Wendy's Blog

summer in the city

2010-08-12T19:49:00.004-05:00

返新工差不多三個月﹐工作算係慢慢上手。工作性質與以往差不多﹐所以只要習慣systems 同人事其實就OK。 Systems 方面現在大概要用的功能都熟了﹐還要教比我遲來的新人。人事上呢﹐這個team 人多些﹐而且只有一半人在本市﹐其他散佈Amsterdam, Oxford, St. Louis, Dayton, India, 我要接觸的多在Amsterdam 同Oxford, 當然大部份時間係email, 但係有時都要講電話﹐有時聽同事不同既口音都有少少難度﹐不過都無大問題。先前有在AMS 同STL 既同事來過﹐所以都算認得樣。不過公司的網頁有who's who, 係可以load 相既﹐不過好笑既係相係任load 既﹐有D人post 出來既都幾causal.

上了手﹐慢慢就有D routine, 如果無早會﹐多數8點出門﹐如無意外﹐8:45會到﹐唔忙的話5點﹐5點半就會走。中午如果帶左lunch, 又得閒既話﹐食完會出去行下﹐多數係Rittenhouse Square 行個圈之後去Barnes and Noble 睇係書﹐magazine 甘﹐再次重溫以往打書釘既日子。間中會同係附近返工既姐妹食飯﹐終於上左Comcast 個cafeteria! 有時間又可以去Trader Joe's 睇野。

難得回歸center city, 我決意要好好利用lunch hour 去explore 唔同既地方。早前就去了Kimmel Center 一個free 既Building and Theater tour, 幾好呀﹐以前都知有tour 但係一直無去。其他想做既野有:

1) 原來Academy of Music 都有既﹐不過就要reservation, 希望可以去到啦。

2) City Hall 都有tour, 不過要錢既﹐但係有得上到頂﹐都可以考慮下。

3)另外係Rittenhouse Square 附近有間church 係周三noon 有free concert, 希望可以去聽下。

4) Curtis 一向有free student recital, 不過就要1o月11 先開始有﹐到時要留意下。

5) 終於被我"候"到Late Renoir 既discount 飛﹐希望下星期可以去啦。

6) 想搵次輪Phil Orch 既$10 community ticket

7) 原來Tenth Presbyterian 12月既時後會係中午有Advent 既recitals, 到時要留意下先得

新工記

2010-05-31T14:30:00.002-05:00

不經不覺新工已經做了兩星期﹐ 新工當然有好多新鮮事物:

1) 沒有expect 新上任就要OT:

5/17 - 8:30 - 5:40

5/18 - 8:20 - 6:00

5/19 - 8:15 - 6:15

5/20 -8:30 - 7:00

5/21 - 8:45 - 6:30

weekend 就work from home

5/24 - 8:45 - 7

5/25 - 8:00 - 6:45

5/26 - 8:45 - 7:45

5/27 - 8:30 - 9

5/28 - 7:40 - 4:00

其實理應無甘忙﹐不過老細先前炒了一個人﹐但係新人又要6月先到﹐不過又有大deadline, 於是我就fill in。雖然唔expect 甘忙﹐不過都ok 既﹐一來我新來﹐做任何野都一樣﹐當學野, 二來上周老公去開會﹐做晏少少都ok, 三來都算係"prove your value mode" 做得到既野﹐都做啦。so far 似乎老細都幾滿意。

2) 新公司雖然話係國際大行﹐但係systems 比舊工還要舊。因為太多legacy systems 既緣故﹐ 好難upgrade。起初真的嚇一跳﹐不過後來就當學下野。另外起先又當我係Singapore, set up 我係Singapore 既server, 搞到樣樣野都好慢。還有Help Desk 都係係India, 次次call 我都要問好多次先明白。

3) 我老細係based 係Amsterdam, 不過8月會搬來Philly. 現在2星期係Amsterdam, 2星期係Philly. 公司係Amsterdam 有大office, Oxford又有。因為時差6 hr﹐好多時有8am meeting。

4) 可以搭Patco 對我來講係好理想﹐可以係車度訓﹐或者睇書。一日來回 $4.7, 以前一日返工查不多要$10 油同toll.

5) 新公司causal 好多﹐ 禮拜五可以jeans, 平日其實都好多人牛仔褲。不過我見我老細日日著裙。

6) 係center city 好易撞到熟人。第一日就見都牧師仔﹐之後又時時係街見到熟口熟面既。當然亦可約姊妹們食lunch。

7) 老細話遲D會有機會去Amsterdam 同Oxford, 都幾期待下。

Last Day 5/11

2010-05-11T20:43:00.005-05:00

今天是我在LFG的last day. 自04年2月(忘記了是那一日)﹐ 在這裡工作了六年多﹐是我畢業後第三份﹐亦是工作時間最長的地方。在此期間發生了很多事﹐去了不少地方旅行﹐ 父親生病去世﹐拍拖﹐結婚﹐升級做了auntie。工作由跟蘇聯女人﹐到06年 remote report to Fort Wayne, 到07年2月轉到跟現在的老細﹐開始管人﹐當中reorg 幾次﹐CFO 轉了4個。當然好重要是公司08年搬到suburb, 如果無搬﹐我會不會無走的念頭? 唔知道。當然交通是好大的原因﹐但公司內部各種轉變﹐一些不順心的事情亦是萌去意的原因。無論如何﹐這裡畢竟是我在事業上成長的地方﹐ 亦建立了不少友誼。今次離去﹐上周二同事預備了ice-cream cake, 今早又有donuts, 中午與同組人午膳。give notice 後開始電話通知相熟的同事﹐今日臨走在自己的floor road show, send email, 臨別依依﹐ 同事們一致的祝福與不捨令我有點難過﹐大概知道要從新建立這些關係真的不易。最可惜是老細因家事告假﹐ 未能當面告別(不過我希望他不會call 我問公事)。

未來兩日會休息充電。

2010 搵工記

2010-05-03T19:16:00.004-05:00

太耐無update, 不過有見魚牧鼓勵我寫低﹐就將今次搵工的經過記低﹐免得我好快又唔記得神既帶領。

近幾個月來工作越來越多覺得辛苦﹐不但是long commute and long hours, 其實這些都ok, 不是最理想﹐但都可以接受。但如其他老細的態度與管理不善真的非常難頂。曾經試過係office 覺得面部抽筋﹐有時又覺得好想喊﹐因為壓力大之故。想走﹐不過又沒有"的"起心肝完成resume, 一拖再拖。期間都有同老公講﹐及同其他姊妹分享。最後3/24 剛巧放假﹐終於send resume 俾先前用過的headhunter.

以下係搵工的timing:

3/24 sent resume

3/31 phone interview

4/8 in person interview

4/9 received verbal offer

4/14 received written offer

4/26 background check cleared

4/27 resign

係三星期內有offer 真係出乎意料之外。在此summarize 一下神帶領的奇妙:

1) 同HH講搵工的要求時覺得都幾難﹐因為只想搵南澤西同center city. 佢都話工不多﹐不過即日就send 左份工我睇。但係其實有一項重要的要求我係無既﹐就係7年 international 經驗﹐不過唔理啦﹐都申請試下。

2) 隔左幾日都無聲氣﹐諗住唔得架啦。點知3/29 早上HH打來話有phone in!

3) 請了好幾位弟兄姊妹為我代禱。

4) 周三早上 8am phone in, 其實預備時間唔多﹐不過剛好不太忙可以係屋企in. 先前幾日不斷係開車途中practice, 有時都覺得自己好笑﹐係甘自己同自己講野。6年來第一次interview 到幾緊張﹐不過phone in 可以睇住D notes 又幾好。

5) 4/1 知道有得2nd interview!! 真係好快! 但係HH info 又唔多﹐只知可能有case study! 從來都無試過﹐都幾驚下。

6) 起先 schedule 4/8 9am in, 不過後來last minute 要改8am! 本來好唔想不過無法﹐早D完都好既。

7) in 之前都幾忙﹐前一晚又訓得唔好。不過起到身﹐但係去到﹐receptionist 又未到﹐要係樓下等。有點緊張﹐不過都OK﹐ interview, 其實有D問題都諗唔到﹐做case study 都有點緊張﹐不過at the end 覺得都 try my best, 過左去都真係好relieved.

8) 當日下午老公放1/2 day, 我地去左Zoo (有promotion, $5 入場﹐ 超平!) 幾好玩呀。不過回程時老細call, 返到屋企要做野! 做到成10 點! 第二日又要7點前返到! 覺得好辛苦! 於是大喊一場! 不過第二日都係要死死地氣返工。

9) 4/9 下晝 HH call!! 好緊張!! 原來新公司in 左四個人﹐宜家揀淨我同另一個人, 於是HH call 我問我覺得點。於是我就press my case 啦。HH 就話會call 返公司然後call 我。都幾緊張下﹐不過當時都幾晏﹐所以我諗都唔會weekend 前有消息﹐點知HH 又call 返我話得左!!

10) 之後既發展就覺得神都幾幽默。等paper work 既時間竟然比由apply 到有verbal offer 重耐。唔知點解HH 叫我等做好background check 先resign. 先前都無試過既。其實等既時間都幾難過﹐又驚有咩問題﹐又已經無乜心機做野﹐但係又好忙﹐ 又擔心start date 唔知幾時﹐因為有doctor appt 又有周年紀念旅行。at the end, 係公司忙完先resign, 好似好頭好尾甘。當然我請個新人今日先first day, 都無法架啦。

諗返轉頭神屢次係搵工過程帶領﹐好似之前係紐約搵落黎﹐今次經際低迷火速搵到工﹐真係知道神聽禱告﹐ 要好好記住先得。

農歷新年假

2010-02-15T18:27:00.002-05:00

剛巧今年年初二是President's Day, 老公與我都有假期, 難得有long weekend。不過忙這忙那又過去了。周六日間去了dry clean, 然後夫家執野﹐晚上在我們家與亞媽技安打邊爐。昨日去了在Cherry Hill West 聚會的Sovereign Grace Church 崇拜﹐係seeker oriented 的教會﹐好多小朋友﹐中間有break 既﹐都係第一次。感覺良好﹐如果下次唐人街路面情況差可以再去。下午老公返夫家﹐我本來打算在apt 收拾﹐點知太累睡了兩個鐘﹐差不多晚飯才起床。晚上同老爺奶奶去了佳佳﹐ 新年有些特別餸菜﹐不過今日去了Tokyo 就覺得佳佳差好多啦。

今早終於drop off 架車整emission recall﹐ 然後去搞保險﹐再去Tokyo, 竟然見到大伯一家。飯後去探拿頭﹐技安又再表現他熟手揍仔技能﹐ 不過我老公都唔差。亞信全場訓覺﹐我地懷疑她不想招呼我們所以扮訓覺。3點幾走﹐我同老公係車來勁訓﹐去拎返架車。整完車行會洗埋﹐不過又落雪又會污糟番。回家順路去拎衫, 現在又洗衫﹐㷛湯﹐假期係甘就過去。

kitchen staples

2010-02-06T14:56:00.003-05:00

做了主婦一段日子﹐發現下列的新鮮材料好緊要﹐只要有的話﹐好容易就可以煮到一餐飯:

薑

蒜

蔥

薯仔

紅蘿蔔

洋蔥

雞蛋

豆腐

椰菜

一般而言雪櫃都會有這些材料﹐再加上看季節買些時蔬﹐只要預先解凍肉類﹐回家後一小時應該可以煮好飯。

超市

2010-02-06T14:47:00.002-05:00

住的地方算好方便﹐除了美國超市﹐附近有三間亞州超市。最近的一間應該是越南華僑開的﹐其實好少去﹐不過昨晚怕隨時落雪﹐所以貪近就去了。不過就有點失望﹐因為所謂的hot pot beef 係無肥既﹐所以昨晚吃都覺得麻麻。還有這間超市竟然無獅子狗! 又無日本假蟹柳! 真的有點surprised, 大概下次都係遠少少去返美東同H-Mart。

二月

2010-02-06T13:30:00.002-05:00

好快就二月。

過去一周仍然忙碌﹐ 一二﹐9點多走。周三開會﹐大老細comment 不多﹐所以可以6點多走﹐回來同老公去了間新開的pizza buffet。人幾多﹐食物ok, 不過相信未別會再去。周四晚開會﹐昨晚本來有飯局不過因大雪改期﹐ 於是我們自家二人打邊爐。今日團契又cancel, 連續兩周要cancel 都是第一次。

下周一deadline, 希望周一manage 得到。周二有jury duty, 之後工作應該會slow down 一點。

OT

2010-01-29T23:27:00.001-05:00

上周OT幾日﹐一般7點幾﹐最夜10點幾﹐到周五都幾累。一來新CFO好多野唔識﹐二來又做year end, 又做planning, 所有野逼埋幾個禮拜做﹐年年都係甘﹐相信本周都會係甘OT。好在今晚煮左pot roast, 同㷛左湯﹐跟住周四要開會﹐周五出街食。相信成個禮拜靠呢兩味﹐加菜應該OK。

一年一度

2010-01-22T23:24:00.003-05:00

其實日日都係一年一度既﹐不過既然生日都寫下啦。年尾, 所以工作忙﹐無得話好似老公生日甘放假。本周都忙﹐今日都係﹐密密做﹐都算OK. 多謝友好們的祝福﹐ 晨早收到余牧余太張ecard, 係答D問題講你幾多歲既﹐我竟然係right on, 真神奇。6點幾走得﹐返來老公call Bonefish 不過要830 先有位﹐所以就去左新開間日本野﹐食Hibachi, 都幾好呀。人唔多﹐唔使同其他人坐。我地個廚真係有D功夫﹐ 因為我地見到隔黎個個跌蛋﹐我地個個就無。叫左2個combo (filet mignon/salmon, chicken/scallop) 食到飽飽﹐仲有得打包﹐唔知點解其他人可以又食Hibachi 又食sushi 架喎﹐甘大食。之後去BN睇書﹐跟住去超市買少少野。返來食埋老公買既chocolate cheesecake, 睇緊最後一集Conan O'Brien 既Tonight Show.

老公知我忙﹐禮拜一就買左花﹐今朝又偷偷地放張生日卡係我手袋﹐不過我又係慢半拍﹐返到屋企先見到。老公又買左飛聽朝睇Avatar. 多謝老公送我最好既生日禮物!

year-end

2010-01-16T00:15:00.003-05:00

又到year-end, 工作開始忙﹐本周有兩日7點幾先走。下周一公司放假﹐但係我要返工。由宜家到2月頭要做planning 同actual 既野﹐所以會忙D。先前公司reorg, 有D野可能要pick up 返﹐但係老細都未諗惦點做。其實宜家唔知應該點面對工作﹐一方面都想繼續有發展﹐但係要我再放多D時間落去我又唔係好想﹐所以現在都唔知應唔應該爭取好。有時覺得公司真係好麻煩﹐上面mgmt 時時轉來轉去﹐次次轉都有D野改﹐無咩continuity。不過都係果句﹐有工做都要感恩﹐唔好complain 甘多。

今日新大老細太太突然離世﹐唔知對我地會唔會有影響呢?

Gran Torino

2010-01-15T23:57:00.002-05:00

今晚終於睇左﹐技安睇完話好好﹐所以都想睇好耐﹐不過係Red Box 一直租唔到。後來上網download 到(原來大陸叫老爺車)﹐但係等等下又等到今日。唔係好知內容﹐淨係知有Clint Eastwood, 同講D少數民族既。點知一開始就發現好好睇﹐有感情﹐有D緊張﹐Clint Eastwood 真係好戲。

帶con, 帶手套

2010-01-08T16:47:00.002-05:00

今年兩樣野要記住﹐一係返工帶contact, 因為懶﹐所以平時多數帶眼鏡返工。不過其實開車時係好猛太陽既﹐因為無有度數既太陽眼鏡﹐所以我就甘開車﹐甘樣其實好傷眼﹐為免提早白內障﹐最近都帶con, so far ok, 都唔係太花時間。

另一樣就係要帶手套洗碗﹐ 暫時都記得﹐希望可以計續。

清倉

2010-01-08T11:38:00.004-05:00

先前見到個廣告話叫人check 下medicine cabinet 睇下有無野過左期要丟。當然廣告既目的係想人丟完野就買返新既﹐不過我都好同意藥物﹐ 護膚品﹐等等東西係要check 住幾時到期﹐免得壞左﹐用壞人。於是我又執下野﹐都發現有唔少samples, 旅行裝用品﹐ 等等﹐一係未開﹐一係就用左少少就無用。例如每次洗牙都有既牙膏仔都唔少﹐ 又或者夏天買左D lotion 發覺太rich又無用﹐ 仲有無數既Kiehl's samples! 因為次次買野都有3個samples, 儲埋都唔少。本來帶samples 去旅行最好﹐不過其實無甘多trips 去, 而且samples 都可以用好耐﹐起碼三四日﹐ 所以依然係用唔切。今年其中一個計劃係盡量用左家中護膚品既存貨﹐唔好等過期徙左。

2010 1st work week

2010-01-08T11:25:00.002-05:00

寒假後返工﹐以為會好塞車﹐點知又無﹐結論係可能college students 未返。所以本周有時8點出門﹐845返到!! 真係非常快! 放工亦交痛暢順﹐難得!

因為公司有大會﹐老細們都去了﹐所以好靜﹐於是我就8:45-5﹐ 都有野做﹐不過唔多﹐又寫下evaluation 甘﹐ 好快又一日。大概天氣凍﹐於是同老公鬥遲起身﹐試過7:25先起﹐所以8點先出門﹐不過下星期會忙D﹐ traffic 又應該正常番﹐所以都要早番D起身。

買左個pedometer, 宜家日日帶住﹐ 每日都抽D時間行下。發現公司樓下個parking garage 可以行﹐希望可以每日行10-20 分鐘﹐不過要行一萬步真係唔易。

公司改組仍未落實﹐我地都係照做住野先啦。

我的美麗日記

2010-01-02T23:40:00.002-05:00

多謝姐妹送我幾個我的美麗日記面膜﹐連續兩晚用了﹐覺得兩個(黑珍珠奈米與草莓優格)都不俗,大概真的要拜托買一些。家中還有些gel mask, 不過paper mask 又真的幾方便﹐而且獨立包裝可以last 得耐D。早前疏於保養﹐皮膚差了。最近勤力返又好D。

寒假

2010-01-02T22:52:00.004-05:00

聖誕新年假又差不多完﹐ 今年只請了12/24﹐ 28 同31號﹐ 其實假期是有的﹐但老公要返工﹐又想carry over 些假到2010﹐ 所以只在有plan 的幾日放假。

24號本來想返工﹐但後來發現是1/2 day, 於是放假。見老公12點放﹐就跟他上班﹐體驗一下他的commute 與New Hope 是怎樣。真的很遠﹐不過放假就無甚麼traffic。我帶了摩西五經的書去﹐在Starbucks 坐了一個上午,不過就只做了很少。之後老公放工就周圍行﹐不過老公寫左就不贅了。

28號因為有SSA 9am phone appointment 所以就請了假﹐點知無call, end up 我在網上填好表﹐不過都要拎文件去SSA office. 點知一等就個半鐘﹐仲被職員skip 了number, 好在問一問。之後又去超市﹐又去tire rotation, 本來想讀書又讀唔到啦。

31號因為約了大學同房夫婦飲茶﹐就請了假。想不到落雪﹐不過出去都無問題﹐還迫到街位。大肚的同房氣色相當好﹐雖然有孕婦糖尿病﹐不過不用工作就好好多。送了禮物給她﹐應該合用。好像去年都是這個時候飲茶﹐不知會否成為我們的一個tradition? 老公放330﹐ 我見有時間就去換passport﹐ 其實早應該換﹐不過見未逼到埋身要換就一拖再拖。同SSA不同﹐非常快辦好。晚上叫了拿頭夫婦同幾個未來過同附近住的姐妹來打邊爐 countdown, 起初擔心唔夠食﹐不過原來大家真的食很少。睇證人﹐ 食蛋白撻﹐食雪糕﹐其實都唔想大家夜走怕危險﹐不過講講下都2點幾﹐訓得都3點幾。

1號 11點幾好姐妹打來先起身﹐前一晚聽姐妹講話會去outlet, 於是我講完電話﹐又call 下八下佢地有無去。跟住我地又找拿頭一齊開車去﹐去前要先接返左工但係唔舒服要走既亞媽﹐好在我們未出發。去outlet 無traffic, 好快﹐一去就係Sony 見到馬氏一家﹐真係岩。我們只買了少少﹐姐妹們就收獲多點。晚上countdown 原班人馬去銀泉食飯﹐ 都好耐無試過連續玩兩日啦。

2009 點滴

2010-01-01T21:48:00.005-05:00

09年結了婚﹐搬了出來住﹐但是我們還是無交租的概念﹐幸好今日晚飯時有姊妹講起﹐否則我們又會忘記了。

最感恩係暫時仍然新婚愉快﹐ 坦白講自己對婚後的適應是有點擔心﹐ 因為真的有很多事情是婚後先知﹐又時時聽D前人話婚後多拗撬。當然多多少少都有﹐ 但可以接受﹐亦係對對方多點了解的機會。說"暫時仍然" 係因為覺得婚姻關係真的要努力經營﹐無得take it for granted, 希望呢個"暫時"可以無限期延長啦。

工作方面都要感恩仍然在同一部門。其實今年轉變甚多﹐我亦牢騷甚多﹐不過睇返轉頭都係自己要調整一下expectation, 調整好之後就知道有工作就真係要知道自己身在福中。其實以前工作都有上有落﹐忙就勤快D﹐ 閒就當抖下氣囉。兜兜轉轉宜家又應該係跟返舊老細﹐ 不過都未知既﹐出年又係要見招拆招。

粗糙的手

2009-12-29T20:27:00.003-05:00

結婚七月﹐發覺手粗糙了。

未嫁時都天天洗碗﹐都不用手套﹐但都ok﹐ 不似現在。大概現在要煮飯﹐家務真的做多了。

從今日起要帶手套。

大廈的好處

2009-12-21T15:31:00.002-05:00

大風雪﹐ 租住呢度唔洗鏟雪(當然我地都要返夫家鏟)﹐ 真係好。想起如果買屋都要買間無甘大driveway 既﹐同埋個lot 細D﹐唔洗鏟甘多行人路。

另外雖然宜家好凍﹐但係我地都未開heat,我仍然短衫短褲都唔覺凍。先前夏天我地都無開冷氣﹐大概向南有好處。相信本年冬季我地將無開heat 既需要。

風雪周末

2009-12-19T19:43:00.003-05:00

今個冬季第一回大風雪。

昨日超市勁多人﹐五點多去接亞媽放工已經好多人﹐本來我都想買點東西。她說你晚上出去送人才去買啦﹐點知9點幾去一樣人多﹐要排隊等位! 本來想買些煮minestrone 的材料﹐ 怎知裡面連香蕉都賣光! 見有幾件西蘭花剩下﹐都好啦﹐再拎支奶就走。不過排隊check out 人好多, 好在我曉去賣熟食那邊俾錢! 好快。然後我們再去Shoprite, 因為Honey Bunches of Oats $3 for 2!!! 從來無見過如此平!!! 再加上我有 $1 off coupon, 於是買了四盒﹐ 俾錢時收銀差D無用我個coupon, 好在我睇到! $5 買了四盒﹐ 又出了兩張$1 off next shopping order coupons, 對於我呢D慳家煮婦﹐ 真係好滿足。

今日落雪﹐團契cancelled, prestudy 又reschedule, 突然多了好多時間! 我地去了做gym, 做了30 分鐘﹐以為會好多人﹐點知唔係。game room 又無人。

今日終於用個KitchenAid 來整蛋糕﹐ 發現要買白糖。

今晚食返昨晚去Carrabba's 的leftover.

宜家諗住睇Michael Clayton.

摩西五經

2009-12-09T16:40:00.003-05:00

過去的周末上了華神的延伸科程﹐係馬志星牧師教的摩西五經﹐。

今年年初周功和牧師教了教會論﹐分三個星期上﹐不過臨近婚期﹐所以無讀。今次其實都有點猶疑﹐因為時間好長 (Fri 7-10:30, Sat 9-6, Sun 1-8:30), 加上周六有團契及prestudy, 周日又有主日學同崇拜﹐擔心支持不住﹐ 不過見拿頭大肚婆都參加﹐我應該OK 掛﹐ 加上又有另外兩個姐妹一齊(跟我們上次去NYC 讀的陣容差不多)﹐ 所以決定讀。

真係感恩有參加﹐因為學到好多野﹐當然主要係釋經﹐學到要將五經看為一個整體﹐解經要focus, 對利未記有新的看法﹐等等等等。不過最主要係從馬老師分享個人的經歷與見證中學到好多﹐他提到關於他太太的﹐ 關於對婚姻都令我很感動。他挑戰我們關於事奉﹐奉獻的看法對我都很有幫助。所以我絕對覺得係$90 well spent! 超值! 周日老師教到9:30! 好在我老公無challenge 我﹐ 而且車出車入﹐希望下次可以一齊讀啦。

有時大家會complain 呢邊無甘多學習機會﹐其實都有既﹐只要大家願意參加。明年四月又有 class, 看情形﹐似乎一年會有兩次﹐如果好以去埋NY 或VA 的科程都相當豐富啦。

希望兩個月內可以完成功課。

希望明年都可以繼續進修﹐ 好似馬老師講基督徒都需要continuing education!

做司機

2009-12-09T16:31:00.002-05:00

呢兩日做左司機。同事同新老細要黎做一個HR workshop。同事提議話不如我去pick up 佢地﹐慳返D的士錢!我見順路﹐而且尋日可以訓晏D(第二班機10:30 先到)﹐今日又可以早走﹐所以無所謂啦。尋日朝係屋企call SSA make appt, 12/28 以去問﹐又洗左衫﹐ 今日早走等我咳都算係可以早D返來休息下甘。不過想㷛粥﹐唔可以訓住。

又reorg

2009-12-07T21:18:00.002-05:00

今日5點走﹐頭先check email 發現公司又reorg, 我的business unit 有一部份會分出來有新的president. 而我就係專做被分出來一份既野既。今次唔知又會有咩影響。

Thanksgiving

2009-11-27T15:24:00.003-05:00

The Day Before Thanksgiving -放一點﹐ 放工就去Wegmans 買野﹐真係幾多人!

又整花左個煲! 於是夜晚急急去對面Macy's 買返。先前registry 送的百幾元gift card 仲未用完。要記得年尾前用左佢﹐否則會expire.

Thanksgiving Day - 都係同家人食飯。中午去飲茶﹐晚上食住家飯。好欣賞個南瓜包﹐所以又叫。老細幾識做﹐免我地茶。不過對面停車場無得validate﹐ 泊兩個鐘要$14﹐對我地呢D 泊開腳醫$4既人來講都幾貴。返來兩點幾去HMart 同Wegmans, Wegmans 少人好多﹐大概D人開始煮同食。返到屋企㷛個Minestrone 同整左什菜﹐個Minestrone 好似唔錯。

食完飯返來﹐想整芝麻糕﹐因為太耐無整﹐自己懷疑個其實寫得好清楚既食譜﹐所以抵我失敗。試下整我鮮奶糕(不過第二日發現唔夠硬)。找來找去終於係見返個寫係信封上既椰汁糕食譜!!! 好在!﹐ 聽日可以整。臨訓前醃埋隻雞﹐希望入味D。

The Day After Thanksgiving - 其實一向無black friday 買野既習慣﹐不過見住mall 對面就去下﹐本來老公話行過去﹐但係我頂唔順大冷都係開車。好在甘岩有位。我發現我地係完全無購物既意欲。除非有target 否則都係無野想買。今次就淨係買左個Auntie Anne 食。或者無甘多人會好D既﹐因為最怕人多排隊比錢。

炒人

2009-11-24T21:46:00.003-05:00

今日老細終於炒左PA! 突然間D野又郁得好快﹐今日無聲無色就炒左佢。差唔多5點佢叫我call team meeting, 都覺得有D怪。原來當時已經炒左﹐ meeting 就係通知我地。呢幾日佢都有講過好可能要上法庭﹐因為PA捉住我老細某D野(e.g, 先前老細預備炒佢時﹐有D development program 要同PA 有weekly meeting, 但係我老細就無個個禮拜都同佢meet)。今日佢又叫我地留意PA 可能會contact 我地﹐我地以前同佢講過既野都可能會上堂用! 真係麻煩! 一早都叫老細restructuring 既時候炒左佢一了百了﹐佢為左唔想少一個headcount 而無做﹐最緊要係一路都知PA唔惦﹐但係老細又唔對付呢個問題﹐宜家搞成甘大家都麻煩﹐ 希望唔係真係會搞到上法庭啦。

警告

2009-11-20T20:37:00.003-05:00

尋日take 左Flu PTO, 今日返番工﹐(舊)老細就同我講比左written warning PA! just so you are aware 甘喎。其實我都知知地﹐因為先前見到佢開左D file 個file name 係written warning 之類。不過聽到佢話出左, HR又同佢講埋﹐我都嚇一嚇。再問講成點﹐老細話not that good, 話係PA 部電腦度found a lot of sh*t, 又話PA 係公司個conference room 度做佢係ESPN radio 既weekly show, 仲send 左D confidential 既file 比scofield. 好有可能因為甘被炒! 甘我就更加驚﹐同老細講話好驚D workplace violence 既野﹐因為先前先聽過有個人被炒﹐兩年之後先返去公司開槍! 甘老細就叫我keep my eyes open 甘。

過左一陣PA 就返﹐我當然唔敢問﹐ 睇佢個款又好似無事。不過佢黎in 果時﹐都睇唔出佢係甘啦。其實最近同佢既關係Ok, 我諗有咩事都唔會搞到我啩。

咳

2009-11-19T11:02:00.002-05:00

好多人咳﹐首先我老公咳。星期二早訓都無咩咳﹐點知尋晚成晚係甘咳﹐訓訓下又熱醒, 慘。我都無乜點訓﹐今朝見佢甘辛苦﹐我都決定唔返工(反正有假﹐公司有唔忙)﹐同佢去睇醫生﹐點知醫生放假無得睇﹐係call 左D藥去藥房。好在我無返﹐因為發現得我有張prescription card. 宜家應該得﹐可以去拎。

另外就係我個nephew, 哮喘咳到出血!!!!! 嚇死人。希望佢肯食D鱷魚肉㷛既湯啦。

早訓﹐ 㷛粥

2009-11-18T21:22:00.003-05:00

拿頭經常勸喻我早D訓﹐會對身體好D。因為老公病﹐完全頂唔順﹐ 昨晚9:30就上床。而我覺得盡可能都係同時間訓好D﹐於是9:45 我都訓。結果一覺訓到五點起身﹐之後再訓番﹐7點先起身﹐覺得真係差好遠﹐精神好多。希望多D機會可以早D訓。

因為老公病既緣故想食粥。尋日佢自己㷛左D白粥﹐今晚我就㷛左D瘦肉粥﹐原來㷛粥好多學問﹐又要落油﹐又要浸米。食譜叫㷛個半鐘, 我見㷛左一個鐘都好似得﹐於是息爐算數。落左D薑絲﹐幾香下。

講電話

2009-11-10T20:47:00.003-05:00

日前好姊妹打來﹐又講左成個鐘,真係多謝佢甘多年來既關心,我就時時諗住call 佢﹐但係一日拖一日﹐次次最後都係佢call 我。都係講下近況﹐ 屋企人﹐婚姻生活之類﹐ 熟人即係熟人﹐咩都講得。講下生仔﹐ 佢又唔會話你唔細啦﹐好快D生啦﹐而係話諗清楚先﹐因為二十幾年既教養唔容易。講下買屋﹐佢又唔會因為有$8000 tax credit就係甘話你快D買啦﹐而係話人人情況唔同﹐最緊要諗清楚家庭需要﹐自己ready 先好。係啦﹐我地會架啦。

舊上司飯局

2009-11-09T20:51:00.004-05:00

連續兩星期同舊上司午飯。

上周三與兩同事同已退休的蘇聯女上司食飯。她是請我入來這公司的第一任老闆﹐跟她工作了兩年﹐到merger 之後才轉到別組。跟她關係良好﹐之後我兩次調職都是她引薦。退了休的她真的狀態大好﹐大概不用營營役役真的差好遠。她說退休有點悶﹐花多了時間煮飯﹐和要習慣一下不用整日上班﹐少了見人的日子。不過她有兩個外孫﹐父母又健在﹐其實都有很多事情可以做。

我們一眾前下屬講下近況﹐少不免投訴一工作上的不順心。另外兩個同事都結了婚有子女﹐有家庭負擔﹐加上經濟差所以都不敢莽動。飯局對我們這班仍在營營役役的人來講﹐除了敘舊之外﹐是聽過來人智慧之言,雖然都是老生常談﹐the grass is always greener on the other side 之類﹐不過都真是有calming effect, 希望遲些再有機會出來。

今日就跟蘇聯女人的前女上司﹐亦是我組先前的CFO 食飯。今日的學習是不要只看到人家表面上的好﹐真的是家家有本難念的經。跟蘇聯女上司才講到前女上司其實不用工作(因她丈夫也身居要職)。想不到今天聽到她丈夫因先前一次跌倒現在不能再做先前的工作﹐ 丈夫現在只做part time. 當然她走時拿了一大筆遣散費,我相信他們的經濟應該無問題, 但中年失業﹐兩個兒女在大學﹐還有一個要上中學﹐壓力也應該很大。前女上司真的很好人﹐無架子﹐又教我好多﹐希望她可以享受現在休息的時間﹐並好快找到新工作。

4C

2009-11-08T21:53:00.003-05:00

結婚近半年﹐好快又要做輔導follow-up, 重溫一下余牧在婚禮當日的勉勵:

Companionship

Commitment

Compliment

Christ Centered

婚後大家單獨相處時間自然多了不少﹐ 所以by default 好像一定會做到第一個C。不過我想大家都有用心去培養成為對方的最好朋友﹐培養共同興趣﹐ 或學習欣賞對方喜愛的。雖然我對NBA﹐ 對動物興趣都不大﹐不過老公有興趣的﹐我都會留意下。好像去DC 就去了Zoo 同Museum of Natural History, 如果up to 我自己就未必會去﹐但一同去了﹐我又覺得幾有趣。不過DC 係我想去既(我真係幾時都想去DC 既)﹐老公又同我去﹐等我可以見下YY﹐ etc. 好似我鐘意去museums, 我們又去了Franklin Institute, 同Harvard Museum。希望未來幾個月可以去art museum, 聽concerts 等等。

﹐結了婚半年﹐其實真的不敢說完全明白何謂commitment。當然大家都看重我們在神面前所定的婚盟﹐但我想婚姻要經歷過考驗﹐才可顯出那種對對方的委身。暫時我們經歷過的都不算太嚴峻﹐相信在三年﹐五年十年後再回顧才可以分享當中的體驗。

Compliment, 我覺得老公係呢方面做得好好﹐經常都會讚賞我﹐係呢方面我覺得好感恩。我想新婚的女士們其實有一定的壓力﹐起碼我自己覺得有(大概新婚男士都有﹐但我唔係男人好難理解男人心態)。或者每逢身份有改變都會有壓力﹐因為自己未經歷過做人太太﹐雖然婚前有輔導﹐亦有看書去了解﹐但最終都係要結了婚﹐一同生活才知道如何去做人妻子﹐而實制的體驗同自己的期望(及對方/夫家的期望)或會有距離。如果得到丈夫的欣賞/認定﹐這過渡期就會容易過得多。我想我的餸菜都有代改進﹐持家之道仍要多學習﹐但老公願意every step of the way 都去認定我的努力與心機﹐對我真的好大幫助。

Christ centered, 這個我想仍要努力。當然我們有每晚一同禱告﹐一同在團契事奉﹐一同追求長進如上主日學﹐上網聽道等﹐但我想大家可以更多的分享﹐更多的鼓勵對方為神去夢想。

結婚相

2009-11-08T17:48:00.003-05:00

雖然周五夜訓(其實我12點就訓不過2:30左右唔知點解醒一醒發現老公未訓)﹐但係周六8點又起身。洗機毛巾﹐食野﹐跟住醒起仲未執既結婚相﹐ 終於的起心肝一齊執。結婚禮物中有兩本相簿﹐岩晒。睇返D相幾開心﹐當日一切真係非常順利﹐ 一對新人當然係好enjoy, 好開心﹐ 其他人都似乎一樣甘高興。個photographer package 有一張11x14, 成個月前買了相架﹐都係現在才放入去。其實都仲要印D 5x7, 因為有兩個禮物係相架﹐唔好徙左人家一番心意。

寧靜一晚

2009-11-08T17:13:00.003-05:00

周五老公有節目﹐於是自己過了寧靜的一晚﹐只係吃飯﹐上網﹐看書。最後沒有看福爾摩斯﹐看了先前去retreat 買的書。真的幾享受無電視聲音的時間﹐以往家中長年有電視聲﹐而我是非常怕噪吵的。現在我們晚上都會看電視﹐ 對我來說所花的時間是可以接受的, 不過間中一晚可以不開電視真的不錯。

幾期待下次男人的聚會。

做人妻室既責任

2009-11-06T20:59:00.005-05:00

結左婚先發現其實自己幾傳統﹐ 我覺得做人老婆係真係要煮飯既。縱然大家都工作﹐但係照顧家人飲食我覺得係我做人妻室既責任。要食得健康﹐要食得多元化﹐真係好大既學問。感恩婚後工作量暫時OK, 只要每周買好菜﹐前一晚做好準備﹐7點多會到家都可以弄餐簡單的晚飯﹐ 。

另外對我來講好緊要既就係洗衫﹐唔係話我真係好鐘意一個星期洗三四機衫﹐但係做人太太我覺得一定唔可以攪到老公無乾淨衫著﹐或者應該話唔應該囤積污糟衫超過一星期。

重有就係屋企既supplies 唔可以用到無﹐ e.g. 廁紙﹐ 洗頭水﹐洗潔精﹐ 米﹐醬油之類。一來要用既時候先發現無就好麻煩啦﹐二來這些東西預早買就可以在sales 時買﹐不用臨急買貴野。

本周工作

2009-11-06T19:27:00.005-05:00

趁老公同班男人poker night, 我可以作下文。

對公司的改變仍在學習接受當中。暫時一切如舊﹐仍然主要幫舊老細做野。雖然無意積極向上爬﹐但突然殺出個程咬金都真係有點不憤。不過同一眾同事講過﹐大家都心中有數這些升遷安排能力只係佔一部份﹐好大程度係politics, 大老細鐘意你﹐自然升得快好多。唔想否定自己既感受﹐不過亦無意繼續唔開心。為工作影響心情真正的不值得﹐ 幾日已經好夠啦。再想到現在失業率兩位數字﹐更加要為有工作感恩。

我諗更加重要係從來無將個人生死榮辱﹐人生意義建築係工作上。人要有工作﹐因為要食飯! 如果可以將興趣同工作聯合當然最理想啦﹐不過一般人都做唔到﹐ 如果可以用到自己既知識﹐ 學到野都算OK 啦。既然都無打算訓身落去﹐發生呢D事都唔需要甘介意。

希望繼續保持健康的心態去面對工作。

新老細

2009-10-30T22:48:00.003-05:00

尋日黎左一日。又真係幾勁﹐仲細過我個staff 一年﹐但係已經係FSA, 即係pass 晒所有actuary exams, 一般人可能要7-8年﹐甚至乎永遠都搞唔惦既。個靚仔4年內搞惦﹐應該都好勁下。個人都幾nice, 結左婚﹐ 幾mature 甘﹐所以我諗應該ok 既。不過唔知會唔會好micro manage, 不過我前上司都夠衰﹐所以應該唔會衰得過。同埋佢manage 埋D好似我地甘有責任感﹐又知道做D咩既人﹐都應該好易。其實我覺得話就話report to 新老細﹐其實都係名義上﹐實際上都會好似以前甘主要幫舊老細做野﹐不過要知會一下新老細甘。我諗因為大老細鐘意呢個新老細﹐又要為將來consolidate 個dept 落NC 鋪路﹐所以要安排新老細所謂manage 一班呢度既人。大概未來一年OK, 我地個team 有人走既話﹐replacement 一定係NC請。我地個team 佢會有三個direct report, 係IN 個同事係公司做左十幾年﹐我同佢都好熟﹐佢講明唔會走。我以前個staff 岩岩轉左升左﹐應該都唔會郁住。我呢? 都應該唔郁住啦﹐去年Scofield 都係結左婚一年後先走﹐我都係處於太多variables 既階段﹐所以都係睇定D先算。

org change

2009-10-28T20:24:00.003-05:00

尋日下晝老細話去starbucks, 叫我跟埋去﹐我都知有野講。果然佢就係同我講係我之上加個人﹐我同IN 同事會report to 一個係NC 既精算。其實先前我見到佢係度畫org chart, 都知知地。亦反映過我覺得安排唔係甘好﹐無啦啦加一層。不過知道係大老細提出﹐即係想有個人係下面幫佢﹐所以知道反映還反映﹐其實都係得果講字,不過即係話起碼表達過自己既意見啦。因為知知地﹐所以算係可以平靜面對﹐老細係甘話﹐雖然係look bad﹐不過唔好擔心﹐你表現好好云云。其實look 唔look bad 我又唔係太介意﹐even 我個staff 都唔再under 我都唔係甘大不了。今日同IN 同事講﹐ 佢反應就大好多﹐因為覺得look bad, 又要train 過新老細。而呢個新老細一D管理經驗都無(我都嚇左一跳)﹐都真係麻煩D。不過原來新老細現職都要有排先transition 到﹐大概明年三月先可以完全過來我們這邊。其實我現在對工作睇得好開﹐邊個做老細都係有好有唔好﹐都想有得晉升﹐不過太辛苦我又唔想。現在既改變大概表示一年來工作應該仲OK, 之後點就唔知啦。明日新老細來﹐睇下佢係咩料先得﹐不過據知我做既野佢從來無掂過既﹐真係要train 下佢啦我諗。

懶起

2009-10-27T19:50:00.003-05:00

近日越來越遲天亮﹐ 於是我也越來越遲起來﹐630, 645, 700, 705...

希望本周末較慢鐘後會好些。

周日忙

2009-10-25T21:16:00.003-05:00

今日正常﹐返church, 都有點眼訓﹐大概昨晚夜了點。繼續church history, 幾好。崇拜後趕快買菜﹐回亞媽家後drop off 車check alignment, 因為周五來不及。回家吃left over, 車未check 好﹐先過亞媽處執野。結婚五個月﹐我仍然有好多野係間房﹐技安下哀的美敦﹐ 唯有死死地起返去執。執了成個鐘﹐發覺我真係好多野。終於clean out 個closet, 係未拎件綿襖。end up 都仲有兩三盒野係房﹐不過技安見我有make effort 又無鬧我。走﹐去拎車﹐alignment ok, 老公幫我去入油。其實我真係好想禮拜日煮飯﹐不過太累﹐最後用埋張$10 off 去Buca 買外賣。D野好大碟﹐兩個人食飽,留埋lunch 都仲有leftover, 睇電視﹐作文﹐沖涼﹐洗床單﹐差不多要訓。

周六省親團

2009-10-25T19:04:00.004-05:00

周六去了探親。

先前亞媽話要去探下亞爸年邁的舅夫﹐又想去看看姑媽(亞爸表姐)的老人屋, 因為各人檔期難就﹐所以唯有犧牲不去mission conference.

去舅公處(nursing home)前我們先去他兒子我表叔家﹐ 就是結婚當日令人以為我們識得名DJ那位。其實他們住NJ中部﹐真的很近﹐1小時左右就到。表叔幾好人呀﹐先前我只是在喪禮同婚禮見過﹐不過當然兩次我都分身乏術﹐無交通過。去舅公處時見到他的牆上貼了些詩篇﹐原來他最近信了主﹐並會洗禮﹐真係好啦。原來表叔一家都是基督徒。我們本來去坐一下就上Brooklyn 姑媽度﹐不過表叔極客氣﹐要請我們飲茶﹐ 於是我們就去了西湖.

我覺得好好﹐好過費城。因為飲茶就可以見到舅婆﹐表姑姐﹐同兩個cousins.

是次聚會我感覺良好﹐可能老了﹐不再怕跟"大人"食飯。又或者其實親戚們都好好﹐又或者見見他們令我覺得同亞爸有點聯繫吧。

再一次發現真是前人種樹﹐後人乘涼。舅婆同表叔說了好多次他小時姑媽(即我亞嫲)從香港寄奶粉給他﹐ 我亞嫲在生時真的很照顧家人﹐個個堂兄弟去香港都去她家"落腳", 幾十年之後人家都仍然好感激。

之後我們上Brooklyn 姑媽處﹐這個姑媽在香港時都會去拜年﹐所以熟好多。因為我們留了食lunch 所以遲了上去﹐幸好交通ok, 去到真的好impressed, 全新好靚又安全。姑媽又煲了雞湯, 勁好飲﹐連技安都飲了兩碗, 我就三碗。姑媽又show D 靚藥材我看﹐知道她去新同發買﹐我下次都去先得。

差不多五點離開﹐我在車上勁訓﹐雨開始大﹐不過亞妹都話可以出來食飯。於是我們去了這間上海店。

覺得食物可以﹐不用等﹐但waiter 好懶﹐ 最特別係見到久違了在那裡念書的姊妹C﹐不過我們又急著走﹐說了兩句就走了。

回家老公開車﹐大雨。9點半左右回到家﹐累!

要特別鳴謝老公唔怕悶同我們去探親。

周五請客

2009-10-25T17:05:00.007-05:00

剛剛過的周五請了電腦媽媽同細佬來吃飯。

首先要再次多謝auntie & uncle 送的水晶擺切。上次auntie 來這裡我們都有出去吃飯﹐現在結了婚﹐覺得在家吃飯坐得舒服些﹐又可以讓auntie 看看相簿。禮拜五剛剛好﹐因為第二天auntie 就返CA了。

禮拜三去了買菜﹐周四晚先煲湯﹐用了最後一包拿頭買的湯包﹐又先浸了冬菰與江瑤柱。周五3點走﹐但因要換軚﹐所以都有點急忙。先切肉﹐醃好﹐又醃魚﹐一邊浸菜(白菜仔真的很多沙﹐洗了四次才好)。先前上網看到貼士說要先蒸江瑤柱﹐否則會太韌﹐所以今次就先蒸(不過我最後將冬菰與江瑤柱炆了十數分鐘﹐大概蒸與不蒸分別不大?)﹐又留下了浸冬菰與江瑤柱來煮獻。今次用了拿頭推介的韓國牌豆腐﹐真的不錯﹐軟的但不易爛。炒白菜仔同maple salmon 煮過好多次了﹐所以都可以啦。Auntie 又帶來兩味好餸所以真的幾豐富。

飯後看婚禮照片﹐吃生果。多謝auntie 賞面﹐希望明年再見。

我家廚房

2009-10-22T21:05:00.002-05:00

結婚幾個月﹐入廚多了﹐讓我做個小小回顧:

- 有點突破﹐煮過一些以往從來無買過的菜﹐如冬瓜﹐蓮藕

- 其實各類蔬菜本身都有鮮味﹐好像椰菜﹐蓮藕﹐矮瓜等等﹐我都試過只用蒜頭炒﹐又或是清炒(當然要加點鹽), 已經好好味. caramelized onion 就更加唔使講﹐好好味。

- 多了幾個tried and true 的餸菜﹐好像韓式豆腐/矮瓜﹐ 蓮藕﹐ honey baked chicken, chicken teriyaki, home fries, 蒜蓉白菜仔

結婚。安心?

2009-10-20T19:41:00.006-05:00

早幾星期見到一位久違了的朋友﹐她問起我婚姻生活,說她媽媽說結了婚人會安心些﹐心定一些。不知如何回應﹐大概過了籌備的忙碌﹐大日子的緊張﹐自然會有放下心頭大石之感。但內心是否覺得安穩我想與marital status 無關吧。婚姻不是甚麼靈丹妙藥﹐如果單身時不快樂﹐結了婚都一樣會不快樂。單身時覺得無安全感﹐結了婚大概只會帶來更多令你覺得無安全感的情況。其實婚姻生活真的比單身複雜許多﹐如果單身生活都過得不開心﹐結了婚就更加難過了。

一直相信一個健全的人才會有健康的婚姻。當然健全不等於完美﹐人人皆有不足欠缺之處可以在婚姻中學習成長。現在正努力學習中。

Apartment Living

2009-10-14T20:01:00.003-05:00

連續兩日放工返來都同住在同一層的鄰居同電梯﹐真係少有。轉眼在這裡住了差不多半年﹐覺得好滿意。好久無住過apt, 起初驚不慣﹐怕鄰居會噪﹐怕等電梯等得耐﹐怕髒。so far 都ok, 可能這裡算新﹐雖然最近多了人搬來﹐但感覺上覺得不是很多人住。我想最好的是有自己的洗衣機﹐因為我們真的時時洗衫﹐一星期洗4-5次﹐當然可能如果無機就不會洗得如此密。兩個房﹐好夠住。原先怕一個浴室會有爭用的問題﹐不過大家遷就下就ok。其實這裡係有gym 同泳池。gym 我們用過幾次﹐pool 就無用過。還有game room, 老公同班男人去玩過兩次。當然大家可能覺得浪費﹐唔多用D facilities, 不過我覺得ok 啦﹐最主要係個apt 好就得啦。

住high rise apt, 最不同係要預多些時間落樓﹐不知冬天落雪會如何﹐大概要預多15分鐘出門。

周日。剪髮

2009-10-11T19:41:00.004-05:00

今日有新既主日學﹐講教會歷史﹐唔知係唔係大家怕歷史﹐所以比鄰班少人好多。舅夫由頭訓到落尾﹐其實我覺得ok 既﹐唔係甘悶遮。今日先知挪亞係先過巴別塔既。

講道真係唔係好明﹐想唔到有翻譯都甘快﹐都好﹐可以快快去整頭。上次剪髮只係8/29 既事﹐但係我頭髮又多﹐又生得快﹐重要有白頭髮﹐真係好麻煩﹐。今日見老公開會﹐就去剪染﹐無人﹐但係都要3:15 左右先搞掂。單係上色都好似上左半個鐘﹐其實每次去剪髮我都覺得唔好意思﹐因為幫我剪髮真係好多工﹐吹頭又要半個鐘。因為人少﹐所以個女仔可以慢慢剪﹐其實我都知去New York 剪係好D﹐不過佢有心機剪都ok既。今次剪到膊頭以上﹐成個人輕省好多﹐不過相信兩個月內又會打回原形。

周六記

2009-10-11T15:50:00.003-05:00

昨日無團契﹐因為請左老爺奶奶來晚飯﹐所以起身就㷛湯﹐醃雞翼 (honey baked chicken wings)﹐早上食左Omaha Steak 既gourmet franks 加蛋。㷛好湯就出去買餸。去到Produce Junction 竟然無晒橙賣! 佢地D橙係我地食過最consistent 甜既﹐失望! 於是淨係買萍果﹐薯仔﹐紅蘿蔔﹐甜洋蔥(想本周整咖哩)。之後去HMart, 點知出錯出口﹐就去左美東先﹐老公買麥精。去H Mart, D 菜唔靚﹐本來想整eggplant, 但係見又貴又唔靚﹐於是改買白菜仔。買新鮮$7.99 / lb 既 salmon. 問好拿頭買D韓國豆腐﹐同D spare ribs 試下。返屋企煮飯﹐諗住630要食﹐所以4點幾醃魚(Maple Salmon), 5點就煮個椰菜瘦肉。點知最後7點幾先來到﹐所以我覺得D菜無甘綠。同埋個salmon 被我warm 住﹐搞到D maple syrup 膿(好似寫錯)左﹐要換過個碟先上得。

時間

2009-10-08T20:45:00.003-05:00

婚後覺得每日的時間都好緊迫。如果530放工﹐大概615-630回到家﹐立刻就要預備晚餐﹐ 如果快手730可以食飯﹐不過多數都要近8點先得。之後洗碗, 預備明日早餐﹐看一陣子電視﹐上上網﹐有時又洗衫﹐剪coupon, 好快就9點多﹐沖涼之後差不多要訓。當然煮飯﹐clean up 各樣老公都有幫手﹐不過快極都要時間。真係佩服又做野﹐又有細路既working mom﹐ 點可以做到甘多野架呢?

呢幾日

2009-10-07T21:45:00.002-05:00

可能因為傷風一路未好晒﹐所以今個星期都過7點先起身﹐搞到返工都遲左。

洗左衫啦﹐希望聽晚可以再洗。

今日530前放工﹐無塞車﹐可以去買餸﹐ 有好多時間﹐可以慢慢行。宜家老公份工遠左﹐平日如果要野都要自己去﹐想唔到高檔平日都有得試食﹐ $5 pasta bowl 幾抵﹐如果真係無時間煮都可以買。不過大概新婚既緣故﹐我會堅持自己煮多一陣。

病﹐ retreat

2009-10-04T21:07:00.002-05:00

病了﹐應該係禮拜三去baseball game 凍親。周四起身覺得喉嚨痛就知唔掂﹐周五起身照痛﹐爭扎返唔返工﹐大概士氣大不如前所以無返。起身食野食藥訓番﹐一路訓到成點先起身。大概病中真係好訓得。周六retreat 最後決定去﹐感恩都頂得住。三個信息都好好﹐講靈命成長﹐講靈修﹐講做野。以琳既弟兄姐妹真係好友善﹐好鐘意同我地一齊﹐又好客氣﹐我地乜都唔使做﹐佢地仲送野比我地core group﹐ 雖然佢地係大我地兩個團契﹐但係反而覺得同佢地一齊多D親切感(可能好多人我都識左幾耐啦﹐又係我覺得值得尊敬可以學習既前輩)﹐所以頭先同老公傾開話不如直升以琳啦﹐唔使甘煩。

今日無主日學﹐可以訓到930﹐算係比我身體recover 一下﹐返church, 之後本來話上去亞妹度﹐最後我頂唔順要訓﹐佢個仔又唔肯訓﹐最後決定佢地開車落來等佢個仔訓下。5點幾去diner 食飯﹐返來洗床單﹐換床單﹐宜家要訓啦。

主婦一周

2009-09-27T19:48:00.002-05:00

星期日 - 換床單, 識左亞積之後我乾淨左好多。我發覺如果唔係星期日換就好難keep 住個一星期換一次既schedule.

星期一﹐ 二﹐三 - 最好洗到兩機衫啦﹐ 甘樣我覺得好ahead of the game, 覺得好有成就感。盡量唔想weekend 洗﹐ 不過好多時都要洗多兩機。一機床單﹐一機毛斤﹐一機深色﹐一機淺色。幸好apt 有洗衣機﹐否則唔知點算。

一星期中有一晚要去買奶﹐麵包﹐加少少生果。

周六或日係唐人街買D 菜。

通常一周平均煮三次餸﹐ 因為好難煮到岩岩好﹐所以其他日子都會食下leftover, 加D 菜甘。有時奶奶又煮一兩個餸同湯比我地。周六宜家好多時帶D leftover 返團契食。

是日晚餐 -

2009-09-22T20:18:00.002-05:00

南乳薯仔排骨㷛﹐ 跟呢個食譜整﹐但係想用左D薯仔﹐所以無用蓮藕。

主要原因係貪得意買左D南乳。

老公係拿頭度食左冬瓜﹐ 叫我整。本來想落D冬菇﹐但係無時間浸﹐所以淨係用瘦肉同粉絲﹐落D蠔油呀甘﹐都幾好食。不過第一次整冬瓜﹐覺得處理上有點兒麻煩﹐因為好大件﹐唔知點切。

花膠健胃湯﹐ 鳴謝拿頭幫我地買湯包。上次整豬排﹐切左D bone 留返﹐今次用來煲湯﹐ 加多兩隻雞脾。上次㷛湯好似太多水﹐飲好耐先飲得晒﹐ 所以今次用少D水﹐飲兩餐應該搞掂﹐不過又好似濃左D﹐ 或者下次加返多D水。

weekend update

2009-09-13T20:53:00.005-05:00

周五: The curious case of Benjamin Button

周六: 同亞媽去左Macy's (buy 2 get 1 free, 益左我有件cami)﹐ 跟住要去拜山﹐返來又出去prestudy, 8:45 走﹐去Red Lobster 接返上左NY既亞媽。整好我對本來諗住結婚帶既耳環。亞媽自己又買左對新野。

周日: 終於有得同大家食lunch, 之後去左Sears, 但係抽濕機又無貨﹐跟住去高檔買D野。又去埋Crate and Barrel﹐ 終於買左呢個。

陰謀論

2009-09-11T17:35:00.002-05:00

尋日老細無啦啦叫我今日work from home, 但係我驚佢有乜搞作﹐﹐所以都係返啦。

點知今日就落大雨﹐食食下飯又停電﹐本來HR叫我地走﹐好多人走左﹐我地未走就有返電﹐於是無走到。430走﹐落雨塞車﹐成個半鐘先返到。

下次都係話之佢﹐好似亦舒話有得坐就無謂企﹐有得訓就唔好坐。有得work from home 就唔好諗甘多﹐如果真係job elimination, 返多返少一日都係一樣。

Note to self: 下次去Boston 要去

2009-09-10T21:08:00.002-05:00

- Isabella Gardner Museum

- MFA (有BofA card, first weekend free)

- Whale Watch

- Flour Bakery

- Duck Tour?

- 唔知好唔好買Go Boston card

Sept 4 - 6, 2009 Boston II

2009-09-10T20:13:00.009-05:00

食 -

Carlo's 上網找到這間﹐禮拜六去了食dinner. 真的多謝Yelp 的review. 細細間既family restaurant. 好有水準﹐可以再返去食。

久久台北 這間台灣店係亞Za 介紹﹐之後先知原來她未去過﹐不過經過過。好多人﹐要等﹐不過值得。小籠包﹐三杯雞﹐滷肉飯都好好食。好似有weekend dim sum brunch 添﹐下次可以再去。
這兩間食店都是在Allston, on Brighton Ave.

玩 -
周五去了Harvard MIT 行.

周六去了USS Constitution, 主要係技安要去﹐不過我都覺得唔錯﹐講返以前D水手既生活。
之後去了Bunker Hill Monument, 好近。行了294 級樓梯上去﹐看到Boston 全境。不過就要幾日先痛完。

之後去了Quincy Market / Faneuil Hall﹐ 好多人﹐好熱鬧﹐ 係Quincy Market 買了smoothie 好味! 之後去了Faneuil Hall 的Great Hall.
之後去了State House, 係Boston Common 隔鄰泊到車。係公園行﹐有frog pond. 跟住去Newbury Street﹐ 兜了幾個圈有位泊。主要係行街﹐又食下野甘.

星期日去了Harvard Natural History Museum.有BofA credit card, 我同老公都免費﹐不過$9 一位都好抵。單是那glass flower collection 就值回票價。

九月九日有得飲

2009-09-09T22:07:00.002-05:00

去完飲﹐真係覺得自家既安排好好﹐要做到賓至如歸好難。

撇開weekday 擺酒甘唔方便唔講﹐最緊要係坐得迫到呢 (8人檯坐12個人)﹐又熱啦﹐同埋N甘多個人講野﹐使唔使呀? 10點都未切到蛋糕! 我決定走人。

最好笑係亞姑媽話都係你地果餐好D。多謝。

posting of your own job...

2009-09-08T21:05:00.003-05:00

先前去了Boston 的同事找我﹐說看到自己的工作的招聘廣告﹐問我怎樣看公司的內部posting.

嘩﹐自己份工﹐見到都會幾緊張。最後同事決定問老細﹐老細話係IT post 出來試下﹐叫佢不用擔心云云。

同事聽完覺得滿意。

今日見到老細個schedule 寫住interview. 跟住下晝見到有兩個人來見。我問老細乜我地請人咩。佢話請同事個mgr 個位﹐因為佢做到年尾(之前job eliminated 左﹐但又留住佢做一陣)﹐想早D請返個人云云。

老細個版本同Boston 同事果個有D唔同。先前同事又講可能會mgr 走後﹐會有promotion 機會...

D老細都係信唔過!

note to self

2009-09-08T19:23:00.002-05:00

老公鍾意食蒜蓉炒白菜仔。用少少鹽炒就得啦﹐好易!

Sept 4 - 6, 2009 Boston

2009-09-07T19:09:00.003-05:00

Labor Day Weekend, 同老公﹐亞媽同技安去了Boston。

1) 交通 - 起初好擔心traffic 會好差﹐ 幸好剛剛去過的姊妹同一同事建議行Tappan Zee, 684, 84, 90. 果然無塞車。謝謝。在Boston 裡面好confusing, 技安屢次miss。最大驚喜係除了去USS Constitution 泊入parking lot 外﹐其他時候都找到街位。

2) 酒店 - 唔錯﹐老公最鐘意eye level flat screen TV。$90 一晚priceline, 但原來要2張queen beds 要加$30 一晚,parking 要$24. 不過在Cambridge Memorial Drive, 隔鄰有Trader Joe's﹐ 有free wireless, 所以no complaints.

3) 食 - 因為有recommendations, 所以去了Porter Square 食拉麵。覺得幾好﹐不過不夠NYC Sapparo 好。同埋waitress 好唔惦﹐整跌左張$20 係地下又話我地比少錢﹐ 追出來要錢。我地返轉頭﹐開頭睇唔到﹐技安免麻煩就再放低$20. 大家覺得不憤﹐同意下次要親自俾錢唔好放係檯。最後無用waitress 追返出來話係地下執返張$20, 都算佢誠實。

24 in DC

2009-09-07T16:34:00.002-05:00

連續兩星期去了短途旅遊。

8/30 去了DC。這次是真的好即興﹐禮拜四說去﹐立刻上Priceline 訂酒店。竟然有間3.5 星的Marriott $80 連稅accept 我們的超低價競投﹐ 正! 星期一原先想去水族館﹐不過無所謂啦﹐反正平常的weekend 都可以去。周日完了崇拜落去﹐差不多到才call 亞恩食飯。

一路無甚麼traffic, 2.5 hr 之內到﹐ 酒店在Metro Center, 好方便﹐去Smithsonian 只需徒步20分鐘﹐隔鄰就是Metro. Smithsonian 某些museums 有summer hours, 一去到我們就去了 Air and Space. 徒經National Gallery of Art 的Sculpture Garden. 在museum 看了一小時左右。再去Museum of Natural History. 這個museum 我都是第一次去﹐覺得幾好﹐晚上去了亞恩新屋看看﹐之後去了一間在Germantown 的日本餐﹐有$59.99 55 piece 的sashimi, 可惜老公敏感吃不了多少。不過真的好抵﹐好食。

第二天﹐9點幾起床! 放假最enjoy就係可以訓下! 坐Metro 去National Zoo. Metro 又快又方便﹐ 非繁忙時間﹐兩個人$5.40 RT, 好過開車好多。落車後要走一段路才到﹐不過天氣好﹐好舒服。去到11 點﹐行到1點左右。真的不錯﹐看了小海獅的training, 又看了大象表演。有出名但我覺得普通的大熊貓。當然少不了Meerkat, 好搞笑。

之後去了Connecticut Ave 一間日本餐﹐之後返酒店取車回歸。

雖然只係短短24 小時係DC﹐ 但係我覺得好有放假feel, 完全放下工作﹐平日的掛慮﹐好正。去了兩個新地方(Natural History 同Zoo), 又見到好朋友﹐係一個愉快的小假期。希望明年又可以去一去﹐看看其他的museums.

講返上周五

2009-08-26T20:22:00.003-05:00

早放工﹐先前都知Cheesecake Factory 有happy hour, 於是去看看。不過最後去了Brio, $2.95 一個appretizer (monday to friday, 4-6pm) 真的好抵, 又唔會好似CF 勁多人。我們叫了一個burger, 一個flat bread﹐ 基本上係full size 既。結果我晚上又不用煮。

相係老公部電話度。

老公生日

2009-08-26T19:38:00.002-05:00

我放假。

去年都有請假﹐ 但係原來我無寫做了甚麼﹐ 有見及近來極無記性﹐無係blog 寫過既野就當無做過﹐ link 番去忌廉頭處記住先。

多謝老公生日﹐今日我可以訓晏D。本來去水族館既﹐但因面見改期﹐就改下星期先去。今朝各自做野﹐我都做左D公司野﹐又做prestudy. 下晝去bowling, 04 年啦﹐舊年啦我地都係去bowling. 之後去對面Maggiano's 食飯。禮拜三都好多人。waiter 問我地好多次係咪要打包﹐因為食物極大份, 加上尋日同老爺奶奶食飯又有D雞打包﹐相信我今個禮拜唔使煮飯。我地用了個$10 off coupon, 又有gift card, 結果係零消費。

因為老公叫我唔好買新PS3, 又唔買得狗住。加上現在我奉行buy experience, not buy stuff, 所以都無買禮物添。

老公生日快樂呀!

一些食物

2009-08-19T20:52:00.003-05:00

星期一放假食麵﹐老公整既﹐有蟹柳﹐蔥﹐叉燒﹐粟米﹐生菜﹐賣相幾好。

上星期六試整上海粗炒﹐大佬某次去鹿鳴春唔比我地叫既粗炒.唔係好似。禮拜亞媽來食﹐結論係麵要煮耐D﹐同埋要用多D老抽醃一陣D麵。

尋晚用三包Famous Dave's 既BBQ sauce 來醃﹐今晚焗大概20-25分鐘﹐ 375度﹐味道ok.

另一大事

2009-08-18T20:10:00.001-05:00

今日公司另一大事就係有個VP會走。同佢都算friendly, 想唔到我地又走一個executive。當然佢找到份好工都"凳"佢高興。不過高層買少見少﹐對我地呢個location 來講就唔多好啦。

somebody stole my yogurt!!

2009-08-18T19:55:00.003-05:00

今日既大事!

之前有yogurt 減價﹐見又有coupon 就買左4盒,帶返公司做snack,幾正。今日我又帶啦﹐點知三點度去拎發現唔見左! 從來無係公司比人偷過野食既我仲以為自己食左唔記得急急﹐返番自己個垃圾筒睇下有無個空盒﹐ 甘當然無啦。之後返雪櫃再睇, 都係無。於是我嬲嬲地打左個sign:

Whoever took the strawberry Activia yogurt today (8/18), please stop taking food from the fridge that is not yours!

之後同同事講開﹐先知原來佢地都比人偷過Snapple, yogurt, 等等! 真係估唔到office 有D甘既人!!! 甘衰格偷人地D野食!

John Bowring

2009-08-16T18:22:00.000-05:00

叫寶寧﹐定係包令?

John Bowring

Honey Baked Chicken

2009-08-14T21:56:00.004-05:00

其實這個食譜做了幾次啦﹐可以算是我們的staple, 不過昨日整好覺得今次賣相最靚﹐就同大家分享一下。

Honey Baked Chicken Recipe

不過我改了少少的﹐ 3 tablespoon oil (其實少一點都得﹐因為雞會出油)﹐curry powder 用3 teaspoon. 還有我貪快會加高溫度到400﹐焗30分鐘左右 check 下溫度到160 就算。

mixer

2009-08-14T21:22:00.004-05:00

開始整餅之後就好想有個KitchenAid Mixer, 之前姊妹們一句戲言話我結婚就送給我﹐所以一直都無買。今年終於如願﹐再次多謝拿頭。

不過到前日先開禮物。

而且首次用唔係整餅﹐係絞肉!

話說亞媽想自己絞肉好耐﹐因為係外面買ground meat 真係唔知D肉係乜。外家有個細細的immersion blender, 可以grind mushroom 之類﹐但ground meat 就真的不行。所以亞媽知道我有個mixer 就買了個grinder attachment 給我。先前london broil 減價﹐其實不知這種cut 是否可以做ground beef, 不過試下啦。於是日前就試下﹐當然就不像在超市肉部的工業用grinder 那麼快﹐但最緊要係肉係乾淨既。同拿頭講開佢話想用來整雪糕﹐不過個人覺得太煩﹐同埋太貴﹐暫時應該唔會甘做。

兩年

2009-08-14T21:19:00.002-05:00

好快﹐果個Michael Vick 就出左來﹐仲會join Eagles, 今日新聞成日都係度講。

原來JFK 去30th 條橋封左兩年﹐今日開返。

交稿

2009-08-14T17:09:00.004-05:00

整整下又成10日無update, 做文字工作真係唔容易。

無野講﹐因話無時間。今個八月出奇地忙﹐須知美國人7﹐ 8 月係summer feel, 一般好多人放假﹐所以traffic 會少D﹐ productivity 都會低D。於我而言﹐ 5月到8月係應該閒D既﹐因為上年既野埋左尾﹐下年度budget 同planning 又未開始(所以結婚都要就住時間), 應該係得閒D既。但係今年8月都差不多日日6:30 先有得走。返到屋企煮飯﹐之後clean up, 休息下﹐沖涼甘又一日。

一餐份量 =

2009-08-04T20:49:00.002-05:00

兩個茄子或zucchini
半個青椒加半個洋蔥炒肉
半個椰菜(不加肉﹐只加蒜蓉炒也很好吃)

先前經常煮得太多﹐現在有點經驗﹐不用再整個雪櫃left over.

一周記

2009-08-02T22:15:00.004-05:00

原來又成個禮拜無update.

本周ok, 不算太忙。

Monday有個appointment, 所以四點三走左。其他日子都係六點左右走。周四有個analyst call, 即係忙完啦﹐於是通知我老細周五會work from home, 佢亦唔敢話唔俾。周四晚去亞媽度搞D文件﹐周五一早去搞﹐之後返來做野﹐都OK. 四點幾去AC Moore. 之前買結婚野有好多points, 送左張$10 gift cert 我﹐7/31 要用。於是買埋D婚禮善後用品。買買下好大雨﹐唔走住﹐順帶睇下D相架。之後返來﹐7點出去生日飯局。竟然有個好大又近仲有錢淨既街位﹐泊好位﹐坐一陣亞Za 就到﹐本來我帶左D 超市減價紙都用唔著﹐跟住各姊妹都來到﹐ 食到十一點幾﹐ 老公落黎接我。因為太飽﹐於是點幾做埋mask 先訓。

宜家...

2009-07-27T17:02:00.000-05:00

老公用電視上網﹐聽大佬唱<十年前後>﹐後尾聽到阿花話返來啦。

Farmers' Market

2009-07-26T19:51:00.004-05:00

週六早了起來﹐婚前都想去附近一個Farmers' Market, 想起﹐老公又ok﹐ 就去啦。

不過有點失望﹐因為以為會有好多檔攤﹐點知不足10個﹐無甚特別﹐打個圈就走了﹐真的去高檔好過。之後在附近行了一會就去了書局看書﹐好耐無試過﹐正! 然後去高檔買野﹐就回歸。煮了碗麵做午餐。

公司大小事

2009-07-25T21:53:00.002-05:00

上兩周都幾忙﹐所以大多數都要7點才放工。不過這個時候交通暢通得多﹐可以走76﹐慳返D油。不過其實放工時間476 一樣塞﹐所以可能都會行返76。

公司不再有免費咖啡﹐汽水不再25仙。不過與我無關﹐因為兩樣都唔飲既。

Scofield 走左。

meal planning

2009-07-19T16:18:00.002-05:00

看不同教budgeting的網頁都叫人要計劃好菜單去買菜﹐ 否則就好容易超出預算。有些教你個個星期都跟一個菜單, 例﹐周一食 pasta, 周二roast,周三pizza, etc., etc. 我覺得這樣好似悶了一點。所以我的meal plan 都係根據超市有甚麼減價而定。煮了兩個月飯﹐覺得有以下的要留意:

1) 煮兩個人飯真的幾難﹐ 好多時有好多leftover。我想解決辦法係要將肉雪藏時就要分好份量。每次只解凍一餐的就好了。

2) 薯仔洋蔥萍果橙可以去Produce Junction 買﹐其他的還是在高檔超市減價時買好。

3) 個toaster oven 好好用﹐ 應該慳電同快過oven.

婚禮其他

2009-07-17T16:49:00.004-05:00

1) 穿了對2 5/8 寸高的尖頭鞋﹐ 其實高沒問題﹐但尖頭站著很辛苦﹐一禮成就要換鞋﹐外出拍照全靠表妹的平底鞋。

2) 叫大家不用自己相機拍照真係明智的決定﹐慳了時間﹐又不用大家不知望那個鏡頭。

3) 婚禮的程序簡單隆重。其實有一些前人有做的我們決定不做(好像大佬不在就減了獻詩)﹐ 其實個人覺得最緊要係婚盟﹐所以我們自己寫的﹐比念standard 的有意思得多。

兩個月紀念日

2009-07-17T16:35:00.003-05:00

昨日老公送了一束淺紫色Calla Lilies 給我! 謝謝!

Salad dressings

2009-07-14T20:00:00.003-05:00

July 4 請了一班姊妹來食飯﹐於是有機會試了兩種salad dressings.

第一種﹐ for Strawberry Spinach Salad
2 tablespoons sesame seeds
1 tablespoon poppy seeds
1/4 cup white sugar
1/2 cup olive oil
1/4 cup distilled white vinegar
1/4 teaspoon paprika
1/4 teaspoon Worcestershire sauce

第二種﹐ Honey Mustard Dressing
1/4 cup mayonnaise (改用了 yogurt, 無甘肥)
1 tablespoon prepared mustard
1 tablespoon honey
1/2 tablespoon lemon juice (無Lemon, 用了 1/4 tsp vinegar)

兩個都唔錯﹐我諗我以後都會自己整salad dressings 喇。

shopping list

2009-07-10T16:30:00.004-05:00

搬左來apt﹐ 發現原來呢度唔會定期收到超市的廣告﹐於是現在多數online 去超市的網址看有甚麼東西減價。都幾方便﹐好多site 都有得整shopping list, 寫到慳返。

最大發現係高檔超市原來有online price list, 所有野的價錢都可以online 睇到﹐架價好方便。

Hidden Fees

2009-07-06T21:31:00.002-05:00

前一兩日check PNC 的戶口看見一個$7.50 的charge, 不知是甚麼。今天再check 發現是Card Replacement Fee.

話說上周四去了銀行改名﹐順帶request 新ATM. 當時職員沒有說拿新卡要收費的! 於是立刻call 去銀行要求refund. 聽我電話的rep 算不錯﹐當我解釋完情況之後幫我refund. 雖然replacement card 收費是standard policy, 但是你不事先告訴我就真的不該呀! $7.50 我可以買到5盒strawberries 或者blueberries 呀。

另外Citibank 就沒有這些fee.

蜜月

2009-07-06T21:06:00.003-05:00

原來無寫過關於蜜月。

先前我們想過返香港﹐去日本﹐最後怕太辛苦計劃告吹。現在想起要感恩﹐因為H1N1 的緣故﹐相信返亞洲會很麻煩。

最後決定坐郵船去加Caribbean!

大家都無去過cruise, 所以覺得應該係一個好的嘗試。不過去前我都有點擔心會悶﹐因為朋友們都知我出名玩得好盡﹐尤其是去歐洲(雖然我現在想起都不覺得辛苦﹐而且我們去這種一周內來歐洲團﹐根本只可以這樣玩法。還有itin 其實都不是我編的呀﹐不知為何大家總將密麻麻的行程歸咎於我身上)。去cruise 是慢遊﹐不知習慣否?

結果- pleasant surprise! 好relaxing, 在船上﹐我們的主要節目係訓﹐食﹐行下﹐同看電影。電影看了:

Get Smart

Slumdog Millionaire

The Day the Earth Stood Still

Journey to the center of the earth

Marley and Me

Bride Wars

(老公﹐ 唔知有無漏呢?)

食方面﹐ 我們一日三餐﹐加宵夜。吃了很多水果和雪糕﹐個人覺得甜品做得不錯。

另外我們有三日上了岸﹐去了Grand Cayman, Belize 與Roatan。三處地方各有好玩的地方﹐遲些要再寫寫。

NYC

2009-07-05T18:09:00.004-05:00

禮拜五放假去了紐約。

行程都係食野(拉麵﹐小龍包)同睇野(SoHo, South Street Seaport), 值得一提的有...

1) Bolt Bus - 屋企門口有站﹐ 又買到平車票(我 $11.5 RT, 老公 $23.5 RT), 見好耐無上﹐就去喇。車幾好﹐準時﹐有wifi,又無唐人街巴士甘危險﹐搭得過。

2) 廁所 - 發現在SoHo 既Apple Store 有! 正!

3) 拉麵 - Sapparo 的仍然大件又好味。相比之下﹐Mitsuwa 的又貴又細﹐結論下次去Mitsuwa 要食其他野。

4) Service charge - Sapparo 同鹿明春都加收service charge.

5) 發然體力大不如前﹐行一日好累啦。中途要係SoHo 各店坐一坐。

6) 發現去紐約都無甚麼特別想做﹐ 所以下次都唔知幾時會再去。

公司麻煩事

2009-07-01T17:21:00.000-05:00

近排公司好多轉變﹐對我來講係唔好既。

1) 中國女婿同事搬左去Boston。雖然佢仍然係度做﹐只係remote 遮。不過同佢都幾熟﹐好多時都會傾下偈﹐有時大家又會講下D中國野﹐分下D食物。宜家無呢支歌仔唱啦。

2) 同事Scofield 又走啦。佢就真係走﹐重係就去Tokyo 添! 知佢想走好耐﹐今次仲係遠東揾到份好工﹐真係凳佢高興。

兩個熟人走﹐真係慘啦。當然個team 仲有人淨既﹐不過唔同level 既﹐唔可以呻我老細既麻煩野﹐真係唔知點算。

3) 我個staff C 好煩。一來時時遲到﹐個個星期都有car trouble. 禮拜一有8am meeting, 事前講好多次一定要準時﹐點知又係遲。先前佢又係甘要求加人工﹐根本公司就無budget, 自己又時時遲到﹐要求加人工都要醒D先得架。係甘問搞到我老細煩到叫佢back off. 真係。

地震

2009-07-01T17:15:00.001-05:00

今日做做下野﹐同事話NJ地震wor. 嘩﹐甘都得。雖然只係2.7級﹐但係D人都feel 到。估唔到呀﹐呢度都地震。末日真係就到啦。

婚禮二三事

2009-06-25T19:44:00.005-05:00

原來沒有怎樣寫過關於婚禮的事。

1) 好感恩當日天氣好好! 兩三星期前決定不再check forecast, 因為控制不到﹐徒然令自己擔心。多謝大家的代禱﹐天睛﹐又不算熱。不過我們當然做好準備﹐買了好大把的雨傘﹐想好如果下雨可以去那裡拍照。不過這些Plan B 都不用實行﹐真好。

2) 個人覺得在get ready 的地方一定要一塊全身大鏡。先前看過一些網上的結婚相片﹐都有拍新娘望鏡的﹐覺得好靚。先前想在Crate and Barrel 買﹐最後在Ikea 買了﹐白色﹐$99! 又平又靚﹐各位姐妹都讚好! 現在又可以用﹐抵!

3) 叫了表妹帶來絲帶花球﹐真的是明智的決定! 在未有真花花球前可以用來拍照。

4) 當日各事好準時! 我們準時到教堂﹐有許多時間拍照! 然後準時1:30 開始﹐ 2:25 就禮成! 個人最憎人遲到﹐自然不想自己的大日子要人家等。禮成後拍照時間鬆動﹐好! 之後出去Logan Circle, City Hall, Love Park 影﹐一樣好多時間! 5點就返到酒家﹐可以舒舒服服坐下﹐休息下。美中不足晚上要6:30 先開始﹐因為要等親戚。不過各賓客都談笑甚歡﹐所以相信大家都不介意。晚上應該9點多完成﹐但大家都不願走。有這個機會讓老朋友們聚舊也是好事。我們好像10點左右就回家﹐算是很早。

5) 絕對覺得找對了工作人員﹐並各wedding party, 表妹同YY 簡直是120分伴娘。有她們在身邊﹐各事不用擔心。當然還有拿頭做wedding manager, 亞靚幫我們補裝。魚太又幫我們執頭執尾﹐K 先生又幫我們拍照﹐多謝大家的幫忙。

6) 婚禮前都有多少擔心各事的進行。其實擔心是正常﹐只要不過份影響心情就ok 喇。

7) 個人對婚禮當日的事情都幾aware, 真係好啦﹐可以全心投入參與﹐沒有過分緊張﹐可以一路keep 住好笑容!

8) 好多東西沒有特別去買﹐可以借的就借﹐慳了不少。

9) 籌備婚禮其間所有單據都有保全﹐一方面要stick to budget, 另一方面之後真的有不少剩餘物資。有單就可以退﹐我們之後到走了好幾轉才退還所有東西。

DMV Hell

2009-06-23T20:27:00.003-05:00

昨日諗住去換車牌﹐ 點知去左DMV Hell.

都知呢D政府部門麻煩﹐但見先前去SSA好快就得﹐諗住帶齊文件就OK啦。點知。。。

- 1st trial : 我俾passport 個receptionist 睇﹐點知佢問我係邊度出生。其實後來諗返﹐呢個問題應該非法, 因為我係公民呀﹐你理得我係邊度出生呀﹐無理由見到我亞洲人樣就甘問。我不以為意答左哪。點知佢話唔得﹐要你張入籍紙先得。嘗試同佢解釋﹐唔聽﹐甘我就死死地氣返去亞媽度拎。

- 2nd trial: 有naturalization paper 啦。點知今次話我個lease 唔係original, 係 copy! ok, 我可以返去rental office 問下。總有marriage license 個名﹐佢地只看birth name (其實有一欄係寫宜家個名既), 又話唔得! 仲要我返去township office 去改! ok, 甘我就死死地氣返去屋企﹐ office 算好﹐俾份 original lease 我一用。去到township, 一個staff話要改要好麻煩架﹐要交上state, 要攪一排。跟住另一個staff 再睇﹐話唔使改呀﹐你個名係度呀。跟住個staff 又話不如你去一個遠D既DMV 啦﹐個度無甘麻煩。

- 3rd trial: 唔信邪﹐返返去Cherry Hill DMV. 今次睇文件無問題﹐以為得啦。坐低填表﹐有野要問。點知一問見返2nd trial 個女人﹐話你有無改到marriage license 呀。我話無﹐township 話唔使。個女人一聽就好嬲﹐話我係in charge of 呢個office 既﹐我決定乜野文件得﹐乜野文件唔得! 遇上呢D揸住雞毛當令箭既人﹐真係黑仔﹐唯有死死地氣走啦。但係已經搞到12 點啦。本來諗住10點前會返到公司﹐宜家局住要work from home﹐ 又搞唔到咪好唔抵?

- 4th trial: 決定試下去要20 分鐘既office. 唔難找。用同樣既文件﹐一D問題都無﹐20 分鐘之內搞掂走人。

結論: 將來寧願開車遠D都唔返去Cherry Hill office. 下次再有人見我有passport 都問我係邊度出生一定投訴。

beauty regiment...

2009-06-20T21:17:00.002-05:00

現在無寫beauty regiment, 但先前所做的都成了習慣。當然就無雞湯﹐紅棗水啦。不過生果﹐奶﹐綠茶﹐維他命﹐mask 這些都做慣了。其實都不是花多好多時間﹐希望可以keep 住啦。

一周菜單 - wk of june 15, 09

2009-06-20T20:58:00.003-05:00

本周食(只講當日煮的﹐因為多數都會加D leftover)...

6/15 返亞媽度食﹐有新鮮魚﹐有燒肉﹐我地帶了雞翼去整
6/16 去奶奶度食
6/17 茄子牛肉
6/18 三文魚﹐用honey ginger glaze, 但醃得不夠時間
6/19 corn chowder, 炒飯。炒飯用了left over 燒肉﹐加了蟹柳﹐洋蔥﹐青豆﹐個人覺得好好味﹐賣相又好。平常都會煮多少少飯﹐周末就試各式炒飯。

現在我地食得幾健康﹐好多時都會食salad, 又有湯。又食生果﹐又飲奶。

周六記

2009-06-14T21:15:00.002-05:00

早上﹐起身都不早﹐食早餐﹐之後去Produce Junction 買野。現在知道potato, onion, orange, apple 之類可以係果道買﹐其他野太大量﹐用唔晒。

之後去return 埋D wedding supplies.

老公一點開始連開兩個會﹐我又跟住早出。我地帶埋牛尾湯﹐生炒牛肉飯出去食。食完飯﹐我睇書 (The Shaping of a Christian Family, 係大哥哥送既結婚禮物)之後表妹打來﹐講左一陣。我去剪染髮﹐ 一搞差不多三個鐘, 不過唔怕﹐我唔趕。其間睇左D台灣美容magazine. 之後去買多少少菜。返番教會, 一班人去食飯。之後BS﹐ 食手信﹐ 返家。

婚後第二正常主日

2009-06-14T20:20:00.007-05:00

- 返教會﹐ 又係陳牧教主日學。又係好正。同老公講係上完陳牧﹐羅伯﹐彼得李教既主日學之後﹐真的覺得自己應該接埋﹐好好進修先可以再教。

- 之後崇拜﹐第一次係聖餐先後講道。個人覺得甘樣好D﹐不用大家心急地聖餐。今日羅伯講道﹐講<讀經與讀書>﹐ 又係好好﹐個outline 又係要keep 啦。不過﹐個人好想知幾時會錄返音。我諗要同區生反映下。

- 之後無係出面食飯啦﹐ 因為想早D返來執下野﹐加上又有生炒牛肉飯。係亞媽度拎返個鏡﹐返到屋企reheat 番d 飯。老公想食公仔麵﹐於是加多個餐蛋麵!之後剪下coupon, 洗床單。跟住出去﹐還車比亞媽。去買高檔買左少少野﹐去埋Bed Bath and Beyond, 買返D煮食用品 (salad spinner, 刀仔, 新味 tic tac, etc.). 又去埋Crate and Barrel 睇野。

- 返來﹐我defrost 既雞仔得啦! 老公做野﹐我就兩雞兩味, 一係自己整開既﹐ salt, pepper, olive oil, rosemary, 塞D garlic 係個雞肚﹐下面放D potato, carrot, shallot。一係跟包裝既食譜﹐

2 tablespoons honey
2 tablespoons olive oil
1 tablespoon soy sauce
1 tablespoon minced ginger
少少 pepper

老公話兩個都好食。

一周菜單

2009-06-11T20:58:00.002-05:00

好快又四日﹐返工既日子我地食...

周一: chicken teriyaki 加西蘭花。跟食譜整既teriyaki sauce 都唔錯﹐用技安送既grill 整﹐都好方便。其實真係樣樣sauce 都可以自己整既。找到個honey mustard sauce 既﹐遲D有mustard 減價會試下。

周二: 飯老爺奶奶度食

周三: 用大學師姐送既toaster oven broil 三文魚﹐上海白菜﹐豆腐。

周四: 去了超市﹐返來食埋去PBU 剩下的意粉﹐加chicken teriyaki, 加生菜蕃茄粒粒沙律﹐飲yuengling.

明日: work from home, 會㷛牛尾湯﹐煮生炒牛肉飯

現在summer 好多野in season, 又平又靚既蕃茄﹐blueberries. 先前買了很多減價肉﹐現在只要每周買菜﹐生果﹐麵飽就得啦。

婚後第一正常主日

2009-06-07T19:47:00.002-05:00

今日係結婚後﹐蜜月後第一個正常主日。

結左婚三星期﹐之前的周日﹐一係婚後第二日﹐要送親人﹐陪朋友﹐第二日又放假﹐自然係非常時期。跟住的兩個主日就係船上﹐機上渡過﹐所以都係非正常。甘第一個正常主日係點呢...

起身﹐難得有時間﹐係屋企食埋早餐先走。去亞媽度﹐老爺奶奶已經來到。一行五人出去﹐ 返主日學。今日陳牧講撒迦利亞書﹐超正。之後重講埋道﹐ 講靈修生活重整﹐好有幫助。我跟老公坐二樓﹐完左之後﹐拎埋份outline. 今日係我係CCC&C 甘耐﹐第一次聖餐延遲。

之後一家五口去飲茶。飲完去停車場時﹐見到亞靚同 Stitch, 又見到得意既小妹妹。Drop off 大人之後﹐我地去高檔超市。

跟住就返屋企﹐ 老公好雀躍甘吸塵。我就執下野﹐ 洗床單。之後我提議打Wii 啦﹐老公當然好開心啦。打左boxing, tennis (我渣到呢)﹐bowling. Wii 完我地就去做Gym. 樓下一個人到無﹐D設備幾好呀。做完先知有個sauna ,下次用下先。

返來又執下野。因為好多left over, 今晚唔使煮都有湯﹐有魚﹐有菜﹐有雞﹐有龍蝦(多謝同事)! 食完一齊執野﹐老公又好雀躍甘拖地。宜家就排排坐係道作文同睇NBA。

婚禮 hiccups

2009-06-02T20:20:00.003-05:00

今日返工﹐少不免要同同事講下wedding 同 honeymoon 既野。Scofield 問我婚禮有乜野hiccups, 其實各事順利﹐都無大問題。不過都有D小意外﹐...

1) 婚禮朝﹐我落basement (唔記得做乜lu), 發現地下積水! 不算太多﹐ 同亞媽講左之後﹐ 決定唔好理。之後太多野做我都唔記得左。

2)我個bouquet 好遲先到﹐好似10分鐘前先到! 不過好值得等﹐因為真係好靚! 再次多謝拿頭表姐!

3) 新娘入禮堂前suppose 係要關門既﹐ 但係我地個aisle runner 唔爭氣卡住道門! 當時我同技安已經企係門外等入﹐ 見到D ushers 係道整都覺得好好笑。

1st day back at work

2009-06-02T20:06:00.002-05:00

婚假完畢﹐ 今日第一日上班。

不算太忙﹐與同事們catch up, 又去team lunch江(不過都係自己出錢﹐重要俾個quarter 老細泊車!), 開下會﹐ go through emails, 做了一個training,好快就一日。

一返工就有個5-6 的會! 因老細要早走要我sit in, 我當然投訴﹐ 老細算有良心讓我早走係屋企call in。 4點走﹐4:50 返到﹐ 一路做家務一路開會。今晚不用煮飯﹐ 於是就預備明晚要煮既材料﹐因為最快都應該要6點幾先返到屋企。

回到未嫁前幾日

2009-05-22T07:09:00.002-05:00

原來婚前兩星期都無作文﹐當時實在太忙了。現在寫一些highlights:

1) 原先想婚前的周三才開始放假﹐因為親人開始到達。但後來見好多事情要做﹐check 過PTO balance, 就算婚前放足一星期﹐婚後又放都還有11 日假。問過老細又ok, 於是就由5/8開始放假。這個真係好明智既決定。因為太多野要做﹐當然要返工的話都會做得到既﹐但就會可辛苦啦。

2) 親友來到好開心﹐兩個twins 好可愛﹐可是travel 太辛苦﹐有一天要帶小Sophie 去ER﹐ 幸好最後無事。

3) 婚前一周都算夜睡﹐大概12點過後﹐但可以遲點起來﹐都OK 啦。人人問我緊張嗎﹐其實真的不緊張﹐可能太多野做﹐無時間諗。

4) 但婚前一晚睡得不算好。

婚後的第一篇

2009-05-22T06:55:00.002-05:00

婚禮過了差不多一周﹐今日上機前才有機會寫寫。

先講少奶奶的生活...

早上﹐煮早餐給老公吃...
周二 - 腸仔蛋﹐加cereal
周三 - 腸仔蛋﹐加麵包
周四 - 火腿蛋通粉

送完老公出門﹐我就email, IM 一下﹐然後小睡一小時﹐ 呵呵。

然後有好多事要辦﹐收拾一下﹐洗衫﹐買菜﹐去行下mall(本周買了好多野﹐住係mall 對面真的要小心), 好快又要煮飯啦。

周二 - 回外家吃
周三 - 蒜蓉雞翼﹐上海白菜
周四 - Maple salmon, 四季豆

發現一個鐘頭可以煮好一餐飯。如果大家都要帶飯﹐要煮三杯米﹐三樣菜。以上的﹐大概$5一餐。原來我們兩個人可以食差不多兩磅菜。

Beauty Regiment: 4/30/09

2009-05-01T07:16:00.001-05:00

奶 X
維他命 X
紅棗雞湯 X
OJ X
吃了一個橙, 兩只香蕉

Beauty Regiment: 042909

2009-04-29T20:41:00.000-05:00

Kiehl's Soothing Gel 面膜 X
奶 X
維他命 X
綠茶 X
紅棗水 X
OJ X
吃了一個橙