Wendy's Blog

Joe Lau 4

見大家講Joe Lau 講得甘高興﹐等我又講下先得。

係美國住左甘耐﹐但係一向都唔係住獨立屋。雖然好多人話要single house 先保值﹐但係未搬入去就諗住賣﹐我又覺得無咩謂。如果住suburbs 呢﹐住townhouse 得啦﹐住city 就住apartment 。對住無咩要求﹐因為我來來去去既活動範圍都係係自己間房多。係部電腦面前﹐同係張床上面。所以睡房一定要有電腦﹐最好細細部既 (mac mini?)﹐D keyboard, mouse 全部無線﹐甘wireless broadband 就好standard 啦。張床唔使甘大﹐一個人twins size 夠啦。因為個個禮拜都要換床單﹐而我知道一個人抽起大張既床褥係好辛苦既﹐如果兩個人就queen size 啦﹐因為king size 大得滯﹐而queen size 既床單係比full size 多好多choice既。床隔離一定要有燈﹐方便我睇書﹐重要有夠大既床頭櫃俾我放書﹐眼鏡﹐手錶﹐手機﹐相﹐水﹐etc., 重要有抽屜俾我放日記簿﹐情信等等。

甘當然浴室我都要用既﹐但係唔係一個會係廁所hea 既人﹐屋企個浴缸我好似一次都無用過﹐以前住apartment 亦都無用﹐shower 得啦。唯一希望係睡房有浴室﹐如果無主人房﹐希望浴室係有兩度門既﹐睡房可以直接入浴室。因為慣左一路擦牙一路聽野(返工聽收音機﹐唔係就聽歌)﹐又或者擦緊牙﹐係間房度行來行去拎野(返工趕住無法)。浴室同睡房連埋﹐方便好多﹐私隱多D(同我唔用webcam 有關﹐不過唔講點解啦)﹐不過如果一個人住﹐都無所謂啦﹐甘其實兩個人都唔怕既。

廚房﹐當然要有焗爐啦﹐最好係用平面電爐﹐乾淨好多。sink 最好係好深既﹐方便我洗碗時唔會水花四濺。

客廳﹐飯廳我都無要求﹐電視都要有既﹐有張舒舒服服既loveseat 可以一齊睇碟就得啦。飯檯最好係四個人坐得鬆動﹐六個人都坐到既﹐大佬大嫂細佬黎食飯打邊爐都得。

最好全屋都係hardwood floor 啦。唔好有basement 呀﹐唔係會keep 住好多junk, 到要丟時就好痛苦啦。

唔識得D花花草草﹐甘多年都無剪過草﹐對front yard, backyard 一D興趣都無﹐鏟雪(唔計自己架車)甘多年數埋都唔夠3次﹐如果自己住townhouse﹐一定會揀D association 做埋呢D野既地方﹐如果兩個人住既話﹐一定要揀個會做晒呢D野既人。

posted by 板板子 @ 9:32 PM