟返上次表妹婚禮甘整﹐有D新意。靚頭呢﹐係靠51個髮夾維繫...
...對於化妝小姐Victoria 都好滿意﹐嫁得出我會用返佢﹐不過當然都係卡加利Amy 姐更加平靚正...
...上兩次做伴娘都好輕鬆﹐因為一次有亞YY攪掂﹐表妹果次又無咩program。今次唔算辛苦既﹐但係要toast, 又要幫換衫﹐出出入入都無咩機會同大家傾計同影相...
...嘩﹐飲既時候小C子warm up 晒啦喎﹐重同我地玩同影相添﹐你真係好可愛呀! B子唔該send 返D相過我呀, 不過你返到去得閒先啦...
...MC 做得好呀﹐連亞鄭生話遊戲低能都兜得返﹐一向對你都有信心架啦...
...唔知D相影得靚唔靚呢...

phases...

人呢﹐總是會go through phases...最近...

...好耐無聽歌﹐上一次開iTunes 唔知係幾時﹐幾個月無用過iPod 添...
...五點幾放工變成係好早...
...好累好累﹐只係一個禮拜返多幾個鐘頭工﹐energy level 就急劇下降﹐返到屋企淨係想vegetate...
...都重有好多值得一記既事情同想法﹐但係已經無心力逐一去blog啦...
...早左起身啦當然﹐曾幾何時﹐我係可以係我宜家出門口既時間先起身﹐天呀﹐幾個月之後﹐為左避過traffic, 我諗我會係現在出門的時間返到公司﹐係現在回到家的時間先開車返屋企﹐有D懷念輕鬆的日子添...
...都重係鐘意份工既﹐因為老細們真係有俾機會我﹐尋日in 得幾好啦﹐不過in 成日好辛苦呀。希望唔會辜負老細既期望啦...
...今日﹐好無心機﹐好想上演一幕逃﹐不過太遲啦﹐好似你話...
...平日累﹐但週末都係好想出下街﹐找點事做﹐唔知點解總係事與願違架呢...
...等緊放假﹐好想放假﹐快D放假啦...

Happy...

If only we'd stop trying to be happy we could have a pretty good time. - Edith Wharton

Ask yourself whether you are happy and you cease to be so. - John Stuart Mill

活在當下

剛才說起去年Memorial Day 不知身在何處﹐於是回來在網上找找﹐赫然發然了這個。

原來我沒有給舊位置一兩年就離開了。

曾經也為當時的新職位﹐興奮過﹐感恩過﹐想不到最終還是沒有work out.

現時﹐也為現在的機會高興﹐明年又會如何呢?

大概想不到那麼長遠了﹐過去不能改變﹐將來不在我控制之內。唯一可以﹐做好今日﹐放工﹐就不再想了﹐tomorrow is another day﹐老土一點說句﹐要活在當下。

兩年

一下子﹐就兩年了。

今天﹐如常上班下班﹐沒有甚麼特別感受或情緒起伏﹐問你﹐我是否很不孝呢﹐你說﹐沒有甚麼特別就好啦﹐感覺也不是只在這天吧。然後﹐我發現去年今日我曾經問過同樣的問題﹐而你又一樣地回答。我知道﹐明年我又會再問﹐你又會再答。當然明年我又會是在你回答後才記起我去年都問過了﹐之後又會有那de jevu 的感覺。是好事來吧﹐就是這些彼此之間的predictability 叫我感到reassured。

心情平靜﹐大概因為我們都move on 了﹐未嘗不是一件好事。