回顧展...
見A子寫
回顧﹐發現有blog 以來都無寫過年終大事回顧﹐今年跟亞A子寫下先...
************************************************************************
又到年尾﹐在一個收爐的下午﹐回顧著2006年大大小小的事。似乎這世界並沒有兩全其美﹐有得必有失。正努力學習互相平衡。
好同意﹐時間就這麼多﹐時間放在那裡是看得見的。種甚麼﹐收甚麼﹐不能得一又想二。今年呢﹐種了在那裡呢﹖有沒有種於永恆的國度呢? 如阿菜所說﹐在花旗上班的日子是返工等放工﹐放工等放假。今年在事業上好像有點停滯不前。寄望明年再努力一點等放假(呵呵呵﹗)。
工作呢﹐各走極端。年中曾經忙得緊﹐但越來越得閑﹐感恩的是工作能力被肯定。除非有幸早早回天家﹐否則還有幾十年要工作﹐唔想太忙但都想學到野﹐希望明年會有新發展。至於教會生活﹐今年的尼希米52﹐自己得著很多﹐雖然收到很多意見說﹐“看不完”﹐“日日看很吃力”之類的回應﹐但我仍然深信﹐有壓力才有進步。希望弟兄姊妹可以再努力一點﹐而不是多一點投訴。團契﹐有很多想法想分享。好了﹐兩年的任期完滿結束﹐來年可以多一點時間做些期望已久的事奉(雖然我未必做得好好﹗)
唔係抄架﹐但係情況同A子相似﹐好姊妹麻。N52 好正﹐個人得著好多﹐又好享受一齊事奉﹐但係之後自己好似有點洩氣﹐都係要學習持久既功課。團契﹐終於完全抽身離開學生們。坦白說﹐完全沒有懷念﹐其實走後輕鬆多了﹐當然見到星霸我還是好高興﹐但僅此而已。現在於EF幫手帶查經﹐跟羅伯學野﹐得益良多。當然最大突破係嘗試教主日學﹐希望明年繼續在這方面學習。感情嘛﹗越多了解﹐越多發現自己是個不可愛的人。有很多事﹐原來不是可以用理性角度去看﹐除了找緊神的恩典﹐我還可作什麼呢?﹗
家人朋友﹐希望你們快點信主。來年將會出現不同身份﹐有很多人情細顧需要學習。
呢方面就當然無然無A子甘幸福啦﹐但係好同意"越多了解﹐越多發現自己是個不可愛的人。有很多事﹐原來不是可以用理性角度去看" 。為了你﹐會努力做個值得被愛的人。好似係人情世故先岩呀。
*********************************************************************** 好啦﹐明年見啦!
尚未打烊
一下子﹐又差不多一星期無update。雖然我也想像一眾姊妹般提早收爐﹐可惜假期用到盡﹐不過其實本星期工作量有限﹐返工都好輕鬆﹐反而公餘節目多多, 開開心心過了一個長週末。
有家聚﹐有聖誕party, 多謝魚牧魚師母﹐靚靚安娜open house。幾十人的party, 真的很多事情要做﹐辛苦晒! 好多美食, 當然少不了我的芝麻曲奇。無想過cookie 會好評如潮﹐連Auntie 都讚好添! 多謝多謝﹐下次會再做。
研究了好久﹐決定看Charlotte's Web﹐好感人﹐身邊的小朋友都看到哭呢。看Night at the Museum 倒不如去Art Museum 啦, 因為公司係贊助商﹐出示工作証就免費入場﹐慳了$24, 真係好。發現好多中國歷史大家都忘了﹐真的要惡補惡補。
有即興飯局﹐可一未必可再的組合。有生日晚宴﹐十二人全河景﹐希望主角同眾姊妹都滿意啦。
又long weekend 啦﹐等我寫多篇都打烊先得。
reconnecting...
每逢聖誕都會寄卡﹐算是跟外地友人的一個聯繫機會。早前開始跟在港的老師與同學IM, 一下子大家的距離近了好多。近日開始跟各人reconnect, 發現有好多轉變﹐師姊三年抱兩﹐另一師姊待產中﹐有人在找房子﹐有人在找工作﹐有人發福了。大致上都是好消息﹐為大家高興﹐還有好些友人未聯絡上﹐希望假期中會可以繼續reconnect。
Holiday before the Holiday
今個禮拜﹐唔知點解過得好慢好慢﹐但係又日日都覺得好似係星期五甘。都幾好呀﹐唔係甘多野做﹐他他條條又過左。最開心有人爭相要向我示好, 係呀﹐好應該架﹐在公在私﹐我都有口皆碑架麻﹐再唔對我好D﹐我真係會走架。我會記住你話會對我好d架﹐so far 都幾滿意﹐算你啦。
*************************************************************************
尋晚開始一連串既飯局﹐多謝老細帶挈, 帶埋亞媽技安去左魚牧度食飯﹐我會好唔捨得你架。重記得第一次歐遊的攪笑經歷﹐希望你到西岸一切順利﹐一定會去探下你既。魚牧d蓮耦湯真係好飲﹐好彩我唔會好似亞媽甘客埋晒d 無謂氣﹐好大方甘又食又拎。禮拜六既飯都唔駛煮啦﹐多謝晒!
*************************************************************************
聽日應該都會早走架啦﹐朝早公司又有早餐﹐中午又同亞花食飯﹐我諗都做唔到d 咩架啦。
My favorite part of the holiday...
我發現靜靜地吃頓飯﹐在街上走走看看﹐就已經可以非常開心。
My favorite part of the holiday...你知道是甚麼嗎? 若你看到我眼內的笑意﹐感受到我快樂的心情﹐你就會明白﹐為甚麼在那聖誕節的wish list 上﹐就只有那簡簡單單的一個字...
爭我
原來被爭的感覺實在良好﹐可惜J先生太忙要取消今天的面見﹐希望盡快可以詳談。也多謝B先生真心為我好﹐鼓勵我do what's best for me, 你的好處我一定不會忘記。當然我不知會向左走還是向右走﹐但絕對為到有得選擇感恩。
Simple Is the Best 之 聖誕曲奇
今年無意大攪﹐今晚飯後才施施然整餅諗住拎返公司。 icebox shortbread 同cinnamon crescents, 懶得加cinnamon sugar, 所以其實只能說是crescent cookies. 但可惜本小姐手工有限﹐唔係件件都整到半月型。無個別包裝﹐一個大盒算啦﹐當係環保啦。雖然賣相麻麻﹐但係好食唔好睇總好過好睇唔好食﹐當然好似本人甘好睇又好食就最理想啦﹐ 我諗下次整就會靚架啦。
她他她打到o黎！II
果然不出所料﹐截至今日﹐明年已有四個會被邀請的婚禮﹐重要係全部都係summer 五六七月既黃金檔期。
甘攪法﹐好話唔好聽萬一真係嫁得出﹐都會已經用晒D錢買衫做人情﹐要一切從簡旅行結婚先掂。
無法﹐要有選擇性出席先得啦。
隨意
被大嫂一言驚醒﹐才發現多日無update 了。
忙﹐又算不上太忙﹐雖然差不多每晚工餘都有一些事情要辦。都不能說沒事發生﹐但又沒有甚麼特別非記不可﹐可能要講的都從其他途徑講了。漸漸blog 得隨意﹐做人大概也是應該如是吧? 不想再逼自己﹐又或者﹐希望做任何事都有一個正確的motivation, 要有passion 去做。好似BBT今日的在SS 的presentation 一樣﹐放足心機去做一件事﹐才會有感染力。BBT 加油! 希望好快見到你幫手帶查經。
**********************************************************************
隨意﹐於是今日無做cookies。其實﹐就算不做都無所謂﹐誰說一定要送禮給同事呢? 但我知我還是有點技癢的﹐就明晚吧。或者應該在此公告天下﹐今年不再有大攪送cookies 啦。但希望有時間弄些到魚牧的家聚﹐但冷不防又是potluck﹐不知時間如何。我又想從施故技做我那久違了的三幅被焗豬排飯﹐但有部份人士食過N次﹐又好似了無新意。還是做那感恩節大餐的炒雜菜呢?
不切實制
估唔到又做左A子既繆思﹐被引述我話"
買禮物要買些不實際的好"。其實呢﹐我都唔一定只送不實制的禮物。說真的﹐送禮一向很隨意﹐當然結婚添丁等喜事就一定會送禮﹐但畢業生日聖誕我又未必會送。可能很多時大家會出來晚飯慶祝﹐我覺得送禮反而未必及得上一齊開開心心的時間﹐又或者我寧願送上home-made cookies。而送禮與否又未必反映我與對方的熟絡程度﹐或者我總是覺得身外物不代表一切﹐彼此日常的問候關心更加緊要。
其實最喜歡外遊時買些小禮物回來送給友人。最理想的是又小巧﹐又得意又實用的﹐就好像那pinocchio 原子筆﹐靚靚先前送我的小毛巾。若不﹐當地特產的食物也不錯。其實我也會送實制東西﹐但個人就唔喜歡送或收electronics, appliances (blender 那些), 因為除非知道exact model, 否則很難買得合對方心意。雖說有gift receipt﹐但買錯要退換總是有點麻煩。
物輕情意重﹐送禮呢﹐我想是the thought that counts﹐每一件禮物﹐無論普通如一支潤唇膏﹐一瓶維他命﹐又或是明信片上得意的熊仔郵票﹐獨有的特別郵戳﹐一個key chain, 一點糖果零食﹐都代表著對受禮者的一份愛與思念。因為愛﹐所以無論是身在CVS﹐身在香港﹐身在加國﹐隨時隨地﹐你想起我﹐我想起你...禮物實制不實制又有甚麼所謂呢?
愛得太遲
突然間﹐又跟死亡好近好近。雖然跟死者緣慳一面﹐見到親屬時亦不知講甚麼好﹐但今天又發現我們往往愛得太遲。昨天收到妹妹教會一姊妹的電話﹐說她的表姊因末期肝癌彌留﹐因在附近的醫院所以希望我們的牧師探望。約好姊妹今天來我家﹐正邊傾談邊等牧師的時候就收到電話說表姊已經走了。無奈無言﹐師母隔不久來電﹐可惜只能跟她說不用來了。載姊妹到醫院﹐看到親屬的面容又令我想起去年五月...姊妹有點怪自己昨天沒有到醫院﹐之前去探望時亦未能說服表姊信主...其實覺得她也盡了力﹐因她跟親屬們久未聯絡﹐也是剛剛的禮拜四﹐才知道表姊病重。才38歲呢﹐還有三個小孩。再一次被提醒﹐人生真的不在我們掌握之內﹐要珍惜機會愛身邊的人﹐建立關係不要等對方病重面臨死亡才去傳福音﹐因為我們不知到生命何時會結束。今天晚上﹐不知怎樣形容﹐坦白說﹐跟這位姊妹只是見過數面﹐我知道當另一個星期開始﹐忙於工作及其他事情很快這件事又會在我的腦海淡出﹐只希望當中的提醒不會那麼快忘掉。
How well do I know thee? Let me count the ways...II
Round 2:
The Sum of All Fears收到DVD好一陣子﹐但有些technical difficulties 終於昨晚才看到。其實一向都愛看thriller, 這部由Tom Clancy 同名小說改編﹐有CIA agent Jack Ryan 的電影當時也有想去看。其實有Jack Ryan 的戲我也看了兩部﹐Clear and Present Danger 跟The Hunt for Red October. 前者是Harrison Ford 做Jack Ryan的﹐後者是Alec Baldwin做的。忘了為何那麼喜歡The Hunt for Red October ﹐可能是因為Sean Connery , 可能是因為那雄壯的蘇聯國歌﹐看完了戲﹐我還專程帶著技安山長水遠到尖沙咀的Toys R Us 買了副board game, 但當時英文有限﹐技安又細﹐一路都無機會玩﹐現在那副game 不知到了那裡呢?
返回正題﹐The Sum of All Fears 好看﹐一方面有我欣賞的正經黑人演員Morgan Freeman, 其他角色都係由一班老戲骨去做。Ben Affleck ok 啦﹐好似戲裡面他女友形容他on cute scale, 1 to 10, 他有12, 雖然誇張了一點﹐但比起Matt Damon 就當然是他靚仔D。內容呢﹐絕對覺得有可能﹐尤其現在post 911, 沒有甚麼terrorist act 是不可能了吧。
不過印象最深係conflict 只所以升級﹐好多時都係由於大家都不知對方的想法, 一有似乎係由對方而來的attack 就會想strike back, 雖然其實無十足證明係對方做既﹐但係又驚唔take actions 會讓對方繼續攻擊﹐於是寧願有殺錯無放過。 其實呢﹐甘攪法只會兩敗俱傷﹐反之如果一方願意back down ﹐結果就會好唔同﹐由all out nuclear war 變成disarmament。人與人之間其實都係一樣﹐若有conflict , 何不先給對方benefit of the doubt呢? 又或者﹐學習back down 的功課﹐如此大概人際關係會好得多。
***********************************************************************
謝謝你﹐Round 2, Two Thumbs up.
外冷內熱
入冬以來﹐今日終於開始真正既凍。因為落左車要行一段路先返到公司﹐加上公司又處於wind tunnel, 十字路口勁大風﹐所以一向都不敢怠慢﹐做足禦寒措施先出門。但係當行左幾分鐘以後﹐就會出現外冷內熱既情況﹐面同手(唔知點解無一對手套係唔入風既)凍冰冰﹐但係個身就好暖﹐加上building 勁開heat, 單單由入去到上樓都已經可以攪到汗流浹背﹐真係非常之麻煩。外冷內熱既日子﹐唔知要過多幾耐呢?
French Women Don't Get Fat
尋日係公司照鏡突然覺得個面好似圓左d甘既﹐大驚之下即刻問問你我係咪肥左。好在你話唔係﹐不過呢﹐做人都係有d危機感好﹐尤其冬天著得多衫好容意肥左都唔覺。有時見到d 朋友未到中年﹐又未做媽咪(甘當然唔係到中年﹐做到媽咪級就可以發福啦﹐但係都有d 原因呀麻)就變左肥師奶都覺得好可惜。之前係百萬借左A子都聽過既French Women Don't Get Fat, 開始睇左一個chapter, 未到戲肉﹐不過真係好想知當地女人對飲食既態度﹐會唔會真係可以學到佢地甘又可以享受食物﹐又唔需要做gym keep fit (不過我一向都無做架啦)。未去過法國﹐唔知d 女人係咪真係唔會肥﹐但係我諗in general 都一定fit 過d 美國女人既。
you need to 加油too
同姊妹J講開FUN前既A子﹐關心我既J少不免又加句"you need to 加油too"。唔擔心既我唔識點回應﹐只好如實作答:
J: you need to 加油too
B: I will
B: but it's not up to me u know
B: I am keeping myself very pretty
B: haha
J: just try harder la
B: that's all I can do
J: ha ha
J: That's great
唔使擔心我啦﹐我真係過得好好﹐神預備左架啦。不過都真係好開心隔左好幾個月終於同你再聯繫上。
天長地久...婚前
先前看到一篇講婚姻的文章﹐裡面提到很多關於婚前婚後的預備﹐覺得不錯﹐在此節錄同大家分享:
婚姻是每位（弟兄、姊妹）幾乎必經的過程，然而身為基督徒的我們，只要肯尋求並順服神的旨意，上帝一定會將適合的對象顯明．並且所賜的也一定是最好的（對當事者而言）．上帝若不給，也是為要把最好的留給你，不然就是你本身或對方尚未準備好，目前還不適合結婚。
一位成熟的基督徒一生當中永不擔心的事，就是婚姻的終身大事，因為你相信神會為你預備，並為你成全．因此在我們婚姻之前必需關心的是如何建設
自己成為一個可愛的人（提昇自身本錢、行情）．而不是為找不到另一半而猛發愁。
好岩呀﹐唔使擔心既! 交往中的未婚男女
１．讓自己常保持新鮮（外在儀表及內在涵養）
Ａ 不斷的告訢他的優點．（善解人意、溫柔、細心．．．）
B 興高彩烈其待他的歸來．（不論相愛多久，例：約會．．）
C 常讓對方聽到你愛的言語．（關懷問候的話）
Ｄ 偶爾浪漫一下．（約會地點改變、情調餐廳、卡片、鮮花．．．）
Ｅ 讓對方有安全感．（負責、耐心、傾聽）
呢科應該A。２．讓對方很自在的活出自己
Ａ 愛並不是要對方完全遷就你。
Ｂ 彼此容忍與包含。（非姑息）
Ｃ 勿言：我就知道你不再愛的，所以你才．．．．。
要學野啦!3．無怨無悔的付出自己
Ａ 學習每天惦記著他。（一日不見如隔三秋）
Ｂ 樂意為他付出。（捨己，例：開車門、徵求她同意做事）
Ｃ 耐心聽他說話。（不是心不在焉）
Ｄ 存虧欠、感恩的心為他付出。（無己私的付出，愛是相欠債）
Ｅ 不批評及輕視他。（勿在朋友面抱怨）
呢科應該A。４．積極的思想與努力
Ａ 不可補救的事不再重提。（過去的羅曼史）
Ｂ 懂得適時表達自己的情感．（即使交往甚久仍不忘說：我愛你「積極的聆聽」與「坦誠的傾訢」是同樣重要的，永遠要以恭敬、謙卑和溫柔的態度去「聽」去「說」。
Ｃ 分享對方的快樂與憂愁。（不論是工作、學業、生活的每件事)不當的忍耐並非容忍而是壓抑，當壓抑的內容累積越多，最後引爆的威力越不可收拾。
Ｄ 儘量不讓對方擔憂。（不任意發脾氣）
Ｅ 為對方禱告。（求神祝福）
要努力d先得﹐唔好無理取鬧。５．培養風趣及幽默感（打破沈悶)
姓菜既點會悶呀!
送禮俾細路
近排身邊有不少親友榮升父母級﹐又或是待產中。 所以宜家行mall 都無心睇野買野﹐經常都係留意BB仔衫﹐用品等等。一睇之下發覺自己真係好孤寒﹐好唔捨得﹐當然D衫仔鞋仔真係好得意﹐但係又真係好鬼貴囉﹐唔on sales 既話﹐重貴過D大人衫﹐真係買唔落手。好多謝靚靚幫我買到又抵又靚既衫仔﹐做聖誕禮物送俾twins 。宜家等緊after new year sales, 到時要入定D貨預備將來送俾各位親朋密友既仔仔女女先得啦。
了解...
...是在對方未開口以先就知道她要說些甚麼﹐甚至人家都忘了曾經說過的話﹐因為了解對方的想法﹐因為記得對方說過甚麼﹐於是﹐在同一情況之下﹐自自然然就知道她心裡所想的﹐所要講的。 自愧不如﹐只能說一句﹐心悅誠服。
食生菜
一齊食burger 見你加了生菜iceburg lettuce (當然還有我喜愛的番茄﹐謝謝)﹐突然想起之前聽過Iceberg Lettuce其實沒有甚麼營養﹐因為大部份都是水﹐如果食生菜﹐Romaine Lettuce 就比夠有營養。當然﹐如果沒有選擇﹐吃iceberg lettuce 還是比不吃菜好些。
One cup of iceberg lettuce has 8 calories, 0.5 gram protein, 0.7 gram fiber, 10 mg calcium, 78 mg potassium, 1.5 mg vitamin C, 16 mcg folate, 13.3 mcg of vitamin K, 164 mcg beta carotene and 152 mcg of lutein + zeaxanthin.
One cup of Romaine lettuce has 8 calories, 0.58 gram protein, 1.0 gram fiber, 16 mg calcium, 116 mg potassium, 11.3 mg vitamin C, 64 mcg folate, 48.2 mcg of vitamin K, 1637 mcg beta carotene and 1087 mcg of lutein + zeaxanthin. The Romaine lettuce is a better choice.
Source: about.com
All About Lettuce
Blog/Diary
Blog/Diary 
