Wendy's Blog

有獎遊戲之BL講唔食

呢兩日﹐又俾班friends 話我咩都唔食。哈哈﹐甘今日忽發奇想﹐既然之前寫左篇"BL 講食", 不如就寫返篇"BL 講唔食".

雖然好多人話我唔似甘揀飲擇食(但係有樣睇架咩?), 我亦唔覺得自己俺尖﹐但係無可否認﹐我真係有好多野係唔食既﹐有D 好普通既野﹐我都好有可能係唔食既。其實﹐有D 野﹐我無咩特別既理由唔食﹐但係somehow, 唔食就係唔食﹐好似唔鐘意一個人﹐鐘意一個人﹐有時係無得解既。不過﹐有D 野﹐我係連試都無試過既﹐可能係直覺自己唔會鐘意既﹐甘就無謂試啦﹐因為唔想浪費。

不過﹐我知我既logic 可以好奇怪。我係唔食雞尾包既﹐唔單只係因為有D 椰絲甘。最緊要係﹐我係食波蘿包既﹐係德貞讀小學果時﹐亞爸送我返學﹐就會係一間好似叫大華既茶餐廳買個波蘿包﹐好好味既﹐雖然有時我放係書包﹐壓到個包扁晒﹐但係我都覺得好好食。甘對我黎講﹐波蘿包同雞尾包就好似張國榮同譚詠麟甘﹐係勢不兩立既。甘我食波蘿包﹐當然就唔食雞尾包啦。哈哈。

之前promise 過會再有有獎遊戲。甘不如大家就估下我係有D 咩係唔食架啦。不過﹐有D rules 既:
1) 只講食既﹐飲品唔計。
2) 由宜家開始﹐大家可以留comment, deadline 係8/24, 11:59pm.
3) 為免大家亂估﹐如果估錯﹐就會扣分。岩一個﹐錯一個﹐甘就無分啦。
4) 講既野﹐請specific 一D.
5) 只有一個winner. 甘當然係估岩最多果個贏啦。
6) 請唔好重複已經係comment 度有人講左既野。

其實呢個game, 亦可以睇下大家對我既了解有幾多﹐同我有幾熟甘。

至於獎品係咩﹐宜家唔公布住。不過﹐唔使擔心﹐一定唔會令大家失望!

posted by 板板子 @ 12:05 AM