Wendy's Blog

wii wii 嘩嘩 LA 遊

承蒙電腦哥哥既邀請﹐參加左CY同小H既台式婚禮﹐去左N次啦啦land﹐點知都重有好多驚。喜喎...

驚...出門甘耐搭飛機從來未試過有咩問題。點知一搭出名efficient 既SW 就行李delay! 一時鬆懈既我﹐瀟灑地拎住個米奇porter beams boy crossover 就上機﹐竟然無pack 任何overnight 要既日常用品! 所有行李都出晒都唔見個袋都知有問題﹐但係我最唔明係點解一早check in, 又無轉機﹐兩件行李點解會一件到﹐一件唔到?

以後都唔搭SW啦﹐主要係唔鐘意無assigned seat 呀﹐就算係A組﹐都覺得麻煩呀。

啦啦land D traffic 超恐佈, 由Santa Monica 去羅蘭崗要兩個幾鐘﹐曳呀!

最平D油都要$3.23。

D樓價依然高企﹐D人會outbid asking price 十萬甘去爭樓呀!

喜...雖然知道行李應該無唔見﹐但係delay 都有少少擔心﹐萬一真係無左就損失慘重啦。不過其實又唔係去荒山野嶺﹐身外物最多咪買過囉。感恩頭兩日都可以保持平常心去玩﹐連細佬都話點解你好似一D都唔緊張既? 其實身邊既人重緊過我。如果真係要買過D新衫都無所謂﹐當係驚喜囉。意外發現原來件humble T 係幾舒服架喎。

呢邊都甘熱﹐以為啦啦land 一定熱死啦﹐點知日日都 high 70s﹐非常之舒服。日頭有時都要著件外套。陽光普照﹐心情都靚D。

又見到電腦哥哥﹐無上次甘見外啦。一見面重話我肥左(雖然後尾保鑊話唔係﹐不過肥定瘦我自己知既﹐唔怕人講)。多謝你招呼我地﹐鬼死甘客氣差唔多餐餐都你請真係點好意思呀! 今次領教過電腦D攪笑野﹐不過我唔知點形容啦﹐總之就好好笑啦。電腦爸媽﹐好好人﹐好後生﹐又好健談﹐真係好登你地高興。有機會要請返電腦媽食飯先得﹐今次無理由同我地爭架啦。

小H真人真係好似D相甘靚女架﹐有D日本明星feel.

晚飯果度都好靚下﹐外面有D mission style 既建築物﹐影相出黎好靚。

wedding party 唱歌都係第一次見﹐首歌正呀﹐不過我地好背﹐D人個個都聽過﹐係我地唔識。

今次真係完全無plan, 做得最多既係玩Wii 同睇人打Wii, 睇人打ball, 原來多人玩真係正好多既。壹零壹九既野聽聞唔少﹐亦都曾經見過一兩個﹐今次差唔多見到全部﹐原來真係聞名不於見面﹐好簡單既野都變得好好笑。

食左唔少好野 (可惜無時間食 in and out), 花旗之內都係LA 既中國野好食好多﹐又多選擇。

影左唔少靚相呀﹐最後買個條裙真係好好多﹐自己D化裝技巧有進步呀﹐多謝靚靚既指導。

又有機會見下D 老友﹐雖然時間唔多﹐但係聽到你地既近況同update 都好高興﹐希望好快又會再見啦。

不過呢﹐wii wii 嘩嘩 LA 遊其實只係得一個目的﹐就係你玩得開心﹐有無去邊度﹐食咩野﹐就算唔見左件行李都無所謂啦﹐我諗呢個目的應該都達到既。睇返D相﹐見到你地笑得甘開懷﹐諗返起D瘋顛笑話﹐我都好開心﹐希望你都有同感啦。

posted by 板板子 @ 6:56 PM