Wendy's Blog

婚後第一正常主日

今日係結婚後﹐蜜月後第一個正常主日。

結左婚三星期﹐之前的周日﹐一係婚後第二日﹐要送親人﹐陪朋友﹐第二日又放假﹐自然係非常時期。跟住的兩個主日就係船上﹐機上渡過﹐所以都係非正常。甘第一個正常主日係點呢...

起身﹐難得有時間﹐係屋企食埋早餐先走。去亞媽度﹐老爺奶奶已經來到。一行五人出去﹐ 返主日學。今日陳牧講撒迦利亞書﹐超正。之後重講埋道﹐ 講靈修生活重整﹐好有幫助。我跟老公坐二樓﹐完左之後﹐拎埋份outline. 今日係我係CCC&C 甘耐﹐第一次聖餐延遲。

之後一家五口去飲茶。飲完去停車場時﹐見到亞靚同 Stitch, 又見到得意既小妹妹。Drop off 大人之後﹐我地去高檔超市。

跟住就返屋企﹐ 老公好雀躍甘吸塵。我就執下野﹐ 洗床單。之後我提議打Wii 啦﹐老公當然好開心啦。打左boxing, tennis (我渣到呢)﹐bowling. Wii 完我地就去做Gym. 樓下一個人到無﹐D設備幾好呀。做完先知有個sauna ,下次用下先。

返來又執下野。因為好多left over, 今晚唔使煮都有湯﹐有魚﹐有菜﹐有雞﹐有龍蝦(多謝同事)! 食完一齊執野﹐老公又好雀躍甘拖地。宜家就排排坐係道作文同睇NBA。

Labels: 兩個人的生活

posted by 板板子 @ 7:47 PM