Wendy's Blog

油牆假期

short vacation 既結束就係油牆假期既開始。

BL 餅就整得多﹐但係油牆都係首次。一身舊衫﹐同技安去到中部﹐已經有一班熟手技工係度努力左幾個鐘。快快趣上番班"油牆101", 明白左基本工序﹐就開工油客飯廳。與此同時技安就負責安裝其他既野。努力到晚飯時間終於攪掂﹐一行人到附近一間韓國餐館食飯﹐先發覺好耐無食過韓國菜。食物唔錯﹐最有趣係飯後甜品唔係水果亦唔係糖水﹐而係益力多一支!

食完飯﹐去Wal-mart , 見到個BL 夢寐以求既 32 oz. measuring cup, 同其他既整餅工具﹐價錢相宜﹐希望買左會時時用。

最後﹐回歸整埋D 手尾﹐大家都好累﹐加上有full size 既air bed, 訓得唔錯。

今早去左RCCC 既崇拜﹐由詩班帶領唱左好多聖誕詩歌﹐信息講到"平安歸於他所喜悅的人"﹐反省自己行事為人是否討神喜悅呢? 重有好多地方尚待改進。係教會都見到D 好幾年無見既弟兄姊妹﹐RCCC 越來越興旺﹐副堂早已加左新翼﹐新堂亦差不多起好啦。

崇拜後﹐油牆假期亦完滿結束。希望新居盡快攪掂﹐甘又多個地方住啦。

posted by 板板子 @ 7:08 PM