技安見工
技安星期二1130見工﹐所以呢幾日幫佢練習。
多謝鄭生介紹(重send 埋D sample questions 黎)﹐先前phone in, 宜家有得去見。找工作都有一段好長既時間﹐最近有多D聲氣﹐希望今次會有機會﹐不過都明白唔係有得見就一定請。我個人最希望係佢見多幾份﹐有D面試經驗﹐終有一日會有找到工作。
請大家為技安祈禱啦﹐同埋為我亞媽祈禱﹐因為佢非常擔心。
Labels: 家人
覆: 乏善足陳的生活
嘩﹐好耐無試過甘多留言(雖然係大佬一手做成)﹐講我既日常生活大家甘多反應既。
幫大佬解釋一下先﹐個concert 係Tchaikovsky既音樂之後有煙花既。其實我從來都無話識D古典音樂﹐不過就係唔識先要聽﹐同埋聽完我覺得好舒服。
drive in, 係一間室外露天戲院﹐可以開架車入去既﹐有個大銀幕﹐可以坐係地下一路食野一路睇﹐通常一張飛睇兩套戲。以前美國好多﹐宜家好少啦﹐最近要Allentown 先有。
當然想去就去﹐要去就去我都知既。可能呢D野未做﹐就係反映我未到非做不可既地步。人大左﹐知道有好多野唔係想就可以﹐有好多limitations。 個人既﹐ 如時間﹐金錢﹐客觀既﹐如有無同伴一齊﹐地點安全﹐等等﹐都要考慮既。如果樣樣野都instant gratification, 甘生活就可能無咩值得期待。無D比較平凡﹐單單返工放工既日子﹐就唔會覺得放假休息甘開心。
同埋我係呢度問下啦﹐有無人有興趣去drive in 架? 我覺得呢D好似要一大班人去先好玩。
至於以色列呢﹐點解亞鄭生唔想去架呢? 我覺得如果一生人有機會去一次聖地係好好﹐以前見過D朋友去過既相﹐好希望自己都有機會去。不過呢樣係一個一生人一次既夢想﹐未必甘快實現到既﹐如果係未來5年內同忌廉頭去到﹐我都覺得好開心架啦。
大佬好鬼鐘意話我空虛寂寞﹐都唔知係邊度睇出黎既。我有好多開心野無寫架嗎﹐我地係街見到松仔都無寫啦。
Labels: 生活
乏善足陳的生活
生活乏善足陳﹐於是我來來去去都係講做工。
做工真係佔我好多好多時間﹐慢慢覺得無life.
有一些concert 想去﹐但怕夜返太累﹐忌廉頭又無甚興趣﹐所以決定不去了。其實在Mann 的firework Tchaikovsky concert 我真係好想好想去﹐這麼多年都去不成﹐大概今生今世都無機會。
先前見到有機構有去以色列的旅程﹐但在九月尾十月頭的三星期﹐又是公司旺季﹐又去不得。
本城有幾個花園想去﹐但又不知何時能成行。
又想去看drive in.
去年講過今年返去同大學同房去Connenticut, Rhode Island 捉蜆。
好快好快夏日又會過﹐希望到九月時不會發現又只在工作中度過吧。
Labels: 生活
今日
六點走﹐想不到交通ok, 入完油﹐650回到家。76真的好難講﹐大概本週真的有好多人放假。
本週一路病病地﹐不算太差﹐但又一路未見好轉。
家中電腦開開關關﹐大概大限將至。其實我仍然不想買新機﹐但忌廉頭說都挨了那麼久﹐都可以買﹐免得做做下野當機。如果忌廉頭話可以買﹐即是說應該要買啦。
飯後看了一個WHYY 講中國教會的節目。
老細仍然整天打電話回來﹐好煩。
明天work from home, 希望不會太忙。
收到你媽媽病的消息﹐心一沉。當時又找不到忌廉頭﹐回家後終於聯絡到﹐我們會為你們禱告的。
Labels: 生活
無喱頭的76
行76真係好奇怪﹐好地地D車會慢晒﹐但轉個彎又會無事。得兩條線﹐一有事就塞死。現在8pm to 5am 整路到十月﹐於是我名正言順最最遲7點要走﹐否則夜了要兜95要行多十幾咪。不過有咩理由甘早整路架? 多數都成10點先開始架喎。
不過今日竟然見到油價跌左兩仙﹐唔明。聽日要記得入油先得。
Labels: commute
早走
先前說本週會返645放230﹐第一天就做不到。
老細放假﹐於是一份presentation 要我埋尾﹐昨日攪了一整天﹐610才走。4點幾同老細傾﹐他說你為甚麼還在﹐我說無法啦﹐要執你手尾﹐他又好勞氣說應該好易﹐但其實有甚麼是容易的呢? 最後都是今日下午才完成。
昨日610走﹐但交通ok.
今早老細話call 我call 唔到﹐原來他call 了我舊電話!唔知應該激死定係笑死。 他對 Scofield的新人不滿依舊﹐上星期send 了warning email, 今日又要我幫做野! 不過最後今日竟然215走到﹐因為逼自己走﹐反正最重要的presentation 出左。用了40分鐘返到來﹐睡到現在﹐好似好了一點點。今次病最主要係咳﹐希望不會弄到支氣管炎之類的麻煩事吧。
Labels: Office Space
病
前兩日開始喉嚨痕﹐咳﹐聲沙。今朝一起身就覺得喉嚨痛﹐有點頭暈身興﹐同上次病的症狀差不多。想不到甘快又作病﹐大概是日做夜做休息不足之故。亞媽怕左我﹐叫我好好保重不要惹病全家﹐昨日開始飲鹹甘桔加水﹐今日重飲埋夏桑菊添! 呢D野我一向唔飲﹐不過為左快D好番都要。剛剛同老細同大老細conference call 完﹐宜家可以訓下啦。上次甘病同去左camp無時間休息有關﹐今個週末無咩節目希望ok 啦。
Labels: 生活
Power Outage
658am 公司停電
一早返到既我已經log in, 斟左水﹐準備去完洗手間就開工。怎料在入去前聽到dum 一聲﹐跟著燈關掉﹐又開返一部份。知道停電﹐但公司一個人都未有﹐於是唯有唔去住﹐出返來send email 問下老細同admin點﹐食我的早餐。接著出去找security guard, 他說是transformer 的問題。回公司﹐發現laptop 死了! 慘! (不過後來發現只是battery 問題﹐hard drive 無事)﹐甚麼都做不到。但電話還用得﹐唯有靠blackberry 聯絡。工作以來未試過停電! 想不到攪成朝都未有番﹐10點幾﹐HR 叫我地走﹐當然同老細講完﹐成十一點先走得。76又塞車﹐成個鐘先返度﹐不過一返度就收到email 話有番power.
因為停電無野做同有中國老婆的同事去找公司的lunch room, 因為據說有wireless 同backup power. 又去找 mail box﹐算是有些新發現。
Labels: Office Space
13-hour days
昨日做到8點3﹐今日做到7點﹐又差不多在三日內做夠一個星期的鐘數。
當然工作還是做來做去做不完。
老闆下星期休假﹐本想多一天work from home, 但他說他不在﹐我就更加要返﹐因為要俾野interns 做。我覺得最大問題係無啦啦請兩個interns 幹嗎? 因為不能work from home, 我決定下星期返645﹐放230。星期五comp day, 我還叫了新人都禮拜五comp day﹐反正這兩週我們的OT一定多過8小時。
兩個新人﹐老細同我一致同意Scofield 的新人不知在做甚麼。我們三人晚晚留夜﹐他都準時收工。其實這個與我無關﹐但叫他做的工作又交不出甚麼好東西來。如有甚麼問題問他﹐他又不會給你一個完滿的答案﹐end up 永遠要我們自己follow up, 認真麻煩﹐浪費我同我的新人好多時間。現在老細對他印像不佳﹐他都不知知道否。
暫時大部份時間都可以在35分鐘內door to door, 今日遇上Mann Center 有concert, 有點塞車﹐但50分鐘內返到家﹐還不錯。反而對面由Mann 塞到95﹐認真跨張。
今日同前新人食午飯﹐去了一間在Wayne 叫
Christopher's的餐廳﹐要了個牛肉菜湯同帶子沙律﹐幾好呀。今日食飯算是farewell 同review, 因為前新人下星期去permanent job, 都是在我們的unit.其實老闆對她都有微言﹐不過算啦﹐我覺得她還可以﹐而且她人又十分pleasant, 要鬧都鬧唔落。今日她講開遲D去Allentown 看
drive in movies, 我都好想試下﹐不過唔知幾時有機會。
公司附近有很多食店的﹐希望遲些有機會去試試。
Labels: Office Space
Work from Indiana
今日又去了Indiana.
今次帶了新人去﹐不過他是全機資歷最淺﹐所以要坐toilet seat, 不過我諗首次坐corporate jet 都算係新體驗﹐他應該不介意。
起先怕回來會遇上雷暴﹐幸好沒有。不過降落後﹐因有幾架飛機在我們的hangar 前等起飛﹐我們在runway 等了十來分鐘才可以到達hangar。 不過 640 開車﹐ 705 到家﹐立刻可以吃晚飯都不可以投訴啦。現在還可以處理laundry, 算不錯。
今天最大的進步是終於了解到Indiana office 的layout, 可以自己去找不同的同事﹐不用跟著老細。今日開會不算太密﹐不過因昨晚與拿頭雞啄唔斷﹐所以今日非常眼訓﹐在開三小時會議時doze off 還給同事看見! 今晚一定要點睡才可。
另外是探訪了不少常聯落﹐但未見過的同事﹐又參觀過公事最舊最靚的辦公室。
公司有不少電視﹐四點左右大家都圍著看US Open, 不過看不到Sudden Death就要走了。
Labels: Office Space
12-hour days
連續兩日工作12 小時﹐累﹐晚上回到家電腦都沒有開。今日決定3:30走﹐但meeting over run, 3:55 先走﹐就遇上traffic, 姊妹先前教我走West River Drive, 算是避了一點點﹐但回家都5:30了。
昨日早上有點頭暈﹐看monitor 覺得浮浮下﹐不過後來無事。
今日入油﹐發現架車可以27.6 miles per gallon, 即是說一天用2 gallons 油就得啦。連過橋﹐大概$11 一日返工。開車比搭車快同平﹐不過就要一日做12個鐘先可以避traffic. 基本上即是說一週做三日半工就可以夠40 個鐘﹐不過太多野做﹐宜家又要看住兩個intern, 返三日半點得呢。
不過聽收音機話toll 會加﹐唔知加幾多呢? 慘啦﹐又要駛多一筆。
可幸係新人好幫得手﹐如果無左佢我更加唔掂。
我諗9月真的不能教SS啦。
Labels: Office Space
死訊
收到中學同學的死訊﹐好震驚﹐可能從無想過自己認識的朋友當中會有人走上自殺一途。其實多年無跟賴同學聯絡了﹐但以往同班兩年﹐返同一團契。中學的相片中少不了她﹐來美後也有通信通電郵一段日子。印像中她是樂天健康一派﹐是工作的壓力還是是為其他原因導致抑鬱? 我不知道。想到人越大﹐生活壓力越多﹐有好多難處真的不知如何解決。剛剛聽到<誰能> 這首歌﹐都提醒我要記住沒有甚麼可以讓我與主的愛隔絕。在四方八面受壓的日子﹐真的要學習好好卸壓。
Labels: 朋友
我的新人
開始了3個星期﹐暫時好滿意﹐因為好做得野﹐一點就明﹐又唔會懶﹐無見過佢上網﹐又會work through lunch, 同現在的staff 無心裝載真的差天共地。另外佢為人似乎比較靜﹐都好似幾聽話。我想我與他會比較合得來﹐暫時覺得無請錯人。。反之我對Scofield 的新人就感覺麻麻﹐好在無請佢。
現在都教了新人不少東西﹐到9月開始的超忙日子會好有幫助。
Labels: Office Space
百物騰貴III
香蕉加到59 仙一磅。
先前$14.99 一包的米﹐現在$21.59。
Labels: 生活
commute 之累
今日又搭火車﹐幾好﹐來回都係1hr 20 min door to door。今日搭了遲一班車回家﹐因為比較忙。7點到家﹐都算可以。
以後大概會盡量搭車﹐昨晚因有team dinner 所以有開車﹐雖然8點後無traffic, 但揸76我總是非常緊張的﹐因昨晚的緊張﹐今早起床前就有點小腿抽筋。
不過仍然感恩有搭車的option。
每日530起床令我非常非常之累﹐加上有新人真的好忙碌﹐大概這個summer 會在疲倦中度過。
Labels: commute, Office Space
commute by train
近日commute 係我既hot topic, 再講下先。
去完retreat 回來的星期二﹐自然好累﹐於是起了搭火車上班的念頭。其實先前都同一位住附近的同事傾過﹐她說搭車都不太差﹐又同我講解到站後點樣行返公司﹐火車價錢與時間表等等。所以當日就試下﹐610am 出發﹐8am 回到公司。晚上505pm 走 635pm 到家﹐當然如果開車會7am 前就到公司﹐但可以在車上休息﹐不用費神﹐又不用4點前或7點後走﹐commute 時間長點可以接受。
昨晚睡得不好﹐於是又搭車上班。今日就好D時間﹐6:05 出發﹐搭6:15 patco, 行五分鐘到Septa﹐搭應該是6:40 但遲了五分鐘的R5。到站後行五分鐘﹐ 7:30 到公司, 真的not bad 啦。晚上﹐508 才離開﹐幸好趕得上﹐回到家6:30, 當然這要天衣無縫的connection 才可以做到的。
費用方面﹐RT patco 係$4.30, RT R5 係$8.25, 當油要$1, 那麼大概$13.5一天﹐其實跟開車差不多。如果油費再升﹐搭車會比較化算。
可能將來會逢週一搭車﹐可以準時走的日子也會搭車, 有這個option 都要感恩啦。
Labels: commute, Office Space
Blog/Diary
Blog/Diary