農歷新年假
剛巧今年年初二是President's Day, 老公與我都有假期, 難得有long weekend。不過忙這忙那又過去了。周六日間去了dry clean, 然後夫家執野﹐晚上在我們家與亞媽技安打邊爐。昨日去了在Cherry Hill West 聚會的Sovereign Grace Church 崇拜﹐係seeker oriented 的教會﹐好多小朋友﹐中間有break 既﹐都係第一次。感覺良好﹐如果下次唐人街路面情況差可以再去。下午老公返夫家﹐我本來打算在apt 收拾﹐點知太累睡了兩個鐘﹐差不多晚飯才起床。晚上同老爺奶奶去了佳佳﹐ 新年有些特別餸菜﹐不過今日去了Tokyo 就覺得佳佳差好多啦。
今早終於drop off 架車整emission recall﹐ 然後去搞保險﹐再去Tokyo, 竟然見到大伯一家。飯後去探拿頭﹐技安又再表現他熟手揍仔技能﹐ 不過我老公都唔差。亞信全場訓覺﹐我地懷疑她不想招呼我們所以扮訓覺。3點幾走﹐我同老公係車來勁訓﹐去拎返架車。整完車行會洗埋﹐不過又落雪又會污糟番。 回家順路去拎衫, 現在又洗衫﹐㷛湯﹐假期係甘就過去。
Labels: 假期
寒假
聖誕新年假又差不多完﹐ 今年只請了12/24﹐ 28 同31號﹐ 其實假期是有的﹐但老公要返工﹐又想carry over 些假到2010﹐ 所以只在有plan 的幾日放假。
24號本來想返工﹐但後來發現是1/2 day, 於是放假。見老公12點放﹐就跟他上班﹐體驗一下他的commute 與New Hope 是怎樣。真的很遠﹐不過放假就無甚麼traffic。我帶了摩西五經的書去﹐在Starbucks 坐了一個上午,不過就只做了很少。之後老公放工就周圍行﹐不過老公寫左就不贅了。
28號因為有SSA 9am phone appointment 所以就請了假﹐點知無call, end up 我在網上填好表﹐不過都要拎文件去SSA office. 點知一等就個半鐘﹐仲被職員skip 了number, 好在問一問。之後又去超市﹐又去tire rotation, 本來想讀書又讀唔到啦。
31號因為約了大學同房夫婦飲茶﹐就請了假。想不到落雪﹐不過出去都無問題﹐還迫到街位。大肚的同房氣色相當好﹐雖然有孕婦糖尿病﹐不過不用工作就好好多。送了禮物給她﹐應該合用。好像去年都是這個時候飲茶﹐不知會否成為我們的一個tradition? 老公放330﹐ 我見有時間就去換passport﹐ 其實早應該換﹐不過見未逼到埋身要換就一拖再拖。同SSA不同﹐非常快辦好。晚上叫了拿頭夫婦同幾個未來過同附近住的姐妹來打邊爐 countdown, 起初擔心唔夠食﹐不過原來大家真的食很少。睇證人﹐ 食蛋白撻﹐食雪糕﹐其實都唔想大家夜走怕危險﹐不過講講下都2點幾﹐訓得都3點幾。
1號 11點幾好姐妹打來先起身﹐前一晚聽姐妹講話會去outlet, 於是我講完電話﹐又call 下八下佢地有無去。跟住我地又找拿頭一齊開車去﹐去前要先接返左工但係唔舒服要走既亞媽﹐好在我們未出發。去outlet 無traffic, 好快﹐一去就係Sony 見到馬氏一家﹐真係岩。我們只買了少少﹐姐妹們就收獲多點。晚上countdown 原班人馬去銀泉食飯﹐ 都好耐無試過連續玩兩日啦。
Labels: 假期
風雪周末
今個冬季第一回大風雪。
昨日超市勁多人﹐五點多去接亞媽放工已經好多人﹐本來我都想買點東西。她說你晚上出去送人才去買啦﹐點知9點幾去一樣人多﹐要排隊等位! 本來想買些煮minestrone 的材料﹐ 怎知裡面連香蕉都賣光! 見有幾件西蘭花剩下﹐都好啦﹐再拎支奶就走。不過排隊check out 人好多, 好在我曉去賣熟食那邊俾錢! 好快。 然後我們再去Shoprite, 因為Honey Bunches of Oats $3 for 2!!! 從來無見過如此平!!! 再加上我有 $1 off coupon, 於是買了四盒﹐ 俾錢時收銀差D無用我個coupon, 好在我睇到! $5 買了四盒﹐ 又出了兩張$1 off next shopping order coupons, 對於我呢D慳家煮婦﹐ 真係好滿足。
今日落雪﹐團契cancelled, prestudy 又reschedule, 突然多了好多時間! 我地去了做gym, 做了30 分鐘﹐以為會好多人﹐點知唔係。game room 又無人。
今日終於用個KitchenAid 來整蛋糕﹐ 發現要買白糖。
今晚食返昨晚去Carrabba's 的leftover.
宜家諗住睇Michael Clayton.
Labels: 假期, 兩個人的生活
Thanksgiving
The Day Before Thanksgiving -放一點﹐ 放工就去Wegmans 買野﹐真係幾多人!
又整花左個煲! 於是夜晚急急去對面Macy's 買返。先前registry 送的百幾元gift card 仲未用完。要記得年尾前用左佢﹐否則會expire.
Thanksgiving Day - 都係同家人食飯。中午去飲茶﹐晚上食住家飯。好欣賞個南瓜包﹐所以又叫。老細幾識做﹐免我地茶。不過對面停車場無得validate﹐ 泊兩個鐘要$14﹐對我地呢D 泊開腳醫$4既人來講都幾貴。返來兩點幾去HMart 同Wegmans, Wegmans 少人好多﹐大概D人開始煮同食。返到屋企㷛個Minestrone 同整左什菜﹐個Minestrone 好似唔錯。
食完飯返來﹐想整芝麻糕﹐因為太耐無整﹐自己懷疑個其實寫得好清楚既食譜﹐所以抵我失敗。試下整我鮮奶糕(不過第二日發現唔夠硬)。找來找去終於係見返個寫係信封上既椰汁糕食譜!!! 好在!﹐ 聽日可以整。臨訓前醃埋隻雞﹐希望入味D。
The Day After Thanksgiving - 其實一向無black friday 買野既習慣﹐不過見住mall 對面就去下﹐本來老公話行過去﹐但係我頂唔順大冷都係開車。好在甘岩有位。我發現我地係完全無購物既意欲。除非有target 否則都係無野想買。今次就淨係買左個Auntie Anne 食。或者無甘多人會好D既﹐因為最怕人多排隊比錢。
Labels: 假期, 兩個人的生活
Sept 4 - 6, 2009 Boston II
食 -
Carlo's 上網找到這間﹐禮拜六去了食dinner. 真的多謝Yelp 的review. 細細間既family restaurant. 好有水準﹐可以再返去食。
久久台北 這間台灣店係亞Za 介紹﹐之後先知原來她未去過﹐不過經過過。好多人﹐要等﹐不過值得。小籠包﹐三杯雞﹐滷肉飯都好好食。好似有weekend dim sum brunch 添﹐下次可以再去。
這兩間食店都是在Allston, on Brighton Ave.
玩 -
周五去了Harvard MIT 行. 周六去了USS Constitution, 主要係技安要去﹐不過我都覺得唔錯﹐講返以前D水手既生活。
之後去了Bunker Hill Monument, 好近。行了294 級樓梯上去﹐看到Boston 全境。不過就要幾日先痛完。
之後去了Quincy Market / Faneuil Hall﹐ 好多人﹐好熱鬧﹐ 係Quincy Market 買了smoothie 好味! 之後去了Faneuil Hall 的Great Hall.
之後去了State House, 係Boston Common 隔鄰泊到車。係公園行﹐有frog pond. 跟住去Newbury Street﹐ 兜了幾個圈有位泊。主要係行街﹐又食下野甘.
星期日去了Harvard Natural History Museum.有BofA credit card, 我同老公都免費﹐不過$9 一位都好抵。單是那glass flower collection 就值回票價。
Labels: Out of Town, 假期
Sept 4 - 6, 2009 Boston
Labor Day Weekend, 同老公﹐亞媽同技安去了Boston。
1) 交通 - 起初好擔心traffic 會好差﹐ 幸好剛剛去過的姊妹同一同事建議行Tappan Zee, 684, 84, 90. 果然無塞車。謝謝。在Boston 裡面好confusing, 技安屢次miss。最大驚喜係除了去USS Constitution 泊入parking lot 外﹐其他時候都找到街位。
2) 酒店 - 唔錯﹐老公最鐘意eye level flat screen TV。$90 一晚priceline, 但原來要2張queen beds 要加$30 一晚,parking 要$24. 不過在Cambridge Memorial Drive, 隔鄰有Trader Joe's﹐ 有free wireless, 所以no complaints.
3) 食 - 因為有recommendations, 所以去了Porter Square 食拉麵。覺得幾好﹐不過不夠NYC Sapparo 好。同埋waitress 好唔惦﹐整跌左張$20 係地下又話我地比少錢﹐ 追出來要錢。我地返轉頭﹐開頭睇唔到﹐技安免麻煩就再放低$20. 大家覺得不憤﹐同意下次要親自俾錢唔好放係檯。最後無用waitress 追返出來話係地下執返張$20, 都算佢誠實。
Labels: Out of Town, 假期, 兩個人的生活
24 in DC
連續兩星期去了短途旅遊。
8/30 去了DC。 這次是真的好即興﹐禮拜四說去﹐立刻上Priceline 訂酒店。竟然有間3.5 星的Marriott $80 連稅accept 我們的超低價競投﹐ 正! 星期一原先想去水族館﹐不過無所謂啦﹐反正平常的weekend 都可以去。周日完了崇拜落去﹐差不多到才call 亞恩食飯。
一路無甚麼traffic, 2.5 hr 之內到﹐ 酒店在Metro Center, 好方便﹐去Smithsonian 只需徒步20分鐘﹐隔鄰就是Metro. Smithsonian 某些museums 有summer hours, 一去到我們就去了 Air and Space. 徒經National Gallery of Art 的Sculpture Garden. 在museum 看了一小時左右。再去Museum of Natural History. 這個museum 我都是第一次去﹐覺得幾好﹐晚上去了亞恩新屋看看﹐之後去了一間在Germantown 的日本餐﹐有$59.99 55 piece 的sashimi, 可惜老公敏感吃不了多少。不過真的好抵﹐好食。
第二天﹐9點幾起床! 放假最enjoy就係可以訓下! 坐Metro 去National Zoo. Metro 又快又方便﹐ 非繁忙時間﹐兩個人$5.40 RT, 好過開車好多。落車後要走一段路才到﹐不過天氣好﹐好舒服。去到11 點﹐行到1點左右。真的不錯﹐看了小海獅的training, 又看了大象表演。有出名但我覺得普通的大熊貓。當然少不了Meerkat, 好搞笑。
之後去了Connecticut Ave 一間日本餐﹐之後返酒店取車回歸。
雖然只係短短24 小時係DC﹐ 但係我覺得好有放假feel, 完全放下工作﹐平日的掛慮﹐好正。去了兩個新地方(Natural History 同Zoo), 又見到好朋友﹐係一個愉快的小假期。 希望明年又可以去一去﹐看看其他的museums.
Labels: Out of Town, 假期, 兩個人的生活
NYC
禮拜五放假去了紐約。
行程都係食野(拉麵﹐小龍包)同睇野(SoHo, South Street Seaport), 值得一提的有...
1) Bolt Bus - 屋企門口有站﹐ 又買到平車票(我 $11.5 RT, 老公 $23.5 RT), 見好耐無上﹐就去喇。車幾好﹐準時﹐有wifi,又無唐人街巴士甘危險﹐搭得過。
2) 廁所 - 發現在SoHo 既Apple Store 有! 正!
3) 拉麵 - Sapparo 的仍然大件又好味。相比之下﹐Mitsuwa 的又貴又細﹐結論下次去Mitsuwa 要食其他野。
4) Service charge - Sapparo 同鹿明春都加收service charge.
5) 發然體力大不如前﹐行一日好累啦。中途要係SoHo 各店坐一坐。
6) 發現去紐約都無甚麼特別想做﹐ 所以下次都唔知幾時會再去。
Labels: 假期
胡桃夾子
上週五晚﹐同忌廉頭去了看本年度胡桃夾子的首演。
上一次看已經是年代久遠﹐忘了是那一年﹐應該是與Tiger 一眾去完Altanta 回來去的。是99還是00?
音樂是好熟的了﹐但舞蹈如何真的忘了﹐再看果然有新體驗。今次坐在樓下﹐跟以往坐山頂的感覺很不一樣。看到台上一班小朋友跳得熟練﹐台下一班看得入神﹐當然一班成人舞蹈員功不可沒﹐尤其那做Candy Canes 跳呼拉圈真的好厲害。還有原來有一段是有詩班伴唱的。中場看看那重修了的水晶燈﹐完了在聖誕樹前拍照。大概因Academy of Music 是我在本城第一次看表演的地方﹐還有這裡那種古舊大劇院的氣勢﹐所以一直覺得這裡才是正宗看表演的地方。
謝謝忌廉頭的安排﹐以往在市內上班﹐一般而言都是我買票的多﹐難得這次只要出現就可以了﹐真好。期待明年再看其他﹐或者去聽Philadelphia Orchestra 的Glorious Sound of Christmas?
Labels: 假期, 生活
一星期假
放了一星期假﹐今天差點不想起來返工。沒有走76一週﹐今天有點不慣﹐不知放完聖誕的兩週怎辦。
一回去就跟老闆說週三再放假(因要同亞媽去看醫生)﹐他竟然無異議。
這幾天假做了些甚麼呢?
睡﹐睡﹐睡
乾洗﹐洗衫
收拾了一點東西
善用 on demand 看了27 Dresses, Father of the Bride, Emma, The Hoax
終於看了Zodiac
又看多次麥希真師母手記
禮拜一去了忌廉頭處食飯
禮拜二去了Fridays happy hour
禮拜三去了好姊妹處一個上午﹐之後去了看鞋(最後在網上買了)﹐看了一會書
禮拜四去亞妹處感恩節晚飯
週五同亞媽去看眼醫﹐之後去了宜家﹐食平早餐﹐還見到不少教會人﹐強人,去了mall, 不過無買野﹐但撞到好姊妹一家。晚上我煮飯﹐白汁帶子闊條麵﹐Omaha steaks, 焗露荀
週六去看晚裝﹐去試蛋糕﹐去了細佬處打Wii, 晚上回家煮turkey pot pie, 相當滿意
週日開了主日學會﹐聽了講道錄音﹐又找了些新課程資料
今日input PTO 先知原來今年已有22日假﹐再加上先前carry over, 有近30 日。幸好決定上星期休息﹐否則12月要放三星期才可以用淨10日carry over 09.
Labels: 假期, 生活
週五休假去看畫
剛剛的週五休假同魚師母去了Art Museum.
前一日老細問我明日是否work from home, 我說不﹐我off, 不過他還是好不識趣說"call me first thing in the morning to catch up" 痴線﹐放假都要我call返office? 同Scofield 講﹐他說如果係甘就當有返工架啦。係啦﹐講得岩。於是我放假都7點幾起身﹐call 老細他又不在﹐send 了一些email, 最後差不多9點終於講到﹐傾了20分鐘左右﹐完成了我一日的工作。
940 左右出去接魚師母﹐順帶幫亞妙婚禮車D野去新堂。
10點多到art museum。之前講過好多次要跟魚師母﹐她在這裡六年都無機會去﹐真的可惜。加上我公司係大donor 所以員工有free admissions, 我一次可帶三個人﹐真的應該善用這福利。先前約來約去都無時間﹐正巧因為亞妙結婚﹐魚師母週五請了假﹐終於可以成行。
天公做美﹐無落雨﹐到了Kelly Drive 又有位迫。Art Museum 好多外圍的renovation, 好像在建parking deck。
悠閑地看了兩個多小時﹐差不多走遍整個museum。由最出名的Sunflower開始﹐impressionist 的galleries 當然慢慢看﹐其他現代﹐medieval, Asian art 都有花上一點時間。又去了看gift shop。可惜新開的Perelman Building 就沒有時間去。很久沒去過art museum 了﹐上一次應該是06 年聖誕跟忌廉頭去的。Museum 的permanent collections 當然無改變﹐不過每次去都有新體驗。見返一些很熟悉的作品好高興﹐不過最大發現是自己記憶力大衰退﹐還是文化水平日降呢? 很多以往記得的art history, 都忘了。真的要找以往買的書本出來看看才可。
差不多一點離開﹐魚師母想去Cosi, 這間曾幾何時﹐一班姊妹經常流連飲野的地方。我們找了一會﹐竟然找到一個我技術應付得來的街位! 於是去了在Market 的那間。多謝魚師母請我食Salad, 我好不客氣地點了多個clam chowder。其實這間Cosi 我未去過﹐原來2樓有座位的。飯後再去了Trader Joe's, 我又係好耐無去過。魚師母介紹芒果雪條﹐於是買了1盒。最後送魚師母返家就回歸。
好難得有機會一同去art museum, 其間傾下偈﹐十分愉快。這樣的機會真的不多﹐下次魚氏回來一定要去Barnes Foundation 。
Labels: 假期, 生活
週五休假
今日繼續休假。
但又晨早起來﹐其實不算太早﹐7點。於是起身做野﹐吸塵﹐
拖地﹐洗碗﹐食早餐﹐靈修看詩篇。然後再睡﹐到十點好姊妹來電﹐原來她將同朋友的約會改了下午來就我。謝謝﹐那我當然要過去啦﹐去前做我一連串的errand (這個字中文點講呢?): 交地稅﹐乾洗﹐拿相片。然後就過去﹐剛剛仔仔睡了﹐可以閑話家常一番。之後他醒了﹐但現在十分怕陌生﹐所以不可以抱抱啦。午飯傾談到一點離開﹐再沿路去三家銀行就回家。現在等技安預備好就出城﹐他說無試過日間搭火車﹐要試試。
Labels: 假期, 生活
半天假﹐做了這些...
見上週OT得多﹐決定今天早上work from home, 下午休假。
7點多起來﹐精神好多﹐可以梳洗靈修後先開工。還在9點會議前跟技安去了拿免費早餐。今天是chicken burrito﹐有蛋有薯仔有green and red peppers, 第一次吃﹐幾好。今天很多人﹐技安還見到中學同學。回來後﹐兩個電話會議。基本上只要聽﹐不用發言。在會議之間﹐我又洗衫。之後開始修改履歷。對上一次更新係06年12月﹐不算太久﹐但幹這份職位一年多來真的做了很多很多﹐幸好可以參考evaluation。不過今日還是完成不了﹐希望明天可以做好吧。
其實不會太主動去找工﹐不過今日技安又問可以在家附近找同類的工作麼? 那當然是可以的。不過暫時覺得在這公司跟職位上仍可以發展﹐想多留一點時間。不過有updated resume 還是上算。
829am開始就不斷致電醫務所﹐打了五六次終於有人聽。但接線生似乎不想給我appt, 要護士覆電話給我問情況。在等雞包時收到電話﹐不過護士都好似不想我去﹐到最後我唯有說﹐so do you not recommend me come in to check it out? 終於就拿到415pm的appt.
12點多小睡了一會。1點多起來吃飯﹐然後去整車﹐發現今次要付錢。在等時﹐我看了關於腓力的chapter, 打了電話給Za。技安打來問我要不要water ice, 我不要。之後他找我﹐於是我們看了一會車。我又call 好姊妹看看她明日有空否。整好﹐$171, 技安說下次可以幫我攪掂。
離開dealer 時發現車子提醒加油的燈亮了。終於等到。好想試下等到這個地步才入油。加上沿路會有3.76/gallon, 剛剛好。先去H Mart﹐再入油。發現亮燈代表還有2 gallons。
直接去醫務所﹐415的appt 最後要530先完成! 430入了醫生房﹐但還要等到5點醫生才到。不過這個女醫生是不錯的。小插曲係他們開始用電腦寫chart, 但最後要印資料給我時有點問題。那護士不知自己是否印了又丟了於是在一狀似廢紙桶的地方找﹐然後遞給我。因OT太多﹐知道清潔工人從不會換袋﹐見她這樣做嚇了我一跳。連忙問is that the trash can? 他們就說係碎紙機的桶﹐ok. 點知一看之下原來她給了我先前的亞伯那張! 真的不小心啦! 有很多個人資料的呀!
540先出發去mall, 跟忌廉頭吃pretzel 飲lemonade. 跟著又去了Home Depot. 然後他回家﹐我繼續去買advil 同護手套。點知要去medical supplies store 才有﹐明天才可以買到。跟著去了高檔超市印相﹐同買生果﹐7點多終於可以回家。
Labels: 假期, 生活
獨立日假期之星期四下﹐星期五上
先前講過獨立日去多倫多﹐不過百物騰貴之下﹐眾人都打退堂鼓。其實假期詳情
忌廉頭講左﹐不過都等我講返佢無份參予既部份啦。
因為星期四half day, 所以應該由當日下晝講起。係屋企食完D 免費野﹐訓左一陣﹐就過左去忌廉頭度同cream 媽學煮糖醋排骨﹐好學生既我帶埋本簿仔去寫低食譜。我地煮飯﹐忌廉頭就係度油牆﹐之後食飯﹐睇無線﹐洗下D油掃﹐10點鐘左右就走啦。
多謝亞靚建議﹐於是july 4 同亞媽同三位姊妹去飲茶﹐好好彩有一個我泊得來既街位。明珠閣勁多人﹐等左30份鐘先有位。不過我地飲左兩個幾鐘所以抵番晒。野食ok既﹐最緊要係傾偈傾得開心。之後去攞蛋糕﹐同買麵包諗住拎去俾油牆中既忌廉頭放下午茶。點知佢一早攪掂﹐於是佢過來﹐我無過到去。
Labels: 假期, 生活
Blog/Diary
Blog/Diary 
