Wendy's Blog: 10/01/2007

Just because...

係特別既日子收到禮物固然高興。今日﹐平凡的一個星期三﹐因為你的一分心意﹐帶來了花團錦簇的驚喜。謝謝! 不過照片無論如何都不能捕捉花之美與那滿室的幽香...

Photo Sharing and Video Hosting at Photobucket

包得靚靚的...

忌廉頭好識揀﹐有我鐘意既lilies...

平淡

近日生活比較平淡﹐去完康州之後﹐都係準時返工﹐唔準時放工。見最近姊妹們歐遊回來﹐十一月又好多人返港都幾羨慕。只是生活逼人呀﹐甘多野做又點可以放假呢? 不過其實回顧工作以來﹐從來都係前半年放大假﹐後半年最多近近地玩下﹐因工作有季節性都無法啦。但係十一月都黎都重有十日假未放都係第一次﹐大概年尾放幾日﹐carryover 幾日﹐甘出年就大把假期﹐可以同大佬去玩啦。

精打細算II

本週末﹐用了兩個好抵的coupon, 同大家分享下先。

首先是McCormick and Schmick's 的﹐只要在Opentable.com 訂位就得啦﹐$25 off, 沒有甚麼restrictions. 以前初開既時候﹐姊妹們好喜歡去﹐印像中起碼去過兩次﹐好似有一次亞花order 了popcorn shrimps 之類的東西。那時是我們時時去Cosi 既全盛時期﹐好似好耐以前lu。現在價錢貴左﹐沒有了那些$15左右的entree. 但$25 off 仍然是極抵。忌廉頭叫了pan fried oyster 我叫了Mahi Mahi (有無人知中文係咩呀)。埋單我地只係俾 $30﹐唔錯。

shoes.com 有25% off.

http://www.dealigg.com/story-Shoescom-Coupons-Promotions-1

免費shipping 既﹐就算return 都係。

安逸

雖然一點都不覺得生活安逸﹐尤其是忙得要命時﹐更加覺得辛苦。但都要想想﹐活到現在﹐生活有甚麼目標呢? 又為神做過甚麼呢?是否如此這般就過了一生呢?

Proof

今晚見早下班﹐又獨自一人在家﹐吃過簡單晚飯就看看on demand 有甚麼好戲。HBO 有Blood Diamond 呢﹐不過還是等等忌廉頭一同看。於是看了Proof。

有幾年的電影﹐一直想看因為看過David Auburn 的play, 還是在現在變成了H&M 的Borders 追看的(還是我最終買了呢? 忘了﹐要到basement check check 才知道)。一本於我而言好震憾的書﹐內容不大清楚了﹐電影似乎改了不少﹐但無改對我的震憾。終於看了真的好滿足﹐好高興。

Mary Jane

唔係Spiderman 裡面果個﹐而係鞋既一款。一路都知要買返D鞋返工﹐之前係網上睇左D﹐但係無咩岩﹐今日去試過對Camper 同Ecco, 但係都唔係好鐘意﹐個sales 拎左對1803, 間單甚至乎老土的款式﹐但非常舒服。自從三姑結婚果日整親都唔可以著太高或者唔舒服既鞋啦﹐加上現在日日雞甘腳追車﹐一定要買可以健步如飛既鞋先得。所以果D得個靚字既高跟鞋都無我份架啦。

返到屋企發現1803 網上無咩得買既﹐開心。其實重試左對on sales 既 Tsebo, 但係要係另一間鋪送過黎﹐唔知幾時會有呢?

Mary Jane is an American term (formerly trademarked) for a kind of strap shoe or sandal that typically has low heels, broad and rounded closed toes, and a single-buckle strap across the instep and/or around the ankle. They are often made of black patent leather, although some current incarnations can be in a wide array of colors and are also made of canvas or suede.
Traditionally Mary Janes are a variety of shoe worn mainly by young girls, but historically have been worn by boys as well. In modern times they are worn by women of all ages, however, while Mary Janes may be considered formal for girls, they are considered informal when worn by women[citation needed].

back to back

不知為何﹐每次要教SS的星期天schedule 總是back to back 的。今天又是教書﹐做MC﹐prayer meeting, bookclub. 教完SS都無聲啦﹐幸好順利完成﹐今日人數多番﹐見大家討論得投入都好高興。哈拿係一個超凡的女性﹐她的禱告有好多值得我們學習的地方﹐希望同學們都覺得有得著。不過教完都無氣啦﹐真的比較累啦。好耐無去過教會prayer meeting, 今天去還是覺得值得既﹐教會面對好多需要呢。還有終於同神學生夫婦傾談了﹐希望他們學習得力。還好book club 延期(其實我也沒時間看那本書)﹐不過要等忌廉頭﹐所以未走得﹐於是同鄭氏去買菜﹐然後返教會食飯再在library看了一陣子書。到四點走得啦﹐今天值得一記是泊到街位呀﹐慳了$4。返屋企拿粥(亞媽每次煲皮蛋瘦肉粥都留一盒給忌廉頭的﹐真的偏心啊)﹐送忌廉頭回家。回家洗落一機衫就去買材料做pot roast, 返來切切﹐煮煮﹐晾衫﹐再洗衫﹐又整屋。pot roast 好食呀﹐但要煮四個幾鐘呢﹐於是十點幾才吃飯(我就當然沒吃啦﹐先前吃了塊麵包同lunch 那本盒米粉算了)。我想thanksgiving 請客可以做這個。無停過既星期日呀﹐幾時才可以星期日真正的安息呢?

CT 遊

上個禮拜既呢個時候重同忌廉頭係Mystic Seaport 玩緊﹐ 忌廉頭都講左我地見到Spielberg 既奇遇﹐甘當然我地唔係淨係見到佢既﹐都做左好多野下...

禮拜六去左Mystic Seaport, 都唔錯﹐行下睇下。有坐下船﹐有飲chowder﹐影下相甘﹐幾舒服呀。

主要目的當然係探我大學roommate E 同佢老公T。上次見佢地已經係兩年幾前喪禮既事啦。早前佢地買左屋﹐叫我去探﹐甘見團契會off 就決定十月第一個禮拜去。識左真係好耐啦﹐我地freshman 都住埋一個dorm。 E & T結婚去Longwood Garden 影相我都有幫手﹐都已經係6年前既事啦。E無咩變﹐但T就肥左三十磅甘﹐嚇死我。佢地間屋唔算大﹐但係好cozy, 好minimalist 甘好少什物﹐又整齊﹐kitchen 又新﹐全屋地板﹐又finished basement. 好近大路﹐又好近河邊﹐少少草地﹐簡直就係我既dream house.

我地自己去完Mystic, 就同E&T 食飯﹐見返佢地真係好正﹐聽佢地既對話都笑死。又講下D舊同學。佢地帶左我地去食日韓野﹐好味。又同我地去租左Night at the Museum 返屋企睇﹐真係開心。Sunday 就去左佢地個教會﹐講安息日﹐唔錯﹐係甘講戲既鬼佬陳牧令到我地借左烈火戰車黎睇。尋晚睇左﹐可惜我地又唔係好識欣賞。

去完church 就去Yale 囉﹐週圍行﹐指定動作去Urban, 食野﹐同見到Spielberg 囉。

跟著去返E&T 屋企附近既河邊行下就走啦。回程時我好醒目甘check 下附近有無Krispy Kreme, 點知真係有﹐又順路﹐甘就好抵錫甘令到忌廉頭買到佢既最愛donut 食。見有時間我地又去埋貴區Greenwich 行街。以上兩樣都真係全靠亞靚個GPS﹐再次鳴謝。最後去埋Mitsuwa 食飯就回家啦。

之前都無去過康州﹐原來都好多野玩呀。謝謝忌廉頭兩日內開左十幾個鐘車陪我玩。E &T 又叫我地再去同佢地捉蜆喎﹐好呀﹐希望下年可以啦。

一週記

眨下眼又成個幾禮拜無作文﹐皆因去完康州返黎都未停過﹐唯有一週記記錄下本週大小事...

週一...知道禮拜二開會﹐所以預先同忌廉頭講好唔去得羽毛球﹐打算去禮拜三的課。講真我是萬分不情願改期﹐一來大家都好期待打波﹐二來真的不想因工作影響生活(at least 已安排好的活動啦)。不過D野太趕﹐無法。死做﹐爛做﹐ok, 攪好D reports. 不過超累呀﹐本來去完trip 都累, 一返黎就無停過﹐就更加累上加累啦。

禮拜二...又係忙﹐當日覺得好似係禮拜四甘﹐因為身體已經有做左四日工既感覺啦。放工又要prepare SS﹐發現進度不妙﹐又打算禮拜四晚同魚牧傾。似乎做唔切啦﹐慘。忌廉頭見我甘辛苦就提議不如今個禮拜唔好打波啦。唉﹐無法啦﹐唯有犧牲這樣important 但唔urgent 既活動。唔開心呀!

禮拜三...做野好D﹐無甘辛苦。發現禮拜四唔傾得SS﹐要禮拜五。計下條數﹐可以今晚去badmin﹐ 正! 立刻同忌廉頭聯絡啦。好野﹐大家都得。星期三少人好多﹐打多好多時間。不過真係好累啦﹐D 公公都打得有力過我。不過有得打真係好開心呀。

禮拜四...要經亞Z 還GPS 俾靚靚。好日唔出去一次既我﹐揀左成個月落最大魚既時後出去。變成落湯雞見亞Z。一見又俾佢話我個樣好累。唉﹐無法啦。收到電郵﹐發現今晚又傾得SS啦﹐不過唔ready 呀! 7點幾先放工。食完飯﹐都call call 亞魚牧啦﹐call 佢之前call 左拿頭講worship D 野﹐佢聽我把聲都覺得我好殘。真係唔掂...傾SS﹐ 有魚牧既指引當堂唔同晒﹐整到12點幾終於攪掂。以往12點幾訓好閑﹐宜家真係好頂唔順呀。

禮拜五...終於輕鬆D啦。唔洗朝早又趕車放工又趕車。中午重出去行下街添。其實都多野做呀﹐不過工作狂老細work from home, 無甘辛苦啦終於。

下個禮拜都會忙呀﹐希望唔會係本週既翻版啦。

羽毛球

忌廉頭都講左啦﹐係呀﹐我地參加左個羽毛球班呀。

某次evaluation 既時候傾開﹐忌廉頭話希望大家做D健康既活動﹐唔好淨係睇戲﹐食飯﹐行街甘。係啦﹐我都好同意。甘岩本區既fall community programs 就開始﹐以前一向知道有羽毛球班既﹐而且重好近我屋企﹐重提供球拍添﹐又平($30 十堂)﹐於是參加左(本來參加社交舞我都有興趣既﹐不過被ban 既機會大D)。

去到﹐嘩﹐好多人。有老有嫩﹐有人有鬼。平時都係retreat, picnic 先會玩既。而呢樣係我唯一會玩下既運動﹐所以有得一齊玩勁開心呀。雖然真係玩得好倦﹐到現在都重周身痛。不過玩完十堂我諗會慣架啦。起初以為只係玩玩下﹐點知個伯伯教練真係有野教既﹐過左我地兩招﹐不過我都知我唔會學得成﹐因為天生手眼不配合。但係就真係學曉左D球賽例﹐打21 分﹐對面接唔到就有分﹐雙打既話﹐得分後要同partner 換位﹐左面係單數﹐右面係雙數。單數分就左面開波。因為人多要輪住玩﹐所以伯伯教練話可以留多半個鐘。不過打完90分鐘甘上下都好夠。我地睇左一陣下一班D高手打都返屋企啦。

好野﹐宜家鳳禮拜一都可以五點半走人! 期待下一堂再玩。

Wendy's Blog

Wednesday, October 31, 2007

Just because...

Tuesday, October 30, 2007

平淡

Sunday, October 21, 2007

精打細算II

安逸

Thursday, October 18, 2007

Proof

Tuesday, October 16, 2007

Mary Jane

Sunday, October 14, 2007

back to back

Saturday, October 13, 2007

CT 遊

Friday, October 12, 2007

一週記

Wednesday, October 03, 2007

羽毛球

Blog/Diary Blog/Diary

My Church My Church

Bibles Bibles

Hymns Hymns

Recipes Recipes

Dictionaries Dictionaries

Recent Posts Recent Posts

Archives Archives