精打細算
因為嫁唔出要錢﹐嫁得出更加要錢﹐人越大﹐越來越發現要精打細算。
之前聽過如果用tube 的lotion, cream, etc. 用到最後擠不出的時候先別把tube 丟掉﹐可以將tube 剪開﹐裡面應該還有不少的lotion, cream 剩下﹐還可以用多幾次。最近終於試下﹐發現真的還有好多剩餘的。這些裝身的東西都不便宜呀﹐用多一次係一次呀。
十幾支唇彩﹐用完先買啦。唔好行化裝counter, 反正家中各種化裝用品﹐日常返工﹐去飲﹐都夠用啦。
不過年尾某些店鋪如Crabtree and Evelyn, Blue Mercury 的sales﹐ 就一定要光顧。年尾的discount 好厲害﹐平20%, 買一年的supplies, 差好遠呀。
因為不買西報的關係(要省錢麻﹐還有最怕報紙的油墨﹐已經無看真正的報紙好久了)﹐所以去超市都不會用mfr coupon, 當然超市自家的就會用。買菜﹐當然sales 先買﹐一來便宜一點﹐二來一般而言on sales 的都是in season, 產品自然靚D﹐又因多人買﹐貨去得快﹐不怕唔新鮮。
如果是寄來的免費刊物﹐倒會看看有沒有coupon, 一來看的是候當如unwind 一下﹐二來有一些local 的食店有不錯的coupon, buy one get one free 之類的﹐最近我們用了好幾次。雖然付款的不是我﹐但小女人的我﹐見剪下來的coupon 可以省到錢﹐總是覺得好有成功感。
除了這些少數目﹐當然還有現在歐羅高企﹐不去歐洲。電腦還可以用﹐就不買新的(雖然我好幾次差不多買了)。不買照相機及其他電玩等等。希望可以抵得住誘惑啦。
突破
早前開始到一個近一點的車站搭車。最主要是為了省時間﹐因為早上我總是要賴床以至時間非常趕﹐不過因路程短了﹐所以連帶慳了油費﹐加上此站不用付錢泊車﹐每天省了$1。車站相當安全的﹐近日晚了下班都覺得ok。
轉車站是近期的重要決定﹐雖然只是很小事而已﹐但終於突破了一個長年的習慣﹐又帶來一些實制好處﹐令我高興了好久好久。
團圓
中秋節呢﹐人月兩團圓。
因為要接機﹐所以開van 入city, 都有少少驚﹐幸好沒有甚麼traffic﹐還讓我看見一定是仍然jetleg 而一早返工﹐電了髮的姊妹Z的背影...
因為要泊車﹐走了平常少會走的路﹐發現每日在conference room 望著的condo building 原來有個很大的parking structure。
昨日返工比較辛苦﹐今天好些﹐可能有些期待﹐加上老闆calm down 了一點﹐我又覺得輕鬆了些。不過呢﹐做工做了這些日子﹐老闆的面色與心情我都好少理。
想不到忌廉頭的班機早到半小時! 於是四點半同老闆講差不多要走。他大大聲說了句WHAT. 我呢﹐一樣平心氣和答他﹐我一早跟你講過啦。後話就是由我離開公司到現在﹐都無人email 我呢! 他的大反應﹐真的可以不理。
因為上次老細半小時來回機場的壯舉﹐我一早在google 找了去機場的directions. 讓我發現原來從公司去可以走76E。少少traffic, 好快就到。等了一會﹐讓我有機會刨下book club 本書﹐行李就出來了﹐於是就回去terminal 啦。搭了整天機﹐大家都一面倦容﹐真係要好好休息下。
接過我最喜歡的人﹐回到家收到我最喜歡的手信﹐當然就是明信片啦﹐謝謝。
以往中秋節我們這一家總會吃飯團圓﹐但現在家中一片混亂﹐正處於企係廚房食飯的階段﹐當然沒有甚麼過節的意味。簡簡單單一碟西蘭花炒雞就算﹐不過呢﹐一如以往﹐每逢過年過節﹐我的好伯娘一定會煮幾味菜給我們。今晚也不例外﹐有買的雞﹐自制的鴨。本來三人一菜變成一人一菜﹐謝謝! 今年的中秋﹐相當圓滿呢。
The Holiday
為左Jude Law 攪到加州時間先訓。chick flick, 係有點兒誇張既﹐不過都可以啦。當然有insanely good-looking 既Jude Law 係對我最大既賣點(唔係我講既﹐係對白黎)﹐不過Jack Black, Kate Winslet 都好﹐重有個老人家。不過Cameron Diaz 我就覺得老左同好多wrinkles. 呢D係屋企睇岩架啦﹐如果買飛我覺得唔抵囉。
晚飯直落
禮拜五都勁忙﹐成日開D無謂會﹐老細開開下會又要我整graph, 辛苦死。五點幾都有人打黎問budget 既野﹐唔係呀麻﹐禮拜五呀。我講完都同個靚仔講你應該返屋企啦。本來一心今晚留夜少少既我﹐在無晒氣力既情況之下決定唔理﹐禮拜一先算﹐五點半就執野走。累到死﹐今晚唔想煮啦﹐所以決定出街食。不過返屋企前﹐我好聽話甘兜去長橋道望下﹐點知走既時候蕩失路添﹐要再兜返union mill 先識走。忙得滯都無print prestudy D 野﹐甘之後去埋百萬圖書館print 野添。
因為今晚要去買野﹐於是去mall 附近既Applebee's食飯, 要等二十分鐘。ok, 等啦。都算準時﹐真係二十分鐘有位。坐低叫個雞﹐幫亞媽叫個 steak, 都算快﹐真係steak 好味D。係Applebee's 又令我諗起第一次去就係同大佬慶祝生日﹐重記得大佬著件粉紅shirt 衫添。今次個steak 好過果次好多呀﹐不過就俾亞媽投訴話未上菜前無麵包食既。我同亞媽都奉旨食唔晒﹐留返聽日﹐而技安就叫個combo 食到乾乾淨淨﹐不過都岩既﹐佢一個等於我地兩個。食完去Macy's 啦﹐好耐無去過mall 既我竟然都會撞到拿頭既﹐不過就同鄭生緣閒一面。臨走重見到蜜之源位麵包店員﹐佢重著主住螢光綠件制服﹐而且佢以前係麵包城做既﹐甘我認得囉﹐普通女人一個忌廉頭就一D印象都無﹐唔緊要﹐我下次指俾你睇啦。
返到黎見無咩做﹐於是趁個digital cable box 重係房﹐就check 下Starz on demand 有咩做啦﹐果然好過HBO﹐俾我見到之前都好想睇既The Holiday! 發達啦﹐有Jude Law!!!! 準時自定十點九開場...
又放假之二
因為要送忌廉頭一家去機場﹐於是一早預定了今天放假。因為知道放假﹐所以又密密麻麻安排做好多野。
送機當然係首要啦﹐為左大家坐得舒服D﹐於是開minivan, 開頭有D驚唔慣(無試過開甘遠)﹐但係都幾好呀﹐過橋小小塞車﹐不過預鬆左﹐都好早就到。想唔到我未返到屋企﹐你地都入左閘。宜家你地重搭緊機﹐希望今晚可以好好休息啦﹐玩得開心D﹐食多D好野。但係呢﹐要下星期先見到面添﹐慘慘呀﹐好似從來都無試過甘耐唔見呀﹐掛住呀...不過﹐最緊要你地玩得開心﹐近排都好忙呢﹐時間應該會過得快D。
返屋企之前順路去買野﹐買菜﹐乾洗。乾洗店員問我今日唔使返學呀﹐等我開心左一陣﹐後尾先發現佢以為我係教書既(我個樣似咩?) 。Anyway, 之後本想去探好姊妹同BB﹐點知結果都係被禁足﹐要油牆。好啦﹐油啦﹐sand 下﹐油下﹐又洗衫﹐又煮飯。體力勞動﹐重累過返工。
最後當然少不了我放假必做既﹐就係同亞媽去dentist appt。幸好暫時處理晒D大問題﹐相信短期內不用再光顧牙醫啦。
照相機之死
2007 勞工節星期天﹐下午﹐在Penn campus Smartcar test drive 的時候﹐發現陪伴我三年多的
STO終於離我而去。
想拍照的時候奇怪為甚麼畫面那麼黑﹐起先以為是自己架著墨鏡的緣故﹐馬上除下再看﹐怎知都是一樣。於是給忌廉頭看看﹐看回之前電腦婚禮拍的照片無事﹐知道不是display的問題﹐又開又關都無用。失落﹐一來不能拍Smartcar 的照片﹐二來從未想到STO會死呀。
回想這裡的照片都是用STO拍的﹐它陪我走遍美加﹐歐亞﹐留下無數生日與婚宴的開心片段﹐記錄了幸福的滋味在廚房。一下子就去了﹐真的難以接受。當然﹐想深一層﹐萬物有定時﹐幾年來影了過萬張相與movie, STO 都已經好盡忠﹐我亦一早歸了本啦。
暫時不會買照相機了﹐一來無時間研究買那一部﹐二來也不想花費。反正身邊的人都有照相機﹐我就花點點時間為STO守節吧。
Enoch Retreat
07 年的團契退修會終於圓滿結束了。今次攪Retreat 可以說是多年來最frustrating 的一次﹐因為人數不足﹐以致同忌廉頭為經費擔心了好一陣子。但感恩最終deficit 應該ok (還是不足﹐但多謝大家的奉獻應該差不太遠), 除此以外值得一題的有...
信息...講門訓﹐是團契教會的重點﹐沒有甚麼花巧﹐從前都聽過的﹐但學到不少實際的做法。今次沒有以往去retreat, revival meeting 的spiritual high, 反而覺得好好﹐因為不會有那從高處墮下的感覺﹐亦即是說學到的應可以實行得到了。
營地...原先有人擔心營地不佳﹐其實以往去過幾次Refreshing Mountain Camp 都知無問題。今次住的Bunk 1 & 2 好好﹐乾淨﹐分開三間房﹐有三個shower﹐熱水足。食物都好好呀﹐尢其係早餐。設施方面﹐我們有人游水﹐打basketball, 用gameroom, 玩climbing tower, 又有camp fire, 都算物盡其用。
Workplace workshop...傾下工作的問題﹐如何本著聖經的教訓去面對﹐謝謝忌廉頭同葱頭花了很多時間預備﹐聽下大家的意見都幾有趣。
Fellowship time..個人最感恩係見到大家有好好的時間分享﹐一齊生活﹐一齊玩﹐一齊笑。玩German Bridge, 玩UNO, 傾計﹐講笑﹐睇住忌廉頭同一眾弟兄極速攀石﹐認真厲害。campfire 大家一齊燒棉花糖(謝謝BBT)﹐一齊分享同禱告都好enjoy。我想從有不少人星期日午餐之後留低繼續玩就可以知道大家幾甘享受一齊fellowship 既時間。
Retreat 如N52一樣再次同忌廉頭同葱頭合作﹐謝謝你們的帶領。今次學到最大的功課是要對神有信心﹐要擺上禱告。
因為
照相機之死的緣故﹐所以要看相片請移玉步到
忌廉頭處吧。
玩狗狗
因為屋企整緊大門既磚既關係所以要走後門﹐於是就俾我見到隔離屋兩個細路係度放狗。個妹妹唔知係咪見我無端端走去後面﹐諗住我一定係想同佢隻狗玩﹐於是離遠就係甘問我do you want to pet the dog? do you want to pet the dog? 之前隻狗狗好多時係大門見到車都會係甘吠﹐又記得技安上次係加拿大俾舅父隻狗咬﹐所以都有D驚。不過見個妹妹好開心甘我都走埋去啦﹐點知隻狗狗好乖﹐摸佢唔單子無吠﹐重黏下我添。妹妹話狗狗三歲﹐叫booster﹐ 原來妹妹重有隻貓貓添。
後遺症
忙﹐最大既問題係ram 開始唔用﹐好多野唔記得左做﹐無時間做。唔記得check 有無peanut butter, 唔記得俾電腦袋忌廉頭﹐唔記得call A子﹐未幫亞媽make appointment, 未sign up 個class, 真係唔好意思啦。
今天730 就放工﹐竟然有賺左既感覺。好彩新人都幾幫到手﹐真係好多野做﹐無左佢都唔知點算。今日老細係甘問我做咩重唔走﹐我咪話又唔係有OT﹐ 又唔係博face time, 無野做我一早走啦。不過除左多野做﹐暫時都算順利﹐只係要擺時間落去。如果真係請返兩個人﹐甘我諗都應該會好好多既。所以加我人工真係好應該﹐一個人做幾個人既野。
早左返工發現早既車重多人搭﹐即係平時我算返得晏﹐我諗都係要開始返早D啦。
暑假過後
見A子寫等我又寫兩句先。
暑假過後﹐第一日就天黑先下班。
決定以後二三四先夜走﹐盡可能搭8:05 的班車。
要帶點有益的零食回公司﹐預備短期抗戰。
新人都似乎幾好﹐會有好多東西要給她做。老細好似好irritated, 不過算啦﹐唔可以被他的面色影響心情。
Mitsuwa
有少少無心機﹐不過睇完D相又開心番﹐其實呢個假期都過得好開心﹐快D寫下先得。
因為忌廉頭想食正宗又好味既拉麵﹐於是一早講好禮拜六去Mitsuwa。無咩agenda, 所以施施然十一點幾先出發﹐幾好﹐避左D去海灘既traffic。 一來禮拜六﹐二來long weekend, Mitsuwa 人山人海﹐不過我地又好好甘泊到個好近既位﹐跟住分頭去買野食。我買飯﹐忌廉頭買麵。個定食好抵﹐又蝦﹐又豬﹐又湯﹐有薯蓉﹐可惜唔記得影相。麵都係好好既﹐不過間鋪實在太好生意啦﹐好似成半個鐘先有得食﹐係等既時候重撞到姊妹E添。不過等唔緊要﹐最緊要好味。食完又係超市行一轉﹐又去書店行﹐又去睇D得意野。行完室內行室外﹐當日天氣極好﹐微風﹐有少少雲﹐係河邊行行重行行﹐去埋隔離既driving range﹐去埋Staples, 去埋Target, 行完口渴﹐就返去飲水。真係好鐘意Mitsuwa D 食店全部有水有杯﹐好方便。之後又梗係要食番D綠茶雪糕﹐今次有新野roasted green tea flavor, 好味。之後返超市買D 零食﹐見識下D好貴既和牛。再去買D Obanyaki 孝敬媽媽們﹐點知到呢個時候﹐就輪到買紅豆包要等﹐無計﹐於是又返去書店﹐忌廉頭買到張好得意既結婚卡俾亞肥s, 之後D紅豆包都得啦﹐於是就走啦。
今次發現Mitsuwa 特別多忌廉頭鐘意既野﹐就係細路仔同埋狗仔。唔知點解週圍都係D BB仔既﹐而D日本細路又特別可愛既﹐於是我地就係甘望D 細路仔﹐跟住又見到D得意既狗狗。除左食野﹐我地就係度BB watch 同doggy watch。最得意係係Staples 有個韓國小朋友見到隻白狗仔﹐本來沒精打彩既小朋友即刻好開心﹐係甘想摸隻白狗仔﹐跟住我地又跟住帶白狗仔既婆婆一陣﹐唔知有無俾佢發現呢?
回程既時候﹐終於達成左我多年來既心願﹐就係係West New York 望返去Manhattan 既park 影相啦﹐謝謝你﹐忌廉頭。自從我識得去還是Yaohan 既Mitsuwa 既時候(已經好耐好耐lu), 我就好想落車係果度影相﹐之後去過無數次﹐不過無諗過姊妹們會有興趣甘做﹐所以都無提出過。今次好啦﹐終於達成心願﹐而且有忌廉頭係度﹐D相當然影得好啦。
返到屋企就去Five Guys 食野﹐然後睇Shooter, 影評忌廉頭寫左﹐大佬大嫂﹐有中文版﹐唔使強烈要求啦。
Blog/Diary
Blog/Diary 
