Wendy's Blog: 兩國四城自由行之CEO Neway vs. 錢櫃

Wednesday, March 02, 2005

兩國四城自由行之CEO Neway vs. 錢櫃

兩國四城自由行﹐竟然唱了兩次K。

從未係HK 唱過K﹐朋友介紹去了在銅鑼環糖街既CEO Neway。係上海去了據聞係名人浦點既錢櫃 Cash Box。

絕對推介CEO Neway﹐雖然可能因為下晝去﹐又係春節假﹐非常多中學生﹐要等一個鐘。不過無所謂﹐去新釗記食個午餐﹐好味。返到去﹐有房啦。重係一個超大(起碼有平時團契聚會房甘大啦)﹐有私家洗手間既房。歌當然係新啦﹐音響亦好好。好似靚靚話齋﹐唱得麻麻D聲出離都好正。$59 一位﹐兩個鐘﹐有兩杯飲野。當然埋單時候就加多好多﹐但係都係$350 三位。一人$120 有找﹐好抵好抵。

至於錢櫃﹐亦唔錯。有間細房(無洗手間)﹐但係音響明顯差好多﹐好多時太大聲。夜晚去﹐食埋少少buffet餐﹐時鐘計﹐埋單$500 幾﹐都唔算貴。我地大玩舊歌﹐好似電腦哥哥既首本歌順流逆流﹐迎春花呀甘。好好笑。重唱埋寧夏﹐可惜就無夜遊杜拜﹐不過都好盡興啦。