Wendy's Blog: 卡加利BL差D 相睇事件

Saturday, September 02, 2006

卡加利BL差D 相睇事件

雖然我一坐低就俾Amy 勁踩我皮膚差﹐但係講唔夠兩句佢知我未有買家﹐佢就係甘話要介紹個人我識。石油王子﹐好仔﹐個樣俾80分甘話喎。嘩﹐從來無試過俾人set up, 一聽就嚇一嚇﹐立刻話我係美國架﹐過幾日就走﹐但係佢都再落左一輪嘴頭。好彩佢化裝手腳快﹐佢又要趕下場。於是我以為呢單野會不了了之。第二日﹐因為決定左遲一日走﹐有時間做facial, 於是就call call Amy. 點知我一call, 佢就會錯意﹐以為我改變主意想識石油王子﹐好艱難先說服到佢我只係想做facial. 之後同YY 同周到表妹夫出街。點知Amy 又call 表妹﹐係甘叫佢叫我今晚出去見下亞Daniel. 周到表妹夫講笑問我驚唔驚去到Amy 度會有個男人拎住花等你。甘其實我又唔驚﹐有佢地一齊﹐最多咪調頭走唔做facial 囉。

去到﹐無人﹐好彩。但係唔知Amy 係咪有佣收﹐一入去就讚我個頭吹得靚(但係查實果朝我先整到表弟個風筒燒左﹐根本就無吹頭)﹐然後係甘講識下人唔怕既﹐我唔會呃你。佢好好仔﹐又時時週遊列國﹐不過怕醜。我係甘耍手擰頭﹐話要同屋企人食飯﹐講埋我係基督徒﹐唔會同未信既人交往﹐Amy 都唔死心﹐叫我感化Daniel, 又話基督徒都唔係個個好人。嘩﹐甘都塞唔住你把口。最後唯有唔答﹐佢無講一陣﹐後尾又再講。我唯有話甘email 啦﹐最後佢見我甘堅決﹐就俾左石油王子既電話我﹐叫我call call 佢。不過我梗係無call 佢啦。

講真﹐好似你話我都唔係D會隨便識人既人﹐連係飛機坐隔離既女人我都未必會同人搭訕。叫我同個陌生男人食飯﹐唔係呀﹐點得呀。雖然無亞A子有甘多心儀佢既買家﹐但係in case 有﹐我都會俾第一優先D係花旗既有心人﹐起碼慳返D shipping and handling 呀﹐唔通真係為左個靚裝嫁過加拿大咩。甘當然最緊要係SYSS 架啦麻﹐有無電話我都唔會去架啦﹐有我就更加唔會做埋D甘既野。但係今次攪單甘既野又真係幾好笑。