Coming to East Coast
今朝一check email 就見到大學時代好友既電郵﹐subject 係Coming to East Coast﹐好驚喜。事關好友走後都好似無返過黎。點知一睇﹐原來十一月好友就要搬到上海!!! 於是同老公返East Coast 行下﹐重想約我禮拜六係NYC 見。甘甘岩禮拜六係另一大學時代好友既大日子﹐一眾人等會浩浩蕩蕩甘上去﹐真係約定都無甘岩呀!! 甘好友就可以同時見晒以前既一班friends 啦。
岩岩call 完佢﹐佢既反應同以前一樣﹐一知係我就好興奮甘尖叫。哈哈, 好開心﹐雖然平時好少聯絡﹐但係一傾返就好似以前甘。今日行返公司既時候﹐我諗番起讀書時同好友共度既日子。一齊由Chestnut Hall 行路返service, 一齊去跑步 (其實只係跑幾個街口﹐好快就頂唔順要行路), 一齊係pre Fresh Grocer既日子坐Penn Bus 去Pathmart 買野﹐summer 大家都係center city 做工﹐一齊食飯﹐睇The Rock (重遲到添)﹐重有好多好多傻氣既野。之後﹐佢去左CA﹐我每次去Bay Area 都會探佢,上次返香港都係一齊添呀。好記得佢同我講識到 K 既時候既興奮﹐好記得我係第一個reply 佢wedding invitation 既人!! 好記得同Angie 去佢既婚禮﹐做姊妹﹐好開心﹐重見識到CA 人既專業wedding DVD 制作。好多謝佢係我病既時候既禱告﹐幫忙﹐雖然大家甘遠﹐但係佢既電話﹐email 都係我病中對我同家人好大既鼓勵。估唔到﹐甘又過左甘多年啦。
為左好友﹐今個weekend, 日日會上NYC 啦。雖然會好忙﹐重要提早做功課添! 不過﹐data 有云: "有朋自遠方來﹐非奸即盜. 非奸即盜者﹐非從遠方來之友朋也﹐乃遠方友朋探望之人也。" 今次好友一走﹐好可能好難再有機會見 (都唔係既﹐明年二月?), 甘今個weekend 真係要見盡先得啦﹐做下非奸即盜者又有咩所謂呀。
posted by 板板子 @ 12:09 AM
Blog/Diary
Blog/Diary 
0 Comments:
Post a Comment
<< Home