Wendy's Blog

旅行

雖然今朝起身好有被人打左一身既感覺﹐但係尋日既合團大旅行真係好好玩呀。坦白講﹐旅行係夏天既指定動作(唔知點解當人人去shore 既時候﹐我地總係反其道而行)﹐去左甘多次旅行﹐都無咩新野可以玩架啦﹐起初好怕會悶﹐尤其當之前做野做到心灰意冷既時候﹐真係好想整好D cookies, 托人帶去就算﹐不過好彩做好左D野﹐於是就可以輕輕鬆鬆甘去﹐開開心心甘玩番日。今次覺得有以下既highlight:

- 二千幾公頃既state park (不過個廣告明明話係三千幾既? 呃人既!)
- 騎呢起音唱慈愛主信實無變。
- 做動作估野game, 其實好似你話﹐玩game 最緊要大家投入啦﹐雖然呢個遊戲玩過N 次﹐但係group 。game 之中都真係好好玩既。
- 去行車路(trail), 雖然民眾中途發怨言﹐以致入唔到迦南﹐要係曠野漂流四十年。不個十二探子都有去尋幽探秘。雖然淨係見到有片片花瓣(但係俾我地以為係肥皂泡)同埋死老鼠係條河度﹐但係個人覺得無理由去郊外又係玩UNO同killer 架麻。去行下就算係累D都算係做左D outdoor 野呀.
- 雖然被人睇少問我識唔識打羽毛球﹐不個好耐無打再打真係正呀。發現大家都好好波﹐有人拎住支水打﹐有人單手插袋打﹐有人著拖鞋打。但係總括而言都係D東南亞國家既人勁D。
- 鳴謝盧氏贊助既飛碟。第一次見人一次玩四隻﹐嘩﹐原來一眾男生非常厲害。飛撲﹐跳高﹐玩花式﹐血滴子一出﹐一眾女生不禁在場外嘩聲四起。不過玩飛碟點可以用腳架? 同埋唔該專重下大會唔好一路講電話﹐一路玩啦﹐好危險架!
- 雨中浪漫盪韆鞦(雖然發現飯後立即盪來盪去係會暈既)﹐都同某些團友傾到D偈
- 好食既雞翼﹐炒粉麵﹐椰汁甜品﹐同冰凍出汗既可樂

最緊要多謝各位攪手既安排﹐同感謝神﹐無reserve 都有個有瓦遮頭既地方picnic, 雖然大雨大家都平安返到屋企呀!

posted by 板板子 @ 2:06 PM