寒假之二: 見人
今個寒假最大既成就係見左好多平常無機會見既老朋友。
行頭既當然係大佬一家﹐由二十五號起日日見到尋日為止﹐我真係驚大嫂見我地見到怕。由佢屋企﹐到新開既outlet, 到NY﹐ 補返MB過去幾個月見唔到面既日子。幾個月無見﹐大佬依然瘋癲﹐大嫂依然文靜。最有趣係終於領教到松仔夫婦既gag, 完全明白咩叫做虎父無犬子。
一早約好B子27號係拿頭屋企食飯。哈哈﹐我地真係好唔客氣﹐未問過主人家就話去人地屋企打邊爐﹐我重要帶埋全家加大佬大嫂一行六人。除左食就係傾計﹐同埋同小朋友玩﹐當然重有鄭生既牌局。忌廉頭同技安千方百計同小朋友影相﹐少少怕醜既小C子同E太郎最後都好合作甘影左幾幅﹐令到兩個大男人非常高興。
另外28號又約左係法拉盛既大哥哥。之前一晚太夜所以同忌廉頭搭車上NYC。 上次係拿頭大婚匆匆見面﹐今次總算可以坐低同佢地一家食餐飯。都catch up到唔少﹐不過真係唔同以前啦﹐因為大哥哥個仔都兩歲(好可愛!), 出入要minivan, 要照顧小朋友。在此希望仔仔健康成長﹐希望出年有機會再見。
禮拜六就同B&G 一家五口飲茶。先前B弟兄教過我地好多整屋既野﹐於是亞媽同技安又係甘講整屋。上次見又係拿頭大婚當日﹐不過間中都會傾下電話。兩個女都好大個啦﹐話甘快就識左甘多年啦。見返D老朋友真係好舒服﹐當然平時少見都要catch up 下﹐但係好快warm up﹐可以好輕鬆好無拘束甘傾計。可能人大左有時都怕識新朋友﹐又或同D半生不熟既人一齊﹐因為真係要花好多心力。
最後昨晚情商忌廉頭既calling card 終於call 左係東瀛既姊妹J。多謝你既email update, 保重身體啦! 好期待明年見你個B﹐相信一定會好可愛。
寒假之一: 板板子的聖誕日
寒假開始好幾日啦﹐原先打算過一個悠閑既十天假期﹐點知因為
MB的聖誕而節目大調動﹐結果做左D咩呢?
約了兩位姊妹去睇Atonement。聖誕日人車稀少﹐早場$6.75。看過影評﹐知道內容一點點。英國﹐兩大戰之間的愛情故事﹐但主線是講女角為年少時的謊言贖罪。但失去了的清白﹐機會與時間又怎能去彌補? 因一個人的錯誤﹐影響了三個人兩個家庭的命運。有興趣看
Ian McEwan 的原著﹐剛好老細與他老細都送我BN gift card, 大概可以買來看看。
之後返屋企﹐忌廉頭已經來到﹐拎住聖誕禮物係度等門。入屋放低箱extra fancy korean pears, 因未聯絡上大佬﹐於是睇左一陣NBA先過去。我一見大佬面劈頭第一句就鬧﹐有無攪錯呀﹐返來都唔早D講﹐如果唔係請左假甘點算呀。大佬當然又大條道理甘話俾個驚喜你呀﹐之前咪問過你放假有咩做呀甘。好啦﹐放你一馬。MB一見面梗係超開心﹐於是我地同埋大嫂打機﹐發現佢地係坐係度打bowling 既﹐但係華大超勁﹐200幾分。大佬亞媽又招呼我地食湯丸﹐我好俾面甘食晒﹐重飲埋D糖水﹐因為我係屋企係唔食既。跟住松仔又留我地食飯﹐我話要返去煮牛扒俾屋企人食﹐點知松仔叫我叫埋細佬亞媽黎﹐不過佢地整屋太累既緣故﹐就唔過來啦。我地睇左D 無線劇都要走。點知返都門口見到掛住以下既:
多謝L姊妹既cookies, 好多款﹐好好味。亞媽聽唔到門鐘﹐真係唔好意思啦。
接著就煮聖誕大餐啦﹐大家分工合作﹐結果:
一人一碟:
好好味...
呢個$59.99 既Omaha Steak package 好抵﹐大家可以試下:
http://www.omahasteaks.com/servlet/redirect?fromUri=/visainsert一煮好正餐我地就焗Sara Lee既apple pie. on sale $1.99, 唔錯架﹐真係令人覺得自製好徙氣。
最後重有聖誕禮物! 我今年就曳啦﹐得張卡仔﹐唔似忌廉頭甘整左成本photobook 俾我! 好靚架﹐張卡都好靚架﹐加上心心熊仔生日禮物﹐不過呢D就唔俾得大家睇lu.
I AM LEGEND
忌廉頭同技安真係岩﹐忌廉頭晨早起身寫
I AM LEGEND, 無獨有偶﹐技安今朝又俾我睇以下關於原著既wiki entry:
I AM LEGEND先前都知係小說改篇﹐重拍成電影兩次﹐不過原來Will Smith版同原著分別都幾大。雖然一樣有狗﹐有喪屍/vampires, 一樣有個女人。但係一個紐約﹐一個LA﹐再加上唔同年代。不過最大既唔同係點解會做左legend 呢? 小說既原因都幾正﹐另類D。不過作為電影concept 就梗係Will Smith 版本好好多啦。
放假啦
一個半天的工作之後﹐久遺了既寒假就開始啦。工作多年似乎都無試過在聖誕到新年日日放假﹐因為多數都已經用盡了假期。今年無遠遊﹐加上工作忙﹐就算放寒假後都可以carry over 幾日到明年,真係好啦。十二月公事閑了不少﹐但本週私事繁忙﹐有公司holiday reception (雖然只係係自己個floor, 但係catering 做得好好﹐還有live music), 當晚又要返教會做野(十一點先返到屋企呀!), 昨晚又有dentist appt, 當然還有預備兩次預查﹐認真唔得閑。不過現在只要過了明日下午的prestudy 都可以鬆一鬆。因為home improvement 未攪掂﹐所以25 號未能open house 啦﹐各位姊妹唔好意思。希望下星期可以上好最後幾度門啦﹐甘一月open house 就有望啦。下星期希望可以休息﹐充電﹐因為一月一開始就要衝鋒陷陣。會有機會見下B子一家﹐同紐約大哥哥﹐希望趁有空去renew passport, 執房﹐睇戲﹐同預備下下年度既主日學。期待一個悠閑既十天假期。
高床軟枕
不知講了多少年啦﹐上星期終於"的"起心肝買了新的床褥。
一張返港機票的價錢﹐說不上很便宜﹐但在那床褥公司的等級中只是第二低的silver, 對上還有gold, solid good, platinum, platinum plus。不過對於一個睡了多年又舊又細床的人來講﹐這張full size Simmons Beautyrest 已經是非常的奢華。說真的﹐我也不明白為甚麼可以忍受多年睡彈弓的折磨﹐大概又是那些無謂的堅持。無論如何﹐買了新床都幾興奮﹐還專誠在上週五work from home 去等送貨。只是一見到新床嚇了一跳﹐原來床是這麼高的麼? 跟在店內完全不同。 照技安所講﹐差不多要買一個doggy step 我才可以爬上床﹐一訓之下﹐驚覺天花板極近﹐甚有壓逼感。慘﹐點算呢? 幸好人係習慣既動物﹐現在過了幾日又覺得ok. 為了新床﹐我買了新的床單﹐又買了king size 枕頭﹐明乎其實既高床軟枕。希望從此會訓得好D﹐唔會經常腰酸背痛啦。
一題兩寫: 拍拖要唔要成日見?
見
拿頭講個甘有趣既題目﹐等我又講埋一份先得。
拍拖要唔要成日見呢? 我諗要define 下咩叫做"要"同"成日"先, 我諗無咩話係一定要做既﹐但係拍緊拖應該會想經常見到面既﹐用"成日"呢個字眼好似講到見面係一件苦事甘。我諗呢﹐最大既問題係住係美國﹐除非大家同住一大城市﹐返工地方近﹐又或者住係附近﹐否則要係平日經常見面真係比較難。如果工作時間長﹐再加上大家有家人係度就更加難啦(好似係度講緊自己甘添)。因為放工都夜啦﹐重要做屋企野呀﹐做教會野甘架麻﹐邊可以時時出黎呢。
不過大家返同一教會都算好好啦﹐weekend 可以一齊返團契同崇拜﹐加上禮拜五放工後可以見面﹐甘如果打埋badmin 一個禮拜七日見到四日。加上日常email 呀﹐每日講電話呀﹐IM 呀﹐我諗都足夠時間交通既。至於日對夜對會悶死﹐我又覺得唔會既﹐如果拍拖時都會悶死甘結左婚點算呀? 如果拍拖既時候都無想朝夕相對既憧憬﹐甘點可以一生一世呀?
"況且對得太多﹐被發掘缺點的機會也會越多。" 呢點我同意既﹐但係我又覺得唔怕囉﹐未結婚之前發現對方既缺點總好過結左婚之後先知而後悔呀。同埋如果真係愛一個人﹐要接受對方既全部架麻。如果對方知道我既缺點都包容我﹐我可以好真實甘做番自己﹐唔怕對方點睇﹐其實真係一種好得釋放既感覺。
甘我既結論係咩呢? 我諗拍拖階段要日日見有實際既困難﹐日日見亦唔代表D咩既。如今科技發達其實真係有好多交通既辦法。我亦覺得得未結婚前有D私人空間係好既﹐不過我諗熱戀時期梗係想爭取見面既機會既。如果真係到"期望每朝早起身一吻紅的臉"既時候﹐甘咪結婚囉。
小B生日快樂!
今日係你生日喎﹐唔知點樣慶祝呢? 如果有機會出年去探你就好啦。等我落多D 嘴頭叫忌廉頭叔叔出年去Toronto 先得。
看書
先前拿頭買書﹐於是我又買埋一份。佢推介麥陳永萱師母既四雙眼睛。其實我無正式睇過佢既書﹐但一看之下欲罷不能﹐宜家我都睇左一半啦。甘我下星期可以借俾你啦。
又買左本以斯拉記同尼希米記既主日學書。係播道文字部出既﹐先前教以賽亞書時用過﹐ok 既﹐今次都參考下啦。
重有book club 兩本書未睇完添﹐一本我放棄左﹐一本開始左但係又無follow through 。不過後者(The Practice of Godliness) 我會睇既﹐但係唔知book club 下次meeting 係幾時呢?
唔爭氣
近日發現自己腸胃越來越唔爭氣﹐晚飯前覺得唔舒服﹐唔想食飯。唯一可能係午餐食左平常少食既肉絲炒麵。本來好想食兩塊麵包塗nutella就算﹐但係都飲左D湯﹐同食左個橙﹐宜家算好D啦。
今日繼續我既頸痛﹐無肚痛但係就背痛。唔爭氣又一例。
終於教完本季既三課主日學。覺得預備ok 既﹐但係好唔爭氣甘上了不少螺絲﹐又嚴重超時。今次對但以理認識多左﹐係一件好事。原來我一直以為但以理都有份落火窯﹐其實係無既。今日同學們最後有唔錯既討論﹐令我覺得高興。傾開發現同拿頭一致認為雖然教SS要辛苦預備﹐但見同學用心學習同思想神既話卻令自己覺得辛苦都係值得(反而有時查經大家無心裝載就令人好生失望)可惜我們一輩弟兄姊妹參予越來越少。希望大家都爭氣D啦。
十二月...
落左雪啦﹐先前話post 送你一瓣的雪花﹐不過唔係第一次落﹐都係唔post 啦。
今朝架車既windshield wipers stuck 左﹐整左我十幾分鐘先得。真係煩﹐令又我好想有個車房。如果我真係有呢﹐我一定唔會好似大部份我識既人甘唔用﹐因為冬天要攪架車真係好麻煩。
最近D野無甘趕﹐於是搭遲左一班車。而且十二月呢﹐大家開始放假mood, 做野都好似輕鬆左。
凍呀﹐日日都羽絨﹐我發現我幾多褸都好﹐都係一件黑色羽絨最實際。高領, 基本上頸巾都可以不用。於是我又問自己我要十幾條頸巾為咩呢...
今日豐收
今個主日雖然天氣較差﹐但得著甚多﹐算是真正的豐收。
主日學講亞撒王的禱告﹐對自己有很大的提醒。在此記下他晚年失敗的原因﹐作為鑒誡:
缺乏等候
自滿自足
自覺有成
貪安好逸
屬靈麻木
最近發現自己有點麻木狀態﹐要小心小心。多謝聖靈與魚牧的當頭棒喝。
有時間與鄭氏午膳傾談﹐又終於剪了髮。一向最怕同髮型司傾計﹐所以可以全程唔出聲。但髮型司間中會講兩句﹐除了講關於頭髮的﹐好多時他會問下關於教會既﹐今日有機會講多少少﹐不過自己無好好把握話題﹐他問天主教同基督教既分別時﹐應該可以直接講下福音。希望下次有機會。
返到教會見一眾弟兄姊妹係度等人﹐於是就同大家傾下。好似好耐無試過甘啦﹐曾幾何時我地個個禮拜日都坐係度傾計架呢﹐我諗大佬同亞花會記得。最開心係聽BBT的中港假期見聞﹐希望明年有機會返去啦。
返黎連續打了好幾個電話﹐我想算是不乎所托﹐處理好一些事情。接著預備主日學(做好一半啦)﹐又煮了餐便飯﹐現在可以訓啦。
Blog/Diary
Blog/Diary 
