Wendy's Blog: 04 好玩之好友聚舊

Monday, October 25, 2004

04 好玩之好友聚舊

係過去48小時之內只訓左唔夠8個鐘﹐今日又朝9晚10既情況之下﹐其實真係好累﹐連係學校食亞媽親手整既好味水餃既時候﹐佢都話我做咩甘累。不過﹐尋日既節目真係好正﹐就算無讀者有興趣睇﹐我自己都要寫低留念。

星期日﹐同Angie再次日遊法拉盛﹐同好友J 餞行。同親好友J一齊﹐都有好多笑料﹐今次都唔例外。去錯 worship, 見到新娘子都唔識﹐哈哈﹐真係攪笑。去完church, 去飲茶﹐間野唔錯﹐我就好欣賞佢既酥皮蛋撻﹐馬拉卷同奶黃包。其實飲茶都係為左方便傾偈﹐果然一傾就3個鐘! 講下D 係Philly 既舊事﹐又講下大家呢幾年既生活﹐分享大大小小值得感恩既事﹐好友將來係上海既計劃﹐我地去探佢既計劃﹐真係快樂不知時日過。雖然大家呢幾年都有遇到不同既挑戰﹐無論係個人﹐家庭﹐工作﹐教會等等﹐不過好開心各人都繼續係主裡面成長。其實呢D都唔係必然既﹐所以都真係要感謝神。除左聚舊之外﹐今次重識左D新野添呀。大家知唔知原來生力啤係菲律賓公司黎架﹐又知唔知咩係啞巴媳婦呢? credit 就梗係要俾返J 啦。哈哈。

食完飯﹐我地去左香港超市﹐發現有我既至愛Quadratini wafer cookies﹐重係D Trader Joe's 都無既flavor 添呀﹐重平D。我都入左少少貨看門口。

今次同J 一別﹐真係唔知到那天可再相見。不過相信神一定會保守J&K一家﹐在此祝你地一路順風﹐早日適應新生活﹐為你地找教會禱告呀。