Sunday, July 09, 2006

World Cup Final

今日係世界杯決賽﹐四年一度既大事﹐連亞魚生係講道時都叫我地要做到我睇波是為敬拜。雖然一路都有留意下賽果﹐但係就一場都無睇過。今日本來亦無諗住睇﹐但係見到大家甘有興致﹐於是又去湊下熱鬧。不請自來﹐好彩主人家無話非請勿進。同一班球迷睇波真係有氣氛好多﹐估唔到大家甘認真﹐有人著波衫不特止﹐重連面都畫埋。雖然係陪太子讀書﹐但係都唔會悶呀﹐一來足球比起football, baseball 來講真係好睇易明得多(不過據聞亞技安就睇到訓著左﹐無計啦﹐文化上既問題﹐我肯定佢睇Super Bowl 就唔會訓著囉﹐你睇亞克林頓都唔係睇波架啦﹐都係係度social 同飲紅酒)﹐二來大家睇得投入﹐淨係睇大家既肉緊情況﹐聽大家既歡呼聲同噓聲都覺得好開心。上一次睇完整場的world cup 已經係N年前既事﹐不過又係睇得好好玩。今日又聽到有球迷話下次係南非打會飛去睇喎﹐不過都係聽住先啦。如果連德國都去唔到﹐去南非就更艱難啦﹐聽聞要飛成三十個鐘先到架。

0 Comments:

Post a Comment

<< Home