做司機
呢兩日做左司機。同事同新老細要黎做一個HR workshop。同事提議話不如我去pick up 佢地﹐慳返D的士錢!我見順路﹐而且尋日可以訓晏D(第二班機10:30 先到)﹐今日又可以早走﹐所以無所謂啦。尋日朝係屋企call SSA make appt, 12/28 以去問﹐又洗左衫﹐ 今日早走等我咳都算係可以早D返來休息下甘。不過想㷛粥﹐唔可以訓住。
Labels: Office Space, 生活
mixer
開始整餅之後就好想有個KitchenAid Mixer, 之前姊妹們一句戲言話我結婚就送給我﹐所以一直都無買。今年終於如願﹐再次多謝拿頭。
不過到前日先開禮物。
而且首次用唔係整餅﹐係絞肉!
話說亞媽想自己絞肉好耐﹐因為係外面買ground meat 真係唔知D肉係乜。外家有個細細的immersion blender, 可以grind mushroom 之類﹐但ground meat 就真的不行。所以亞媽知道我有個mixer 就買了個grinder attachment 給我。先前london broil 減價﹐其實不知這種cut 是否可以做ground beef, 不過試下啦。於是日前就試下﹐當然就不像在超市肉部的工業用grinder 那麼快﹐但最緊要係肉係乾淨既。同拿頭講開佢話想用來整雪糕﹐不過個人覺得太煩﹐同埋太貴﹐暫時應該唔會甘做。
Labels: 無言感激, 生活
兩年
好快﹐果個Michael Vick 就出左來﹐仲會join Eagles, 今日新聞成日都係度講。
原來JFK 去30th 條橋封左兩年﹐今日開返。
Labels: 生活
交稿
整整下又成10日無update, 做文字工作真係唔容易。
無野講﹐因話無時間。今個八月出奇地忙﹐須知美國人7﹐ 8 月係summer feel, 一般好多人放假﹐所以traffic 會少D﹐ productivity 都會低D。於我而言﹐ 5月到8月係應該閒D既﹐因為上年既野埋左尾﹐下年度budget 同planning 又未開始(所以結婚都要就住時間), 應該係得閒D既。但係今年8月都差不多日日6:30 先有得走。返到屋企煮飯﹐之後clean up, 休息下﹐沖涼甘又一日。
Labels: 生活
一周記
原來又成個禮拜無update.
本周ok, 不算太忙。
Monday有個appointment, 所以四點三走左。其他日子都係六點左右走。周四有個analyst call, 即係忙完啦﹐於是通知我老細周五會work from home, 佢亦唔敢話唔俾。周四晚去亞媽度搞D文件﹐周五一早去搞﹐之後返來做野﹐都OK. 四點幾去AC Moore. 之前買結婚野有好多points, 送左張$10 gift cert 我﹐7/31 要用。於是買埋D婚禮善後用品。買買下好大雨﹐唔走住﹐順帶睇下D相架。之後返來﹐7點出去生日飯局。竟然有個好大又近仲有錢淨既街位﹐泊好位﹐坐一陣亞Za 就到﹐本來我帶左D 超市減價紙都用唔著﹐跟住各姊妹都來到﹐ 食到十一點幾﹐ 老公落黎接我。因為太飽﹐於是點幾做埋mask 先訓。
Labels: 生活
beauty regiment...
現在無寫beauty regiment, 但先前所做的都成了習慣。當然就無雞湯﹐紅棗水啦。不過生果﹐奶﹐綠茶﹐維他命﹐mask 這些都做慣了。其實都不是花多好多時間﹐希望可以keep 住啦。
Labels: 生活
1st day back at work
婚假完畢﹐ 今日第一日上班。
不算太忙﹐與同事們catch up, 又去team lunch江(不過都係自己出錢﹐重要俾個quarter 老細泊車!), 開下會﹐ go through emails, 做了一個training,好快就一日。
一返工就有個5-6 的會! 因老細要早走要我sit in, 我當然投訴﹐ 老細算有良心讓我早走係屋企call in。 4點走﹐4:50 返到﹐ 一路做家務一路開會。今晚不用煮飯﹐ 於是就預備明晚要煮既材料﹐因為最快都應該要6點幾先返到屋企。
Labels: Office Space, 生活
Google Chrome
今日係公司Gmail 係甘彈個Google Chrome 既link 出來﹐ 睇下D feature 話會好快﹐ 返到屋企就download 試下。發現用google 自己既app 真係好快﹐ 暫時覺得唔錯。
Labels: 生活
四周前周六
今日算productive。
早了點起來﹐去郵局買money order, 見郵價五月初會升﹐就買了60 個forever stamps. 其實好少用郵票了﹐但遲些總要send thank you card, 還是買一些上算。
又去Macy's﹐買了亞媽要買的東西﹐接著同她去看假髮﹐買了﹐要$35.99, 差點買了2個髮甲﹐但原來要$29.99 一個﹐於是我們說不要了﹐我想這些在香港也是$29.99.
之後姐妹打來講婚前一日去manicure, 現在要安排一下先。
之後去簽約﹐算是Ok, 但apt 有些東西要整整﹐希望快些搞好。
出去﹐好塞車﹐有點擔心結婚當日會如此。
去拿戒子﹐點知忌廉頭那只太緊! 要resize! 好在還有時間﹐希望再整Ok。我見我那只無盒﹐得個絨袋﹐我就話so he get a box and I only get a bag. 於是那售貨員就說會給我盒。 人大了真是厚顏得多了。下一兩星期又要去center city, 又可以去Kiehl's =)
今日見好天﹐想去Ben and Jerry's 買雪糕﹐點知18街那家不見了! 再去McD, sundae 機壞了﹐注定今日與雪糕無緣。
之後忌廉頭去開會﹐我去整頭。等的時候call 了花店﹐calla lilies 要$6 一支! 要同表姐傾傾先得。染了紅頭﹐又修了一修﹐可能真的剪得太少﹐於是只收了我$55染髮錢! 滿意!
Labels: 生活
kiehls.com 與body lotion
早前見Kiehls.com 日日有贈品﹐加上買$50 有free shipping, 而且又可以拿三個sample (雖然有時去專門店可以拿很多﹐但好像online 多些choice)。見是送$16 一支的creme de corps 那日就買了一支 mask 同toner。都很快收到﹐唯一surprise係支tea tree oil toner online 只得細支裝,需知Kiehl's 的東西份量大就平得多﹐所以下次買toner 都係去專門店好些。自從費城開了專門店﹐我成了Kiehl's fans, 覺得品質不錯﹐又岩自己皮膚﹐價錢也合理。近日mall 開了Nordstrom, 都有Kiehl's 專櫃﹐所以其實不用去專門店也可以。但是專門店每次買完做online survey 就可以去拿lip balm 一支! 今日又去了拿! 自從發現有得送之後﹐我已拿了5, 6 次﹐這個產品說平不平﹐說貴不貴 ($6.5, 0.5 oz tube), 但真正的好用! 其實若買1.0 oz jar是非常耐用﹐我好像買了兩年多才查不多用完﹐但tube size 就方便得多。
剛才看支creme de corps 就會 "provide a skin texture heretofore unattainable"! 不知效果是否真的這麼好? 無consistently 用過﹐主要是不便宜,又怕太膩。其實一向不想用太貴的boday lotion, 因為我是用好多好多的﹐先前用outlet size crabtree and evenlyn, $10 一支可以接受﹐再貴些就不化算。有時買J&J 的來用也好好。今日本想試支creme de corps, 但因用緊支J&J 同BBT 送的Mary Kay, 所以還是等用完這兩支再算。不過以我的速度﹐相信本月底會用完。
Labels: 生活
上周四五
很忙。
周四
申請結婚證書
看傢私
買Unity Candle
公司 conference call
試頭﹐試化裝 (滿意! 謝謝姐妹們陪同)
周五
2nd gown fitting (不能再瘦!)
買花用品 (同表姐去了 AC Moore, Michaels, Jo Ann, 兩間 Ross, Marshall 好累)
去 Bahama Breeze (用了$10 off coupon!)
去 Mall (又撞見拿頭兩公婆)
Labels: 生活, 預備篇
忙碌四日
星期四﹐開會﹐開到10:30, 再同拿頭睇車﹐訓得都好似成十二點。
週五﹐早走去了宜家﹐見到師父同女女﹐之後去Pier 1, 去Best Buy, 過橋去Target, Crate and Barrel,多謝拿頭車我﹐出返去食飯﹐8點食到11點﹐返家﹐訓得都成十二點幾。
週六﹐起身﹐去了郵局﹐寄埋最後幾張帖﹐去Michaels, 無收穫﹐返家﹐去shower﹐去食飯﹐返到來﹐12點﹐訓得都成一點。
今日﹐完左崇拜﹐食飯﹐同tiger上Newark還車, 返落黎﹐同tiger去買野, 食飯。宜家頂唔順﹐要訓啦。
Labels: 生活
忙碌一日
一個忙碌的周日。教主日學﹐接著崇拜﹐又去看首飾﹐又派帖﹐又開會﹐又去mall。 昨晚睡眠不足﹐今日勁頭痛。不過終算差不多派完所有帖﹐亞媽買到衫同鞋﹐返來又send 了minutes算是相當productive 的一日。
Labels: 生活
一周記
本周好有spring break feel, 因為同組有一半人放假﹐當中包括老細在內。因為這樣﹐本周算是輕鬆一點﹐可以準時放工。但心情一般﹐因為放假中的老細在努力安排炒人計劃。我這個知D唔知D既﹐唯一的安慰係老細話我係佢top of the list, 不過top of what list? 我當然問清楚﹐不過現在言之尚早﹐情況會點大概四月會清楚。
公司唔忙但係安排了不少私事﹐所以本周都係極度累。又counseling, 又試菜﹐到了今日又請了一天假預備SS﹐但係都未做好。
我好想早D訓﹐真係好想﹐不夠訓的我極度cranky, 開車又危險。希望過了本周末可以。
Labels: 生活
月記
先前試過週記﹐雙週記。2009 進一步﹐來個月記。
首先要多謝忌廉頭送我的laptop﹐讓我終於可以上番網。因為家中電腦不能wireless﹐所以過去一個月來都係用公司機。因此就無上MSN 同blog﹐其實blog 是可以的﹐但十分麻煩。加上一直處於忙碌混亂中﹐都無時間心機去寫野。
不知是不是vista 的features, font 靚D﹐好似萍果那種。Laptop 的keyboard 又好好打﹐多謝。
言歸正傳﹐月記...
工作 - 本月初較靜﹐但好快year-end 又好忙﹐好多deadlines extended, 所以相信要到二月尾才會忙完。公司上星期公佈5% job cut﹐我的unit 暫時未受影響﹐但現在經濟的情況將來真的好難講。據知有好幾個高層都被裁﹐真係無想到。我這些不高不低的﹐真的不知會如何。
工作壓力甚大﹐但現在有工都不能投訴太多。再感恩技安有工。
婚禮 - 少過四個月就是了﹐開始得running out of time。現在終於confirm 了地點﹐又取了婚紗﹐伴娘衫﹐先前又scan 了些相﹐有點音樂的idea﹐算是有點progress。
本月開始多了好多婚禮開支﹐係經濟不景之下結婚真係有點令人擔心。
攪攪下都夜啦﹐昨日開始喉嚨痛﹐大概又作病﹐明日又要早返工﹐真的要休息了。未寫完月記下回繼續。
Labels: 生活
胡桃夾子
上週五晚﹐同忌廉頭去了看本年度胡桃夾子的首演。
上一次看已經是年代久遠﹐忘了是那一年﹐應該是與Tiger 一眾去完Altanta 回來去的。是99還是00?
音樂是好熟的了﹐但舞蹈如何真的忘了﹐再看果然有新體驗。今次坐在樓下﹐跟以往坐山頂的感覺很不一樣。看到台上一班小朋友跳得熟練﹐台下一班看得入神﹐當然一班成人舞蹈員功不可沒﹐尤其那做Candy Canes 跳呼拉圈真的好厲害。還有原來有一段是有詩班伴唱的。中場看看那重修了的水晶燈﹐完了在聖誕樹前拍照。大概因Academy of Music 是我在本城第一次看表演的地方﹐還有這裡那種古舊大劇院的氣勢﹐所以一直覺得這裡才是正宗看表演的地方。
謝謝忌廉頭的安排﹐以往在市內上班﹐一般而言都是我買票的多﹐難得這次只要出現就可以了﹐真好。期待明年再看其他﹐或者去聽Philadelphia Orchestra 的Glorious Sound of Christmas?
Labels: 假期, 生活
pre sale
很久沒有買東西了﹐但昨日同亞媽去Macy's 買了一對Donald Pliner ﹐折完又折﹐最終是60% off, 自覺不錯。最大發現原來Macy's 也有pre sale. 事緣帶了一堆coupon, 但有一張要今日才用得﹐本來想唔買﹐但售貨員說你可以今日買﹐明日才取貨就可以用啦。見有這回事就買了。不少地方都可以留著東西幾天﹐但不知Macy's 都可以。這樣就可以避免on day sale 人多多左等又等﹐又未必有貨的麻煩。
Labels: 生活
忙碌星期日
完了崇拜﹐飲完茶﹐返屋企家等拿頭鄭生去BJ。 在等的時候還洗了衫﹐讓我覺得自己非常高效律。去BJ﹐目的係幫亞媽買件down jacket, 謝謝拿頭介紹。撞到L姊妹﹐在鄭生提供的健康講座後我決定都買D維他命食下﹐又買了woolite。返到屋企﹐坐一坐又同亞媽去Bed Bath and Beyond﹐去高檔超市。返來食飯﹐又幫亞媽搬野。無上網﹐終於開始睇問拿頭借了好耐既聖經鳥瞰進深篇。
Labels: 生活
On easy street
過了先前的主要deadline, 現在返工變得幾輕鬆。照常早返﹐但本週最遲都係六點幾走﹐今日四點就走了。禮拜三又放了假。希望未來兩星期繼續輕鬆﹐然後再放假。
Labels: 生活
一星期假
放了一星期假﹐今天差點不想起來返工。沒有走76一週﹐今天有點不慣﹐不知放完聖誕的兩週怎辦。
一回去就跟老闆說週三再放假(因要同亞媽去看醫生)﹐他竟然無異議。
這幾天假做了些甚麼呢?
睡﹐睡﹐睡
乾洗﹐洗衫
收拾了一點東西
善用 on demand 看了27 Dresses, Father of the Bride, Emma, The Hoax
終於看了Zodiac
又看多次麥希真師母手記
禮拜一去了忌廉頭處食飯
禮拜二去了Fridays happy hour
禮拜三去了好姊妹處一個上午﹐之後去了看鞋(最後在網上買了)﹐看了一會書
禮拜四去亞妹處感恩節晚飯
週五同亞媽去看眼醫﹐之後去了宜家﹐食平早餐﹐還見到不少教會人﹐強人,去了mall, 不過無買野﹐但撞到好姊妹一家。晚上我煮飯﹐白汁帶子闊條麵﹐Omaha steaks, 焗露荀
週六去看晚裝﹐去試蛋糕﹐去了細佬處打Wii, 晚上回家煮turkey pot pie, 相當滿意
週日開了主日學會﹐聽了講道錄音﹐又找了些新課程資料
今日input PTO 先知原來今年已有22日假﹐再加上先前carry over, 有近30 日。幸好決定上星期休息﹐否則12月要放三星期才可以用淨10日carry over 09.
Labels: 假期, 生活
Blog/Diary
Blog/Diary