Wendy's Blog

玩即興

一向好少玩即興﹐因為booking 一向密密麻麻﹐大事如大佬生日幾個月前就度定期﹐因為有好多東西要預備﹐落單訂貨都要就船期。如無意外﹐所有事情﹐一言為定﹐最恨改期。再加上唔係住香港或NYC﹐ 要即興地話出街就出街根本好難﹐就算我得大家都唔會同我癲。但係如果有朋自DC 來當然不同。五點幾﹐收到Tiger 電話﹐話同一班匹茲堡之友係476, 想一齊食飯。嘩﹐想唔到大家係SF 見過不到兩個月又再見。立刻同K先生講聲﹐會同你個friend 食飯呀﹐聽K先生話帶了STO (我想send 相俾你呀﹐證明我地有見﹐IM 你又唔覆)。去火車頭﹐叫了好多平時難得一食既酸菜湯﹐羊煲﹐魚煲﹐唔錯。一次生兩次熟﹐估唔到其中一位弟兄話係Pitt 見過﹐但係我又唔記得。大家有傾有講﹐又有M2玩﹐超正。個夥記主動幫我地影相﹐重無手震﹐真係難得。更加難得係夥記哥哥們超友善﹐都係全靠Tiger 夠好人﹐夠親和。好開心﹐兩個月不見﹐再見又俾人話瘦左。重有你地因緣際會食到軟糖﹐好彩無講係咩你地都食得出係咩味。係呀﹐連呢樣野都可以自己整架。同埋我好想認識係Pitt 既CS PhD 短褲蛋糕奇人﹐如果有機會去做下訪問交流﹐一定超正。

Tiger 同亞Jac 一樣﹐係地位超然﹐菜氏三兄妹都熟﹐淵源甚深既老死﹐所以飛車出去一會都要。但係係呢度你都爭俾錢﹐真係俾你激死。好希望你既project extend, 菜氏一家會落去談你﹐順便睇下亞嫂。Summer 啦﹐大佬﹐無得話忙架啦。

posted by 板板子 @ 11:03 PM