Wendy's Blog: 女人老細之忘記blackberry 的女人

Tuesday, March 14, 2006

女人老細之忘記blackberry 的女人

快下班了﹐經過上司辦公室門口﹐她人剛走卻中門大開﹐不出所料﹐她又第N次留下blackberry 了。之前多次after hour ﹐在我差不多要走的時候打電話回來要我四處張羅鑰匙﹐於是今天先發制人﹐幫她鎖好blackberry, 再於她手機留言報告。回到車站﹐她回電言謝﹐說﹐what am I gonna do without you? 都算你有良心啦。

*******************************************************************
初出茅盧﹐師姊兼同房就再三警告﹐如果老闆是女人﹐一定不會有好日子過。師姊曾身受其害﹐女上司情緒化﹐小心眼﹐記仇﹐等等。她的忠告﹐一直莫失莫忘。但不知何解﹐工作到現在﹐上司都是女的。現在的頂頭上司是女﹐部門大老細是女﹐合拼後的新大老細也是女的﹐將來有可能做頂頭的也是個女的。

個人經驗, 同女上司做事其實不錯。好像現在的老闆﹐雖然最近常常忘記blackberry, 有時又會勁長氣。好似上次自由行走開兩個幾禮拜﹐就被她說了說了好久(當然放假她不能阻止﹐但大概老細們都不喜歡下屬離開太久)。好多時開會﹐都要等她攪掂其他野﹐白坐時間都不短。但在這兩年多在她身上真係學到很多。她跟我媽年紀差不多﹐工作經驗豐富﹐又肯教人同俾機會人﹐好多project 都係她邊做邊教。雖然工作忙﹐但係佢都係d有work life balance 既人﹐通常五點鐘左右就會放工﹐當然對於我地呢班下屬來講真係一件好事。不過最令我感激既係佢在亞爸病中非常體諒﹐好多時我要遲到早退都唔怕唔好意思﹐因為老細話work will always be there, but family might not be. 另一方面﹐大家做事合拍﹐她又好睇我﹐都係我鐘意幫佢做野既原因﹐甘當然我都交足貨俾佢啦。今次review, 大家都好滿意﹐最緊要老細俾左d點處理麻生呢類人既意見我﹐知道大家對麻生既生既看法一致﹐覺得鬆一口氣。同埋佢又有俾其他關於工作上改善既提議﹐我一定會從善如流。

已知將來不會再跟忘記blackberry 的老細﹐雖然有點可惜﹐但世界真細小, 會再一齊做野既機會仍然有。不過最緊要係建立左好既聲譽﹐大家關係良好﹐將來要轉工﹐都會有個好既reference 呀。

********************************************************************
下期預告...用Hello Kitty Planner 的女人。