Wendy's Blog

轉貼: 快樂的守則

係親切的jac 子度見到﹐佢係菜家既好友﹐再轉貼應該得啦。不過我filter 左少少﹐又加左D comments。

************************************************************************
快樂的守則

每做到一項，快樂便多一些，你能做到幾多項呢？

起步
2. 越早起身越好，晏起床的人總好像不大快樂。(好似係﹐我覺得早起係好架)
3. 無論怎樣忙，一定要食早餐，而且一定要把早餐慢慢歎。一早起來便趕喉趕命，整天都會有『唔知為乜』的感覺。(盡量啦﹐返工一定食﹐不過我唔識自己一個慢慢食架)

待人
5. 喜歡你喜歡的人，討厭你討厭的人，待人毋須平等。(係呀﹐你問下我大佬我對佢幾好就知架啦)
6. 告訴你喜歡的人你喜歡他。(呢樣重使講既﹐絕對係我既強項啦)
7. 無關重要的人誤會了你，便由得他們一錯再錯。(係啦﹐唔會解釋)
8. 無條件為喜歡的人辦事。(梗係啦﹐絕對係我既強項啦)
9. 無端白事送件禮物給自己喜歡的人。(梗係啦﹐絕對係我既強項啦)
10. 待人以誠，對方不誠便立即遠離，勿拖拖拉拉，做大戲才須好頭好尾。 (好!)
11. 任何條件也不為討厭的人辦事；雖小氣，免勞氣。(嘩! 好!)

財政
15. 不打算炒賣任何東西，便無忌。 (最多炒飯﹐炒米粉咋)
16. 帳單收到立即付，便無牽無掛。 (係啦﹐set autopay 最好)
19. 間中買貴了，不值得耿耿於懷。 (係啦﹐最怕人地幫我計住數﹐我覺得抵﹐你理得我呀)

從簡
21. 不動用自己不懂的字眼。 (唔會)
22. 不去了解自己不明白的人。(邊得閑呀)
23. 週末 ╱假期不一定需要有節目。(點得架?)
26. 不要看不順眼的人 ╱事物，別看需要邊看邊罵的東西，一年頂多看一次半次好了，例如港姐選舉。(嘩哈哈﹐岩呀﹐唔想見既人同事﹐全部俾我delete 晒)
27. 不用應酬你認為是『應酬』的飯局 ╱聚會 ╱出席等等。(岩呀﹐時間係得甘多﹐宜家真係要適當地say no)
29. 你不需要兩隻手錶，當然更不需要兩副面孔，徒增添維修費用。(表我係帶一只﹐其他人地送既)

飲食
36. 每天至少吃兩個水果。(希望有啦)
37. 眼睛多吃冰淇淋，便可減少眼火爆。(甘都得? 男人寫架啦梗係)
40. 雞肋及其他食之無味的東西，毫不可惜地棄之。 (當然啦)
41. 飲水，飲水，再飲水。 (係公司飲好多)

睇戲
42. 遠離慘情片，尤其是那些真摰動人的；哽咽有礙呼吸，好辛苦。(點解呀? 發洩唔好咩?)
43. 看不明白大師的電影，不用內疚，也不必扮欣賞。 (唔會)
44. 睇戲當然要吃零食。(梗係啦﹐同我去過既人都知我一定帶各式糖果)
45. 拒絕看配了廣東話的外語片 (正如不看英譯中的書一樣)

工作
49. 適可而止。 (禮拜五四點半開會? 當然decline 啦)

posted by 板板子 @ 7:11 PM