Wendy's Blog

回到未嫁時

今日甘岩俾兩個小朋友問我幾多歲。哈哈﹐其實任何人問我﹐我都會講既。雖然有人話年齡係女人既秘密﹐但係一來識得有翻甘上下時間﹐心水清既人都應該計得出我幾多歲﹐二來年齡係相對既﹐朋友當中一定有人大過我﹐又有人細過我﹐甘幾多歲又有咩好介意。不過最緊要係無論幾多歲都好﹐最緊要活得有意義囉。如果年齡同成熟程度成正比﹐甘大個D﹐無咩唔好呀。而且神好公平﹐除非英年早逝﹐唔係既話﹐人人會做過teenager﹐人人都會慢慢成熟﹐唔係話宜家細個就俾D大個既人有D咩advantage甘。

當然宜家我係學生團契﹐每年都會有新人﹐佢地一年比一年細。開頭我都怕自己會唔慣﹐但係過左成年啦﹐又無咩問題喎。反而覺得同佢地一齊好好笑﹐好好玩﹐又有機會係佢地成長過程中參與﹐當中自己都學到好多野。當然﹐我有一班做野既friends﹐可以傾﹐可以玩﹐佢地俾我既support係非常重要。so far, 都好感恩有機會繼續留係GF。

唔知大家對年齡呢樣野又點睇呢? 如果有得俾你返番以前﹐十年前﹐五年前甘﹐你又想唔想呢? 甘我就唔想啦﹐雖然有D決定係可以做得好D﹐ 但係成長就係甘架啦﹐錯過先會記得清楚﹐將來唔會再犯。而且宜家生活幾好呀﹐v.2 好過 v.1 好多﹐要我返轉頭從新黎過﹐真係咪攪我。

posted by 板板子 @ 7:07 PM