Wendy's Blog

06 蒙福!

極少在外過年﹐加上早前天氣一直不佳﹐都有點擔心今次旅程會如何﹐但出乎意料地﹐神一早安排好一切﹐週末過得好豐富...

1) 雖然班機延遲了兩小時﹐去到已經太夜無得食晚飯﹐但係風大雨大都平安到達﹐重有件奶油多等我﹐都算係甘啦。
2) 禮拜六﹐開車沿路所見都落係大雨﹐水浸﹐大樹連根拔起。但係好奇妙﹐到婚禮既時候就好好天﹐陽光普照。大家都見到神既恩手﹐因為大雨已持續了一星期。
3) 婚禮一齊順利﹐教會好靚﹐尤其係個風琴。傳道人的信息令大家印象好深。覺得最特別同有意義係牧師要各親友都承諾去支持﹐幫助一對新人﹐記憶中以往參加的婚禮都無這樣做。甘當然新郎既歌聲都好感人啦﹐聽到都眼濕濕。
4) 婚禮後﹐晚飯前去左金銀島﹐據說奶茶好好味﹐其他甜品小食都相當好。晚飯係Foster City (呢個係認識K 先生既重要線索)。間餐館在人工湖傍﹐都幾有詩意﹐食物不錯﹐而且上菜快﹐10點就攪掂晒。
5) 無外出countdown, 但係玩German Bridge 都唔錯。
6) 禮拜日奇遇之前﹐終於有機會到弟兄夫婦的教會崇拜, 之後一同午飯傾計。他們很著重敬拜讚美與禱告﹐係我地好應該學習既。同弟兄夫婦傾﹐真係得益良多﹐有好多反醒﹐好希望承你們既祝福﹐2006 年有新突破﹐新方向。唔知可唔可以每日早起用一個鐘頭睇聖經呢?
7) 見到姊妹A﹐重一齊睇左Narnia, 正呀。連K先生都話好呀。
8) 睇晒Da Vinci Code, 去到機場先開始﹐但係欲罷不能﹐未到已經睇左三百幾頁。如果唔係太累﹐真係會一晚睇晒。回程就全書完成。內容係好緊張刺激既﹐不過當然與聖經有出入。
8) 返到屋企﹐終於收到老細送既FM Transmitter。同埋終於集合各人既意見同幫忙換左個LCD。真係好好多!

好啦﹐New Year, New Mon, 都係祝大家新年新開始﹐多D祈禱﹐多D奇遇! 06 蒙福!

posted by 板板子 @ 6:50 PM