Wendy's Blog

第一次

感謝神﹐二零零五年一月三十日﹐一生人第一次做崇拜主席。

其實係知道這個新事奉崗位後﹐就開始擔心。雖然係團契事奉都有一段日子﹐係崇拜都有幫手詩歌放影﹐但係係崇拜做主席真係未試過。一直都好驚﹐好擔心會講錯野﹐攪錯程序而影響到整個敬拜。當日子越近﹐開始惡夢連連﹐好似見到大家係崇拜開始左之後﹐繼續不停甘走來走去﹐由詩班坐既位走到前面係鋼琴後既樓梯去上二樓。唉﹐非常之唔合理﹐但係人緊張就會亂諗野﹐不過好感恩﹐今日既崇拜係緊張當中完成。總括而言﹐從預備中到今日係台上﹐再集合大家既意見﹐學到以下幾樣:

1) 要認清事奉既對象係神﹐唔係做俾人睇
2) 要禱告﹐同同工們一齊禱告﹐請其他弟兄姊妹代禱
3) 要提早準備﹐寫低要講既野係好既﹐自己練下要講既野先﹐最好試講俾人聽﹐甘會知道有咩地方唔順﹐要改
4) 講野要慢D﹐咬字要清楚
5) 要自然D﹐有親切感D。
6) 雖然唔係做俾人睇﹐但企係講台上, 弟兄姊妹就係會睇住主席﹐領詩既﹐要學習唔係execute 一個task, 而係帶領大家進入敬拜。呢樣唔係甘容易﹐要多D 經驗﹐亦都要自己保持同神有親密既關係先得。

多謝今日既各同工﹐同前輩好似魚生同兩位李生同各位GF 同EF既弟兄姊妹﹐今日崇拜後同係IM上俾既鼓勵同意見。亦特別多謝幫我練習既小姊妹﹐同埋拍檔Angie。當然最緊要係多謝天父俾呢個機會我事奉﹐令我越來越明白自己既不足﹐希望未來既日子能在事奉中更加經歷神的恩典。

"他對我說、我的恩典夠你用的．因為我的能力、是在人的軟弱上顯得完全．所以我更喜歡誇自己的軟弱、好叫基督的能力覆庇我．" (林後 12:9)

posted by 板板子 @ 8:28 PM