Wendy's Blog

豐收星期日

本來尋日都想寫﹐但係朝六晚一成個人近乎虛脫﹐不過一個豐收既星期日唔寫點得呀...

主日學 - 承蒙魚牧不棄﹐有機會人生首次教主日學。其實應承左之後非常後悔﹐因為好驚﹐唔係怕要花時間預備﹐而係怕教得唔好徙左大家既時間。加上夏天合班人數甚多﹐人越多壓力越大。知道時間同題目好耐﹐開頭驚左一大輪﹐之後因事忙就無再諗。跟住時日無多﹐急急同魚牧傾傾。好在佢俾左好多資料我﹐睇返D野又無甘緊張。加上係topical, 講如何發掘恩賜﹐唔係教書卷﹐都比夠容易入手。重要魚牧教一半﹐我主要負責做問卷部份。教前﹐教緊既時候都唔太緊張呀﹐講野都唔會太快﹐問返D feedback 都算正面﹐自覺合格啦。都感恩有呢個機會去嘗試下睇下自己有無呢方面既恩賜。同埋神知道我信心唔夠﹐於是安排我教一課比夠容易handle 既﹐如果一開始就要我教以賽亞書我諗我一定唔會有下次。宜家都諗緊會唔會再教﹐希望會盡快做好決定啦。

崇拜 - 之後直落做主席﹐開頭真係驚暈倒臺上﹐又驚訓著。但感恩今次竟然係做主席以來最喜樂﹐最平安既一次。多謝聖靈感動我睇到詩篇17篇。雖然今早醒來第一意識又唔係想起神﹐但係真係一個好好既提醒。

至於我，我必在義中見你的面；我醒了的時候，得見（或譯：看）你的形像就心滿意足了。(詩篇17: 15)

食飯 - 有男有女有新人﹐有大有細﹐有可愛小朋友又有靚姊姊。D conversations 有進步喎﹐終於無甘悶啦.不過最開心梗係坐係你隔離啦﹐你重主動同我解釋D game 點玩﹐睇住你玩﹐睇住你食飯﹐好溫馨呀! 開心死我啦! 唔知幾時會再有甘既機會呢?

等人 - 雖然等左好鬼耐﹐但係都好﹐有時間同唔同既弟兄姊妹傾下偈﹐又多謝魚牧車亞媽返屋企。

consignment - 雖然因件數唔夠攪唔成﹐但係起碼去過﹐甘我將D衫 donate 左囉。

講電話 - 係呢D時候﹐我點可以唔麻煩你呢? 多謝你的分享﹐全中。再一次多謝你的忠告﹐未來日子相信會時時勞煩你啦。先行謝過。

訓晏覺 - 星期日下晝既必修科﹐雖然得 15 分鐘﹐好過無啦。

甘樣就12 個鐘啦﹐真係幾豐收架!

posted by 板板子 @ 6:04 PM