Wendy's Blog

And the winner is...

有獎遊戲之BL講唔食已經完滿結束﹐多謝各位有份參與既讀者係過去兩日﹐好努力甘估BL唔識D 咩野。

係公布得獎者之前﹐先將大家曾經估過既食物 (係8/24﹐11:59pm 之前post), 分開岩同唔岩兩類列出:

岩 (即係唔食) -

雞腳, 荔枝﹐龍眼,榴漣﹐椰絲糖﹐奶油飽,波蘿椰絲包, 臭豆腐﹐椰tart. 椰子﹐ 椰絲棉花糖﹐ 潺菜﹐豆苗﹐雞皮﹐苦瓜﹐雞pat pat﹐小紅辣椒﹐ 鹹魚﹐ 生洋蔥頭,生雞蛋, 雞泡魚,柚皮, 餛飩麵上面D蔥.

唔岩(即係食)
香蕉,矮瓜﹐檸檬﹐椰汁糕, crab.

因為係個posting度已經講過唔食椰絲﹐所以凡係有椰絲既都唔計。

我諗個winner都好明顯啦﹐就係Babytomato啦。 BBT 估中左: 臭豆腐﹐小紅辣椒﹐鹹魚﹐生洋蔥頭,生雞蛋, 雞泡魚,柚皮. 厲害﹐厲害﹐大家請鼓掌支持!!

至於獎品係咩﹐有無人估呀? 呢個世界上得一個人會估到/知道﹐哈哈﹐所以﹐大家都唔使估啦。 BBT﹐我私下同你傾傾點樣領獎啦。

P.S. 其實大家所估中既野﹐我諗唔夠 BL 唔食既野既一半。不過﹐為免嚇親大家﹐都係唔好再講其他我唔識既野啦。哈哈。

posted by 板板子 @ 5:33 PM