禱告 (詩集：讚美之泉 10 - 單單只為你)
今日收到加州好姊妹的電郵﹐分享這首詩歌。很久沒有聽讚美之泉了﹐但詩歌水準依舊﹐好聽﹐送給大家。 有甚麼事對神講吧﹐因為神比任何人都愛你﹐愛我。
禱告
詩集：讚美之泉 10 - 單單只為你，6
曲、詞：鄭楷
禱告，因為我渺小；
禱告，因為我知道我需要明暸，你心意對我重要。
禱告，已假裝不了；
禱告，因為你的愛我需要；
你關懷，我走過的你都明白。
有些事我只想要對你說，因你比任何人都愛我；
痛苦從眼中流下，我知道你為我擦。
在早晨我也要來對你說，主耶穌今天我為你活；
所需要的力量你天天賜給我，你恩典夠我用。
Listen聽完第一個﹐留意還有其他詩歌在這個link 呀。
TGIB
人家說TGIF﹐這個當然啦﹐不過在落雪的星期五﹐更加要多謝部blackberry。有個8點的早會﹐起身見到老細的email 問情況﹐回覆之後﹐見他未有聲氣都要出門﹐反正我有個好技安車我去搭車。放低亞媽之後﹐見到老細覆問可唔可以work from home 呀﹐有個住NJ既同事25mph 地出城。這個當然可以啦﹐於時速速叫技安調頭。其實我返公司應該ok, 但放工就會麻煩。返到屋企﹐打電話叫忌廉頭都唔好返啦﹐好天都要四十分鐘﹐今日一定不得了。幸好忌廉頭老細都打左電話叫他work from home. 真係好啦﹐有個有良心的上司﹐否則要開長途車實在令人擔心。
不過我個staff 就返左﹐我無想到致電叫她work from home﹐甘係咪代表我無良呢?
EYT
一入屋就聽到中文電視﹐發現亞媽睇緊EYT 40 週年節目。話說小時候係歡樂今宵fan, 四歲時去台灣旅行返到酒店都話要睇歡樂今宵。reunion show 見到盧david, Happy Nut, 真既賈思樂﹐保養得唔錯既薰妮﹐技安認得把聲既狄波拉﹐重有好多其他舊人﹐反而有個新既主持好似叫崔唔知咩既我就唔識啦。
編織樂
先前織了
頸巾給忌廉頭作情人節禮物﹐因為新手﹐所以其實手工真的麻麻﹐不過遠睇都唔錯既。因為時間安排太急﹐所以要請假兼開夜車先攪得掂。不過見到成果都幾開心﹐要多謝亞靚教我起針同借出書籍﹐同亞媽教我收針。 因為趕所以有一日織十幾寸的記錄﹐都織得幾辛苦。不過其實幾享受編織的樂趣﹐反正家中有工具(有些是祖母留下來的)﹐希望可以keep 住織下野﹐學下新野,明年再織條新頸巾俾忌廉頭襯衫先得。
旋風式週末
剛剛的週末Tiger 來了, 旋風式的一個週末。Tiger 不改玩得即興的本色﹐原先無計劃﹐不過一落機﹐就call 姊妹I,去了south street 食crepes, 之後去了姊妹家看看﹐回家休息一會就跟我們返團契﹐先同拿頭食飯﹐再查經﹐完左重想去跳舞﹐但見她病到七彩﹐我禁住唔準去。第二日主日學﹐崇拜﹐食飯﹐買手信﹐再去West Chester 附近訪友﹐然後直去機場。平時都有聯絡﹐但上次見面已經係兩年前﹐今次一別﹐希望下次係香港見。應該要見的人都見了﹐要在本城吃的(crepes, 豆腐花...)都吃了﹐希望你無遺憾啦。
今個旋風式週末令我發現我已經即興不起啦﹐太last minute 的計劃令我有點吃不消。最後回程不熟路又落雨﹐不過無計啦﹐見係Tiger。
但可惜Tiger 傳染了我﹐希望唔會病得太嚴重﹐因為本週會有好多野做呀。
新年忙
原來又十日無update, 先講聲遲來的新年快樂。踏入二月公司閑了一點點﹐但間或都要六點多才可以走。這兩星期忙過年﹐忙預備主日學﹐今日覺得時間控制得唔好﹐以致下半課好急﹐希望下次可以改善。昨日邀請了魚氏同L姊妹來晚飯﹐由朝煮到晚。多謝魚太帶來好好味的齌同姊妹L的椰香糕﹐地方淺窄﹐真係招呼唔到。因為煮好多菜式﹐有西洋菜湯﹐maple salmon, pot roast, pork chop, curry, brocolli, chicken with asparagus. 白菜仔﹐樣樣有餘﹐本週都不用煮啦﹐今日午餐我食左咖哩飯﹐慳番食飯錢又唔晒等(需知等得黎﹐其實我已經可以開車返到屋企)。不過忙於食飯所以無影相。不過應該係幾好食既﹐因為牧師唔會講大話架麻。
Blog/Diary
Blog/Diary 
