Wendy's Blog: 我的名字﹐你的姓氏?

Thursday, September 09, 2004

我的名字﹐你的姓氏?

每次有熟既女仔friend 結婚﹐我都一定會問呢個問題: 你打唔打算改姓呀?

大家都知美國人係通常一結婚女方就會跟老公姓﹐但係近年可能因女權既關係﹐又或者係好多女士都工作﹐professionally 用開個名唔想轉 (好似好多女醫生甘)﹐開始有好多人都會keep 返自己個姓﹐亦都有D 人會將男女既姓合拼一齊用。

亞Bay 岩岩嫁人﹐又令我諗起呢個問題。唔知各位姊妹會點做呢? 如果結婚﹐改唔改姓呢? 如果老婆唔想改姓﹐男仔又介唔介意呢?

甘我就覺得從夫姓係一個委身既表現。結婚﹐照聖經講係二人成為一體﹐甘一家人同姓好應該。再加上呢個係美國既傳統﹐大部份人都會甘做。而一般人亦assume 一對夫婦係同姓。如果女方唔改姓﹐D 人如果唔識個男既好自然就睇個女既姓咩黎叫個男既。好似BL 甘﹐D 人就會以為我老公係姓 Leung 架啦。甘好尷尬架麻。同埋D人見亞媽同仔女唔同姓﹐又會好多懷疑。甘無謂甘煩啦。改姓都係一次過咋麻。