Wendy's Blog

事奉催人老?

做崇拜主席﹐雖然已經係第四次了﹐但擔心緊張依然。同好拍檔A子講開﹐真係覺得每次都死好多細胞﹐因為訓唔安坐唔落(但係大家一齊企係同坐係台上﹐真係定好多)。不過感謝神﹐都見到係某些方面有點進步。

今次好多謝幫我揀歌既你﹐想不到同牧師的信息都幾吻合。
又好enjoy 同鋼琴王子一齊事奉﹐希望你D仔仔女女快高長大﹐等你同太太可以快D出山﹐又琴又flute, 會好正。
多謝係甘"及"住我地既你﹐可以俾D其他人無留意到既意見我地。
要多謝俾機會我地呢班新人﹐重要係姊妹上台既前輩。如果無你地既鼓勵﹐我從來都無諗過會做﹐亦有可能做一次就唔會再做。
當然﹐點可以少左幫我練習既你﹐如果無練過﹐一定無講得甘流暢。雖然你話咩都無做過﹐但係你知嗎﹐簡單一兩句鼓勵說話﹐從你口中而來的﹐比其他人說一百句來得有效和重要。如果份稿無俾你過目﹐我都會有點保留。還有今早的frustration, 真係好辛苦架﹐星期四﹐五開會開到夜一夜﹐又要連續兩日晨早起身﹐頭痛眼訓心口痛﹐真係驚暈係台上架。不過同你講左﹐舒服好多﹐係台上可以自自然然﹐輕輕鬆鬆甘開始今日既敬拜﹐真係多謝你既聆聽同禱告。

話又說回來﹐緊張都係好既﹐重視一樣野先會緊張。希望唔會做得多就隨便﹐一定要係事奉過程中真真正正的倚靠神﹐做到最好。

我諗事奉唔會催人老既﹐因為神話過:

疲乏的，他賜能力；軟弱的，他加力量。
就是少年人也要疲乏困倦；強壯的也必全然跌倒。
但那等候耶和華的必從新得力。他們必如鷹展翅上騰；他們奔跑卻不困倦，行走卻不疲乏。
(以賽亞書 40﹕29-31)

你睇下外表純情既亞花就知啦。hohoho...

posted by 板板子 @ 7:12 PM