Wendy's Blog

我最喜愛的薯片

本來自己都唔覺﹐但係果日你話聽我時時去買薯片食﹐先發現原來差不多每個月都會有一兩次落公司下面間鋪頭買薯片食。其實唔算好多掛? 但係既然你甘講﹐我當然會聽話食少D既。食薯片﹐同食cereal 都係一樣﹐如果有得揀﹐一定係好專一甘只此一家食LAY'S Kettle Cooked Mesquite BBQ Potato Chips。呢隻薯片(係鬼佬薯片當中)真係好好味架﹐係技安首先發現既。我係一個唔會試新食物既人﹐好似我至愛既Honey Bunches of Oats 都係亞技安買返黎我先會發現。但係一食即合﹐我諗只要Post keep 住生產呢種cereal, 我會食佢直至海枯石爛。講返隻薯片﹐我地發現左之後驚為天人﹐自此非君不吃。曾經一度﹐係超市眾裡尋他﹐都見唔到我最喜愛既薯片。傷心欲絕之餘﹐真係好想寫信去Lay's 請求佢繼續生產﹐幸好無幾耐終於係燈火闌珊處見返佢。實在太好啦。我食得薯片就抵得佢唔健康﹐但係果日睇個包裝發現都有D 營養架﹐好多維他命﹐礦物質甘﹐不過唔知點解係website 個label 少好多營養既? 不過唔緊要啦﹐可能好似你話﹐未update 遮﹐同埋我都會從善如流食少D架啦。

posted by 板板子 @ 5:55 PM