玩物喪志
這兩晚懶得blog, 全因玩物喪志。
Eternal sunshine of a spotless phone﹐現在已完全BL化。輸入番過百個電話﹐upload 左新既相﹐加番個招牌既wallpaper﹐再加上數十個四處搜羅既ringtones﹐重可以個個電話用唔同既ringtone 添。正呀! 雖然攪左好多個鐘﹐但係終於整好﹐好有滿足感呀。
宜家唯一既問題係﹐甘多個ringtones, 用邊個好呢? 一言定定? 叮噹? 六月? 飄移? 孤單的心痛? 順流逆流?
豈有此理!!
每次有telemarketer call﹐我都會話我地係on do not call list, 通常對方都會道歉然後乖乖收線。估唔到堂堂大報Philadelphia Inquirer 既telemarketer 竟然抖膽非常負氣地同我講"if you are on the do not call list, why am I calling you?" 真係豈有此理!!!!!好唔想cut 你線﹐但係你甘無禮貌﹐無辦法﹐如此態度﹐唔怪得無人訂報紙啦。
Lovely quotes about love...
今日在MSN 見到這些 quotes on love, 蠻有意思的。
Lovely quotes about love最有共鳴是:
I hold it true, whate'er befall;
I feel it, when I sorrow most;
'Tis better to have loved and lost
Than never to have loved at all.
--Alfred, Lord Tennyson (1809 - 1892), British poet. From "In Memoriam A. H. H." (Arthur Henry Hallam was the fiancé of Tennyson's sister Emily and died suddenly in September 1833.)
To fear love is to fear life, and those who fear life are already three parts dead.
--Bertrand Russell (1872 - 1970), British philosopher and mathematician. From Marriage and Morals.
eternal sunshine of a spotless phone...
暫時對新電話幾滿意﹐keypad 既手感唔錯﹐但係唔係甘識用flip phone﹐如果同大家講講下突然收左你線請唔好介意。其實重有好多電話未加番﹐同埋對M記既menu 亦唔係甘習慣。但係好熱切期待無線headset, 同埋upload cable 線。在前先多謝我既sponsors 既送贈同借出。
驀然回首...
終於弄了焗豬扒飯﹐在燈火闌珊處發現...
1) 蕃茄要切細一些。
2) 可以加多些洋蔥。
味道唔錯﹐可以再整。
事如春夢了無痕
有些東西不見了﹐反而是一種解脫。
長信不如短訊﹐短訊不如一個empty 的inbox。昨天﹐ 無可選擇地失去了一切。再半年﹐回頭看﹐還會記得那曾經一度的一點一滴麼?
如果可以...
我希望世界上無小偷﹐但係當然係無可能既。點算一下﹐損失不少...
- 亞妹送既手機擦(對唔住呀﹐嗚﹐嗚﹐嗚﹐以後只有係相中見啦)
- 係Pitt 買既袋 (雖然只係$10左右﹐但係真係幾鐘意架﹐ 不過好彩無帶果MD, Beams Boy, etc. 唔係真係損失慘重)
- 心愛既黑超 (不過都用左好耐架啦﹐但係要replace 返又要花費)
- 有好多回憶既手機 (不過都諗住換架啦﹐其實我等左你好耐﹐你話過俾個唔用既headset 我﹐點知一直都無左件事﹐宜家新既我都無用啦﹐算啦﹐天意。不過﹐點解一次又一次你都要令我失望呢?)
- 銀包(又係用左好耐既心頭好﹐不過換都ok, 只係要D時間眾裡尋他千百度。好彩慣左一理萬機﹐尋晚係小偷未用之前已經cancel 晒所有卡﹐好彩之前俾返錢亞花﹐又剪左髮﹐又借左錢俾亞鬼﹐現金應該唔過$50。現在暫時要技安接濟﹐希望$30 可以last 到我收到新卡啦。當然﹐要快快趣補番張車牌﹐暫時又要勞煩大佬同技安車我。不過車牌又係就到期架啦。)
- 重有ipsa sunblock, aveda lip gloss 添...
不過﹐大致上都係要感恩既...
- 偷左我個袋﹐無偷到放係隔離ArChi 果個﹐唔係連亞鬼既野都唔見晒。
- keys 唔係果袋度﹐唔係就要call 技安來救駕。
- 無帶STO﹐ 無帶ipod shuffle, 但係就唔見左個headset。
其實唔見野都係好小事﹐比起之前既事﹐真係不值一晒。而且舊既唔去, 新既就唔來﹐都唔係真係甘差既。
時移世易
昨晚與小友談及工作問題, 講到上世紀末市道大好時﹐某些勁人畢業時手執七八個offer 既盛況。講及當時一top i bank
DLJ, 雖然早幾年已被CSFB收購﹐但對於行內人來講應該係一聽就知﹐可是小友完全唔識﹐上網google 一下﹐都無咩資料。 真係感嘆時移世易﹐只係短短數年﹐一齊以往既豐功偉積都無人再記得。
其實人都係一樣﹐無論幾出名﹐過得幾年﹐都會被人忘記。人與人之間呢? 好多人會一廂情願地相信有人會無論發生任何事都對自己無限量支持﹐但每次有人甘樣諗, 就會令我諗起
奪麵雙琪。 熱戀既時候﹐真係咩承諾都講得出﹐甚至乎係真心既﹐講得出亦都做得到。但係人一變﹐過去既就好似無發生過甘。當然﹐變左心既人真係唔使恨﹐但係唔知幾時開始﹐人開始不再天真。
人﹐真係變得太快。
一年
一年﹐365日﹐8760小時﹐可以發生許多事。
一年﹐可以歷盡生老病死﹐愛恨交纏。一年﹐由零開始﹐竟然學會了做甜品, 又開始玩煮飯仔。一年﹐高高低低起起跌跌。一年後﹐發現一年前的擔憂掛慮都是多餘。
一年後﹐數百個posting 之後﹐發現原來到了如今﹐再也不能回到從前。
眾裡尋他千百度...
焗豬扒飯 材料：
豬扒（連骨）4塊（約300克）
洋蔥1個
蕃茄1個
白飯2碗
雞蛋3隻
麵粉50克
油4湯匙
汁料：茄汁4湯匙
美極2茶匙
o急汁1茶匙
砂糖1湯匙
清水2湯匙
鹽1/4茶匙
美國辣椒汁數滴
做法：
1. 洋蔥切成幼條，蕃茄切開八件。打散雞蛋成蛋液，加1/4茶匙鹽拌勻；
2. 中大火燒熱平底鍋，加2湯匙油,注蛋液入鍋中炒至七成熟，再加入白飯，與盛於烤盤或任何耐熱的盤子中；
3. 將豬扒沖淨後用布抹乾，用刀背將豬扒肉兩面交叉剁鬆。用鹽及胡椒粉調味，即可沾上麵粉及用中火加2湯匙油將豬扒煎熟；
4. 煎好豬扒後取出，切成兩公分闊條，排放在炒飯上；
5. 在同一個平底鍋上，用餘下的油將洋蔥及蕃茄炒約一分鐘，然後將拌勻的汁料注入，燒沸後，淋在豬扒飯上。這時可放入已預熱190C的焗爐內，焗10-15分鐘即可供食。
Cream puff
今晚無煮飯﹐見好耐無整過甜品﹐於是攪攪新意思﹐整左想整好耐既cream puff.
未加whipped cream 前...
加whipped cream 後...
其實應該自己整D cream ﹐instead of 用whipped cream 既, 但係唔夠時間啦。個賣相都唔錯呀。
今晚食...
薯仔炆雞
麻香蔬菜絲
薯仔炆雞係自己試下試下整既﹐麻香蔬菜絲就係跟食譜﹐但係改左材料既份量。麻香蔬菜絲好易做﹐有薯仔﹐ 青椒同紅蘿蔔﹐炒好之後加芝麻﹐真係幾香架。
是日晚餐
雖然姊妹們都說大熱天時﹐免得過還是別開爐煮食﹐但今晚還是做了這個...
菠蘿青紅椒炒瘦肉
酸酸地﹐幾開胃。用鮮色的蔬果煮﹐賣相果然不錯﹐當然味道都唔差既。
記憶
原來自己的記憶力不能算好﹐一些別人歷歷在目的事﹐是可以完全沒有印像的。是選擇性記憶嗎? 也許是。其實為此感到高興。不開心的事﹐不用記得太清楚﹐否則只會不斷地自我折磨。開心的事﹐也是矇矇朧朧好了﹐否則容易變得只會留戀過去﹐不能活在當下﹐在這一刻﹐下一刻創造更精彩的片段。不重要的事﹐自然沒有記的理由。有需要記的﹐我想我是能如數家珍的在觀看預告片之餘娓娓道來。
考慮
" 如果可以抉擇 能否一切暫停..."
正在考慮一些事情﹐突然腦裡浮現這些歌詞。其實不是十分貼切﹐但有時也想能否time out, 讓我看清看楚﹐列出所有pros & cons, 做好cost benefit analysis, 才作出決定呢? 但人生無time out, 永遠不能完全抽身去睇一件事﹐總是太多情感因素﹐etc., etc. 我想如果有了承諾﹐總是應該忠誠地去完成。然後﹐往後如何﹐再作考慮?
愛的指標
於我而言﹐愛的指標是犧牲。不願付出﹐沒有犧牲的愛﹐無論說得多美﹐都只是紙上談兵。
情緒有益 - 李兆康 區祥光
"千萬不要以解決別人的情緒為己任﹐他人的情緒是他們自己的責任。"
正在看這本書﹐覺得很有幫助。一方面幫助自己﹐另一方面亦去學習面對身邊的人的情緒。這句話﹐給我很大的提醒。當然﹐作者談到在面對鬧情緒的人時﹐我們要盡量去施予同理心(emphathy)﹐不要批評對方﹐等等。但有時候﹐或因自己太投入﹐或因人家不付責任地發脾氣﹐會不自覺地會將別人的情緒變成自己的重擔。其實各人有自己的十字架要背負﹐在幫助別人的時候﹐我們能做的真的有限。有時會覺得內疚﹐尤其當被人怪責的時候。但若是盡了力﹐問心無愧便是了, 真的﹐他人的情緒是他們自己的責任呀!
CH Library
今天晚上﹐到了在家附近的CH Public Library.
早前都有到過﹐但未有機會仔細參觀過這所新的圖書館。Library 單從外面看已經很impressive, 最有趣是在門外﹐一男一女在草地上看書的銅像﹐第一次見還以為是真的呢。
內面的設施更是非常完備。各類書籍﹐音樂CD﹐電影DVD﹐自然是少不了﹐甚至乎PS2﹐XBox 的video game 都有得租。除了電腦房外(有scanner), 電腦遍佈整個library。還有數部Mac ﹐將來library 的CD會全部upload 上去﹐讓讀者可以先試聽才決定借。
免費無線上網﹐還有10 部laptop 可以借用。
二樓係Children Library, 好靚﹐好多書﹐重有個fireplace。
地下有間Java City。
Library 內有多間conference rooms , study rooms, 如果團契有小組﹐都可以去。
今晚﹐我租了想看已久的In America﹐$2 for 3 nights, 抵呀!
真的要善好好用這個社區資源!
Frank Lloyd Wright
今天去google既時候見到平時
google 的icon 變成以下的﹐原來今日係Frank Lloyd Wright 既生辰。記得以前去匹茲堡既時候去過
Fallingwater, 好值得去。似乎今年將不能四遊匹茲堡了。
教車
有驚無險﹐終於完成今日第一課。如果有得選擇﹐一定不會做教車師父﹐因為坐車比開車更驚...
暑氣全消
終於下大雨了﹐立時暑氣全消﹐但90度以上的日子將會持續好幾天...
東方紅喉寶...
好好呀﹐食左舒服好多。係呢度﹐我要多謝東方紅出左呢隻產品﹐更加要多謝大衰媽咪買呢樣野俾大衰帶D返黎﹐重要多謝大衰既師父們教出個識得照顧教妹既好徒弟。
又有禮物既...
哈哈﹐多謝多謝﹐有趣有趣﹐我諗唔使拎新堂既parking permit 啦。
多謝sit太, 唔知係咪自己包架呢?
是日晚餐...
經常被大佬與技安話我只係整甜品﹐唔整正餐﹐下一代一定會患糖尿病云云。今日﹐為左兩年計劃﹐為左唔使亞媽辛苦﹐為左塞住大佬同技安把口﹐由今天起﹐開始煮正餐。今晚牛刀小試﹐為大家送上以下的是日晚餐...
炒四季豆
咖哩雞
兩年計劃
今日﹐同你定下了這個兩年計劃﹐我想﹐如果這是神的旨意﹐幸福的將來將會是垂手可得的﹐大家一同努力吧! 一言為定!
丁香花
各首新歌中﹐最喜歡這一首...
丁香花歌手：黎明 | 作曲：雷頌德
填詞：夏至 | 編曲：雷頌德
還記得愉快的氣味嗎
是那丁香花秀麗淡雅的香氣嗎
吸引我來招架 我未及時說話
一眼看穿情人是你嗎 (結束追尋嗎)
沉醉於綻放的美麗嗎 (願永久不變)
但到季節瞬間轉換太多新變卦 (期待看見)
一剎醉人優雅 (可見面) 顧慮也可放下
即使世間隨時萬變寧願說不怕
＊如長期盛放的花 (她盛放)
如從未受創的花
散發出初夏氣息可愛嗎
我 尋覓最簡單一個 是你嗎
和你度過著閒暇 (想法得一個)
陪我放棄牽掛 灌溉你的花
如長期盛放的花 (盛開的花)
如從未受創的花
無奈再美最終花開短暫可惜嗎
我 尋覓最簡單一個 是你嗎
來年我 待花開再遇嗎＊
還記得預約好了日子
像發生於某天初夏愛得不介意 (從未介意)
重溫那過程相似 (請放肆) 再續最初故事
即使瞬間隨時萬變仍願愛多次
REPEAT＊
再多幾個夏天 (能盡快見面)
將真愛實踐 (停止被試煉)
想繼續發展 (再愛幾遍)
我 尋覓最簡單一個 是你嗎
(I am waiting for you)
如注定結果 (原來是你) 留記憶給我
如長期盛放的花 (盛放吧)
如從未受創的花
無奈再美最終花開短暫可惜嗎
我 尋覓最簡單一個 是你嗎
來年我 待花開再遇嗎
我 尋覓最簡單一個 記得嗎
來年我 用丁香作念掛
從洗碗想起...
沒有潔辟﹐mess tolerance level 都相當高﹐所以書桌一片凌亂都可以繼續日理萬機﹐唯一不能容忍的是將碗碟在洗碗盆堆積如山。一般而言﹐用完的煲與鑊都寧願立即洗﹐不想等到飯後才清理。
大部份的碗碟﹐立即清洗都會比較容易。隔了夜﹐污積要用力擦。如果你試過洗飲完有pulp OJ 的杯子﹐你就會知道立即洗與隔了夜的分別。如果碗碟仍然有食物殘搾留下﹐就更加不衛生﹐異味﹐蟲蟻都是這樣滋生。
想起﹐我們生命中的污積...不快﹐怨恨﹐苦毒﹐如果能及早清理﹐都會容易得多。日子久了﹐少不免要多用力才能去污。如果食物殘搾腐化了﹐出了異味﹐就更麻煩。再長些時間﹐可能污積不能徹底清除﹐終是留下一點點痕積。
檢視自己的生命﹐有沒有些碗碟要快快清理呢?
又無既...
返到黎﹐又唔見你既﹐好似成個禮拜都無同你傾過偈﹐有D唔慣添...
原來我係...
星期三女人
脾氣十分溫個性也柔順，個性上通常吃軟不吃硬
溝通最使她信服和接受
在愛情態度上注重實際，不會以外表來決定喜厭
對於感情的態度很嚴謹，所以經常是三思而後行
矜持且穩重卻熱情如火，通常是感性而十分多情
剛毅外表下也會被感化，而露出動人的女人模樣
似乎都岩既...but like Angie said 基本上句句都可以放係唔同人身上架啦﹗
Blog/Diary
Blog/Diary