Wendy's Blog

十月....one down

好野﹐今日開始應該唔會再俾人日日睇住我係咪預備緊SS啦﹐終於可以盡情作文啦。

**********************************************************************
係呀﹐成個禮拜無update 啦。甘其實無update 既原因又好多既﹐因為一向都不按理出牌架麻﹐之前試過玩到2﹐3 點唔訓都作文。不過今次又真係為預備SS既﹐要教研經三步曲之一既觀察。多謝魚牧俾課容易D handle 既我。不過雖然上過強﹐又睇過唔同既書參考﹐但係都要用好多時間﹐對於我呢D新仔﹐預備一強﹐真係閒閒地都要十幾二十個鐘。睇資料﹐消化整理﹐預備講義﹐powerpoint, dry run 一次﹐真係少D時間都唔得。今次其實都要尋晚先finalize 好D野﹐重要魚牧幫我執個powerpoint (其實我唔係好識用既﹐希望今次同魚牧偷到師﹐不過佢D powerpoint 係全世界最靚架啦﹐我學到一成到好啦。真心說話﹐唔係擦鞋架)。感恩今朝教都OK, 唔太緊張﹐但係開頭去得快左D。希望大家都學到D新野﹐無浪費到大家既時間啦。

甘實習老師有咩立志呢? 希望下次早D預備好啦。同埋下次要記得帶喉糖! 係度要多謝BBT﹐無左你既糖﹐我諗我之後唱唔到詩架啦。同埋要多謝課後大家既鼓勵﹐一齊努力啦!

十月既忙, one down. SS 就要十一月先再教﹐不過要連教兩強﹐真係唔早D預備都唔得啦。

*********************************************************************
我好想知﹐又俾魚牧擺上(講)台﹐係咪應該有得收返錢架呢?

posted by 板板子 @ 4:23 PM