Wendy's Blog

鬆一口氣

雖然本週要返足5日工﹐又係季尾會忙﹐但可能終於攪惦了兩件重要任務﹐反而心情輕鬆了許多。

其中一樣自然係上週六既陣雨派對啦﹐坦白講﹐一路都好緊張﹐雖然唔係未攪過﹐但唔知點解今次特別stressed out, 可能未試過做主打﹐重要係好多人以為係我同佢結婚既A子既shower 添。時間越逼近﹐發覺越來越多野要做﹐當然各好姊妹都幫忙不少﹐open house, 買禮物﹐包禮物﹐帶食物﹐clean up, etc. etc.﹐ 但係始終有好多野要自己跟返。好多濕碎野﹐如收錢﹐聯絡﹐安排交通﹐遊戲﹐favor﹐買沒收了單的睡衣﹐買花﹐都要自己一手一腳跟返。好彩當日一切順利﹐大家都似乎幾盡興﹐甘都好值得既。不過呢﹐做埋今次收山啦。其實係教會甘耐都有少少攪活動恐懼症﹐唔想再send group email﹐再安排節目run-down 啦。有一日我嫁都唔使攪shower 啦﹐一來唔想大家辛苦﹐二來無意公開D感情事。熟既話﹐呢D野私底下都會傾過架啦﹐個人來問我無任歡迎﹐唔熟既話我都幫你唔到啦。

禮拜又來一次崇拜蝦碌大全﹐明明講好既程序又會改晒既。唔緊要啦﹐程序都係其次既。呢次之後﹐六月先要再上台﹐好快又會有新人做ppt, 甘我地終於可以退休啦﹐可以安安靜靜甘崇拜啦。

未來一個月似乎會靜閒D﹐希望唔會辛苦啦﹐可以做個靚靚既伴娘啦。

posted by 板板子 @ 9:08 PM