Wendy's Blog

四張機之二 戀愛世紀

想同大家講一個二十一世紀﹐數碼時代既愛情故事...
無拍拖有好幾年了﹐B 對愛情唔係無憧憬﹐亦唔係無心儀既對象﹐好幾次差一點點就會蜜運成功﹐但係見到身邊既朋友為左另一半所付上的金錢﹐時間﹐同心機﹐B 就會膽怯, 曾經滄海﹐都好難怪B 唔想再為愛情付上沉重的代價。
不 過每次係一些特別的場合﹐好似婚禮﹐有friend畢業﹐或者同朋友外遊﹐見到人家一雙一對﹐留下一張張美麗溫馨的回憶﹐B 都會很羡慕。其實期間B 都有拍下散拖﹐多數都係搵返欲斷難斷既N出黎﹐一齊去D functions 甘。但係B 漸漸發覺同N 一齊﹐雖然大家好熟﹐唔需要再彼此認識﹐但係每次既消費都唔少﹐可能係因為N 比較傳統吧。直至到去年初夏﹐有朋友結婚﹐B 真係想正正經經甘搵返個男友。在這個互聯網既時代﹐B 好相信係網上先可以搵真愛﹐在朋友婚禮之前﹐B 多次到各大網址尋找對象﹐但係B 既愛情恐懼症實在太嚴重﹐最後又係臨陣退縮﹐無膽闖情關。
各方好友知道B既心情﹐都好落力甘幫佢介紹合適既對象。 尤其係朋友A﹐B ﹐同D﹐佢地係已經上岸既情場老手, 對搵對象好有經驗。當時朋友B 同B 介紹過CGT, 朋友D 又曾經同B 提過STO, 但係一時間認識甘多人﹐B 都有D花多眼亂。當時甘岩朋友I 剛剛開始拍拖, 佢向B 大力推薦佢男友既兄弟CAE。B 見過CAE﹐都有D心動。為左自己既終身幸福著想﹐B 花左好多時間同CAE彼此了解﹐又問過好多朋友既意見。但係唔知點解﹐B 都係決定唔到, 雖然CAE很好﹐不過可能就係少左D兩個人既煙火.
係 B 仲考慮緊既時候, 有一日同朋友Z 傾電話, Z 講到話搵對象﹐點解唔搵個自己最鐘意﹐最好既。俾Z 一言驚醒, B 好慎重甘考慮, 終於發現原來自己一直心儀既係STO。但係STO既條件實在好﹐外形瀟灑﹐又有內涵﹐B 很怕旁人虎視耽耽, 會將STO 搶走﹐而且大家來自不同既文化背境﹐B 怕自己唔識得同STO相處。不過為左愛既緣故﹐B 決定冒一次險﹐不計代價﹐與STO發展。
經過幾個月 ﹐B 發現原來呢個選擇好岩。同STO一齊之後﹐B 既生活變得多姿多彩。 因為STO實在優秀﹐每次B 同佢一齊都會惹來不少艷視既目光。每個weekend B 同STO都會同一班朋友一齊去玩﹐最令B 開心既係STO 同B 既好友C 同D 好合得黎﹐好多時都會四個人去玩﹐留下不少快樂既回憶。B 特別感激好友D﹐因為係好友D 既介紹﹐B 先會同STO一齊﹐而當B 唔明白STO點諗既時候﹐好友D 都會不厭其煩甘拔刀相助﹐依家B 同STO甘幸福﹐好友D 居功至偉。
各位讀者﹐愛情係要付出架﹐如果遇到你心儀既對像﹐唔好膽怯啦。因為幸福可能就係你眼前.[+/-] result

「葉子的離開，是因為風的追求，還是樹的不挽留。」

posted by 板板子 @ 8:17 PM