Wendy's Blog: 最心愛的歌之一...發現

Monday, August 30, 2004

最心愛的歌之一...發現

近期多得三師徒﹐聽多左好多新歌﹐唔同以前bala bala 聽左幾年。

其實流行歌﹐有不少既旋律同歌詞都上成。一路聽﹐一路唱, 宣洩一下﹐好舒服。有時候﹐係歌詞中會令自己思索一D問題﹐明白一D道理。

係BL既私人珍藏之中有張叫"寶麗金真開心精選04." 係Track 9, 有一首令我好驚喜既舊歌...伊健既發現.

從來沒有讓我望見實際是那一面
我追你閃如陷迷陣裡面化身百千
眉目一轉動地震天變沒有伏線讓我心慌意亂
半開半掩猶像隱蔽樂園我想每天層層地發現
逐漸地揭穿讓你的離奇新鮮留待我
隨時發現曾在舉指間呼吸裡思想中轉眼掠過
微妙碎片任角色如何轉變還是看見你天真的臉
奇緣這一生這一處這一刻給我遇見追逐你飄忽的臉
從來沒有讓我望見實際是那一面我追你閃
猶像隱蔽樂園我想每天層層地發現逐漸地揭穿

曾經紅極一時既伊健﹐有好多正歌。超人女友未迷上古巨基﹐Jay 之前﹐係Leon 之後﹐好鐘意伊健。我唔係狂迷伊健 (其實從來無為偶像瘋狂過﹐最多同一首歌聽幾百次), 但係佢既歌同戲都好欣賞。佢係無記拍電視時已經有睇﹐古惑仔系列既戲都應該睇晒。

覺得發現既歌詞好有意思。其實身邊既家人﹐朋友都有好多野﹐留待我地"每天層層地發現逐漸地揭穿."

以前睇人好表面﹐見人日常hehehaha, 講笑﹐講D似乎無聊既野﹐就以為人地好膚淺。放多D 時間去認識對方﹐先知膚淺既係自己。

其實人人都有好多面﹐未熟﹐當然無機會見到對方係唔同情形既表現。識既日子淺﹐好自然唔會將自己內心深處既感受講出黎。

過去幾年﹐同好多自己以為絕對無可能會熟絡既人做左好朋友。諗起﹐都覺得好好笑。竟然同蘇眉講"你唔細架啦﹐正經D 啦"﹐講左差唔多成年。

有人問過我其實鐘意同學生定係做野既人hang out。其實﹐做朋友﹐無年齡既限制﹐同唔同既人﹐有唔同既交流。最緊要大家真係交心﹐最唔鐘意係永遠停留係表面化既友誼。

有人又問我點解最近甘感性﹐係blog 度寫左唔少自己既感受。其實﹐自問一向都係甘﹐係blog, 不過係俾大家從另外一個角度認識下 BL.

希望藉住blog, 大家都發現大家更多。