Wendy's Blog

電話粥

唔知大家多唔多煲電話粥架呢? 我係香港中學既時候每日都會同D friends 傾下電話﹐唔可以用煲粥黎形容﹐但每日我諗都有起碼一個鐘。讀大學之後﹐好少﹐因為D friends 都時時係campus見到﹐無咩需要講電話。而當時打返香港仍然唔平﹐所以亦無再同香港D friend傾電話啦。搬返大費城區之後﹐多番D姊妹﹐講電話亦都多左。不過依家用IM多﹐電話最多都係講一個鐘到﹐都好盡啦。當然如果同外州D朋友就會講耐D﹐兩個幾鐘都有試過。
早前朋友介紹www.bigzoo.com 俾我﹐係果度買calling card, 相當之平。打返香港﹐講一個鐘都唔使US$1﹐雖然我都好慣IM﹐但係甘平﹐都寧願打電話。全靠個friend 既好介紹﹐我最近同香港既中學好友傾過兩次﹐真係好enjoy, 雖然大家甘多年無傾過偈﹐但一講就欲罷不能, 覺得好親切。相信將來都會打多D俾D海外好友。
唔知大家多唔多打返香港架呢? 最長紀錄既電話粥又有幾長呢? 同埋﹐我都好好奇﹐煲電話粥係咪女仔既專利呢? 男仔又會唔會煲架?

posted by 板板子 @ 11:00 PM