Wendy's Blog

Skin So Soft

越來越發現要皮膚幼滑﹐真的沒有shortcut﹐要身體健康﹐要多D飲水﹐要心情愉快﹐要睡眠充足。其實近日完全訓唔到﹐每晚得四小時睡眠﹐攪到大佬大嫂好驚我紅顏薄命。但係其他既都唔錯﹐心情雖然有起有跌﹐但係可以表達到感情﹐喊都係好事。不過因為某D心結解開左﹐所以基本上我係好開心既。

不過表面功夫都真係要做足架! 以前貪懶﹐補濕功夫做唔夠。現在好勤力﹐落重本﹐每次洗完手一定用hand cream﹐早晚一定用body cream, 發現其實唔需要用好貴既﹐好似我宜家夜晚用J&J 既baby 產品就已經好好啦。當然我都鐘意用D 其他牌子既﹐好似 Crabtree & Evelyn 既Summer Hill Collection 就係我既favorite。其實用有少少香氣既lotion 唔錯﹐令人有精新一振既感覺。

勤力左﹐最大既收獲就係皮膚幼滑囉﹐唔係我自己講架! 不過你讚我呢樣我唔會妄自菲薄既﹐因為真係有努力架。同埋平時keep 得好﹐間中無機會用cream 都唔會一下子就好乾。大佬時時話亞邊個俾對手出賣佢既年齡﹐幼承庭訓﹐所以我一定會努力, skin so soft, 人都開心D, 靚女姊姊梗係要裡裡外外都係A先得架啦!

posted by 板板子 @ 3:53 AM