Wendy's Blog

美麗的誤會?!

因為各人既觀點與角度不同﹐加上每個人對人對事都會有一D 假設﹐人與人相處﹐時時會產生很多誤會。

有一D 誤會﹐無傷大雅﹐甚至乎叫人啼笑皆非。

今日係唐人街買野﹐收錢時﹐店員同我講國語。
以前﹐有人問過我﹐係唔係係Penang 打工。
亦有人以為我超悶﹐唔玩﹐唔睇戲﹐唔聽歌。
大家曾經以為﹐我咩都食﹐咩都飲。
甚至乎有人以為我係技安亞媽!!!!! (講真﹐果個人真係視力同判斷力都好有問題!!!)

但係有D 誤會﹐唔係好似以上既得啖笑甘簡單。

父母﹐尤其中國人﹐縱然很愛子女﹐但係唔識得表達﹐多打罵少稱讚﹐子女唔明白﹐多以為父母唔錫自己﹐令到親子關係疏離。

女仔﹐明明對個男仔無意思﹐但係對方約會又次次答應﹐令人誤會自己有機會﹐點知最終都係落空。

男仔﹐明明對個女仔有意思﹐但係又唔同對方講清楚﹐若即若離﹐令人無所適從﹐本來女仔都想有所發展﹐但忍受不了不清不楚的關係﹐最終放棄。

女仔﹐明明對個男仔有意思﹐但唔識表達﹐經常給對方mixed signals, 男仔等對方暗示﹐但係解唔到碼﹐一路拖拖拉拉﹐浪費時間。

羅密歐與朱麗葉﹐一場誤會﹐以至雙雙自殺殉情。

打911, 接線生聽錯地址﹐救護車遲到五分鐘﹐傷者本來有得救﹐但因誤時而終身殘廢。

例子還有好多好多。

當然﹐生活中很多誤會﹐唔係生死猶關。但係有時因為一時意氣﹐又或者無從對方既出發點去考慮﹐小事化大﹐造成不可彌保既傷害﹐又似乎相當唔值得。

我覺得所有誤會﹐都唔會係美麗﹐就算以為我重係大學生都唔係。(以為我係技安亞媽就一定唔係!!!!!!)

因為誤會歪曲左事實﹐係好多情況下﹐亦破壞左人同人之間既相處。未必係令關係差左﹐但係本來可以好D 既關係未能進一步亦相當可惜。

誤會好難避免﹐但係一定要學點樣解開誤會。我諗最緊要係開心見誠啦﹐例如﹐唔鐘意既就唔好勉強同人地出街囉。

posted by 板板子 @ 5:21 PM