Democratic Debate
可能因為係殖民地成長所以對政治不大熱衷﹐但在有可能會有第一個黑人或第一個女性總統甘歷史性的一年﹐對初選的新聞都會留意一下。剛剛就看完民主黨的辯論﹐好精彩﹐好睇過那些不知所謂的reality shows。個人覺得Hillary 同Obama 都好好﹐Hillary 講policy 就好D﹐不過相信任何一位當選都會好過現任布殊。Debate 因為係Hollywood 舉行的關係所以鏡頭映到好多娛樂圈人﹐第一個見到George Costanza, 接住有Stevie Wonder, 007, 當然唔少得我地熟悉既Spielberg 啦。
Everybody needs somebody...
謝謝各位的祝賀﹐電話﹐電郵﹐網誌﹐留言﹐等等。今日可能是首次生日休假﹐近期有點累壞了之感﹐反正今年該有25天的假期﹐就當獎勵一下自己﹐補充一下睡眠。沒有做過甚麼呀﹐本來打算run errands 都懶得出去。傾下電話﹐練習一下織領巾﹐等到忌廉頭放工就到了新開的Brio 食飯。
有我喜歡的risotto。
龍蝦&蝦penne 好味!
Molten chocolate cake! 一致覺得好味又抵食! 因為侍應口頭介紹﹐我們吃完後覺得這個要$12, 怎料只係$5.95!
等了個多小時你還未到﹐有點擔心呢! 原來是去了買花﹐謝謝你! 有晚飯﹐有花﹐有卡﹐還有熊仔的生日﹐當然我都好喜歡啦﹐不過呢﹐最開心係因為有你愛我...I'm glad my somebody is you!
MLK, etc.
今日係MLK Day, 公司放假一天﹐不過Finance 係business day. 老細們就無返啦﹐我同Scofield 兩個small potato 返左﹐都無所謂既﹐因為會補假。不個以往都係返半日就得﹐今日因為要等人俾野我而大失預算差不多六點先可以走。不過今日尚算輕鬆﹐重難得同Scofield 去左食pizza, 飲左peach iced tea。Scofield 三點幾就走得﹐之後成層樓得我一個﹐其實真係有D驚。
十年都唔會係禮拜日去mall 既我地﹐竟然撞到魚牧夫婦! 首先係BR 門口撞到魚太同姊妹L﹐臨走我話唔知會唔會見到魚氏呢﹐忌廉頭話唔會掛﹐我地行左個圈﹐佢地行完啦應該﹐點知真係見到兩位係度嘆Starbucks。我地企係佢地坐既bench 前面同佢地傾計﹐最後重逼走左坐係佢地隔離既男人添。偶然遇上既驚喜都唔錯呀﹐平時甘忙都無機會傾計呀。
去mall 另一個收穫係發現蘋果終於會係度開業啦。希望早D開甘我地可以近近地玩下部Air。
Freedom Card
慢人幾拍既本城終於有如香港八達通既smart card 公共交通收費系統。方便D﹐因為唔怕magnetic 既ticket 唔得﹐但係我以為可以係手袋度唔拎出黎都detect 到﹐不過係唔得既。係新張期內﹐freedom card 免費﹐遲D就要$5 一張。 有得autoload, 好似EZ pass 甘﹐但係可能我好快都唔洗用啦﹐所以無參加到。不過最近有諗過將來搭兩程火車返工﹐係就長時間D﹐但係諗起要塞 76 就真係怕怕。
一月十五
好快08年1月已經過了一半。好累﹐但係都寫少少啦﹐因為未來的半個月都會忙。上星期在OT之餘好努力去預備主日學﹐教了尼希米記的第二課﹐真係學到好多關於事奉的功課﹐交托與預備同樣緊要。魚牧食飯時問我教成點﹐甘呢個要同學們評分啦。我覺得都幾好既﹐但係教完真係有點虛脫既感覺﹐加上著高跟鞋的關係重有點兒抽筋添...本週一就來個朝8晚8兼3點半先食飯! 辛苦﹐但係都值得既﹐今日開會大大大老闆話我地個package 做得好﹐當然我老細居功最多﹐但係我都有D份既。今日女人大老細叫我地take a break, 早D走(即係6點幾)﹐不過真係好倦啦﹐但為免之後幾日要夜走都做好我要做vision sharing 的部份。今次主日學的安排唔錯﹐避過了最忙既時候﹐希望下次都可以有充足時間去預備啦。
2008的工作天
2008 年首兩個工作日都非常寒冷﹐連wind chill 氣溫得個位數字。
公司仍有很多人在休假中﹐所以可以暫時享受一點寧靜。因此終於有時間清理email inbox, 由先前有1700 幾個電郵到今日在file 與delete 之間﹐終於只剩下500 個email 左右。
因為放了差不多兩星期假﹐這兩天都好累﹐不過其實我記不起何曾試過精神弈弈地返工。
另外老細今日同個staff 話由下星期開始好忙﹐這點我都一早預左。我想除非轉行﹐否則前面幾十年的一月都會在忙碌中渡過。
因為倦既關係﹐今晚都唔想做野。
07回顧展
新一年的第一天﹐在祝大家新年快樂之餘﹐都想寫少少回顧﹐本來戲言又如去年般用A子的那篇來做template, 不過
她的回顧好長呀﹐而且今晚早訓呀﹐還是簡短寫寫好了。
************************************************************************************
其實以下既係1月2號先寫﹐因為尋晚訓左啦。好﹐正式回顧。
2007 係好多轉變既一年...
二月轉了新部門﹐同先前真的好大分別。忙得多﹐以往可以係午飯時間天天在書局看書並係一星期內完成一本的日子一去不復返。雖然辛苦了﹐但都好值得。一方面覺得學多左野﹐不但係technical 方面﹐因為新上司係工作狂兼micromanager﹐所以今年都學識左點讓manage my manager﹐有地方覺得唔滿意就出聲﹐唔會死忍。不過當然因為老細都算好人先可以甘做既﹐所以都感恩。同事們都好好﹐又識多左公司其他既人﹐相信對將來都會有幫助。宜家個下屬好過以前麻生100倍。先前同舊上司聚舊﹐發現麻生重係度﹐因為舊上司都唔知點炒佢﹐ 真係麻煩得緊呀。
年初開始整屋到宜家都未整好! 不過整好既地方真係好得多﹐因為地方實在太陳舊啦﹐多得技安同亞媽(我最懶﹐無咩做過野)。今日放工返來﹐見到以下既場面:
希望農曆年前整好啦。
事奉方面﹐07年主要係團契查經與主日學服事﹐還有N52。想不到竟然教了六堂主日學﹐還教了兩課以賽亞書﹐從聖經看死刑﹐三個舊約人物的禱告(哈拿﹐尼希米與但以理)。感謝神同魚牧俾既機會﹐每次教都學到好多野﹐不過壓力都唔少呀。但係最開心係深入睇聖經發現好多之前睇唔到既野﹐同埋見到弟兄姊妹好有心去討論﹐思考神既話。
隔兩三年都會有一年無外遊﹐07年就只係去了LA參加電腦既婚禮﹐另外就係到了CT訪友。不過有表妹來訪(雖然得一日)同大佬回歸﹐carry over 到08年的假期一定要好好利用。
人際關係方面﹐07年最大既改變就同忌廉頭既關係唔同左。拍拖其實真係一個好大既challenge, 回想大家911 後相識﹐02/03 年開始熟﹐我仲記得03年去完巴西短宣落機之後﹐第一個打電話俾我既就係忌廉頭! 雖然大家有深厚既友誼做基礎﹐但係都有好多地方要適應。在此要多謝家人同好友無俾壓力我地﹐同大家既禱告與支持。
07回顧展都寫得好長篇添﹐08年大計下一篇先寫啦。
Akeelah and the Bee
一部勵智感人﹐但係又唔會好heavy既電影。講係South Central LA 既初中生Akeelah參加spelling bee 既故事, 有Laurence Fishburne, Angela Bassett同做Akeelah 既Keke Palmer。當中感人既有Akeelah 一家人既struggle, Akeelah 同係有錢區長大, 係spelling bee 識既Javier 既友誼﹐Akeelah 同Laurence Fishburne 做既Dr Larabee training 既時候既對話﹐Akeelah 最後想讓對手Dylan 但係最後大家越戰越勇既場面。當中有些對白好有意思:
Our deepest fear is not that we are inadequate.
Our deepest fear is that we are powerful beyond measure.
We ask ourselves, Who am I to be brilliant, gorgeous, talented, fabulous?
Actually, who are you not to be?
We were born to make manifest the glory of God that is within us.
And as we let our own light shine, we unconsciously give other people permission to do the same.
*********************************************************************************
You know that feeling where everything feels right? Where you don't have to worry about tomorrow or yesterday, where you feel safe and know you're doing the best you can? There's a word for that, it's called love. L-O-V-E.
寒假之三: 訓。食。其他
不經不覺又到假期最後既一日﹐十日假話甘快就過。今個假期做得最多既係...
訓 - 真係好耐無試過可以連續多日安樂醒! 我諗今次假期最令我懷念既會係可以訓番夠本(雖然長期sleep deprived 根本無可能補得番)。除左一定要早起既日子﹐基本上我都訓到9點過後先起身。好耐無試過甘休息過﹐真係好難想像聽日點可以早起身返工。如果年年聖誕到新年都可以甘請假都唔錯。
食 - 有去拿頭度食左兩餐﹐自己煮既聖誕餐﹐大佬煮既家常便飯﹐NY既buffet (一人$20包稅包小費包各式特飲﹐係Long Island, 幾好架)﹐飲茶﹐homemade cookies, 韓燒﹐重有靚靚既除夕大餐﹐真係非常非常飽。
其他 - 借左拿頭幾本書﹐睇左唔少。買到件新褸同係新outlet 買左三大支Crabtree and Evelyn 既lotion, 終於用左上年舊上司送既Pier 1 gift card (又係買lotion 同hand soap), 幫亞媽執左D千年舊衫﹐又找到D冷﹐尋晚織左幾行。睇左滿城盡帶黃金甲(麻麻) 同Akeelah and The Bee (又一部講spelling bee 既電影﹐超好睇)。岩岩整左D 查經既野﹐不過主日學都未整好呢...
假期最後既幾小時﹐好唔好再訓呢?
Blog/Diary
Blog/Diary