周日。剪髮
今日有新既主日學﹐講教會歷史﹐唔知係唔係大家怕歷史﹐所以比鄰班少人好多。舅夫由頭訓到落尾﹐其實我覺得ok 既﹐唔係甘悶遮。今日先知挪亞係先過巴別塔既。
講道真係唔係好明﹐想唔到有翻譯都甘快﹐都好﹐可以快快去整頭。上次剪髮只係8/29 既事﹐但係我頭髮又多﹐又生得快﹐重要有白頭髮﹐真係好麻煩﹐。今日見老公開會﹐就去剪染﹐無人﹐但係都要3:15 左右先搞掂。單係上色都好似上左半個鐘﹐其實每次去剪髮我都覺得唔好意思﹐因為幫我剪髮真係好多工﹐吹頭又要半個鐘。因為人少﹐所以個女仔可以慢慢剪﹐其實我都知去New York 剪係好D﹐不過佢有心機剪都ok既。今次剪到膊頭以上﹐成個人輕省好多﹐不過相信兩個月內又會打回原形。
Labels: 兩個人的生活, 教會我見
如何說再見...
用歌聲﹐用影像﹐以歡笑﹐以眼淚...
好榮幸有機會參予一連串的魚氏告別式的安排﹐今日有全教會的﹐昨日有EF的。
全教會的告別式﹐其實自己只係負責很少部份﹐就是聯絡分享的弟兄姊妹﹐主要工作係拿頭做﹐負責茶點的弟兄姊妹做﹐牧師公開多謝真的受之有愧。一個很感人的下午﹐有過百位弟兄姊妹出席(可惜以諾的人就不多)。多謝四位弟兄姊妹真情的分享﹐有彼得夫婦的合奏與歌聲﹐有教會同工﹐國語堂弟兄的分享。感謝神讓籌備小組想到找教會同工﹐不同語言弟兄姊妹的分享﹐一方面知道GF﹐ EF ﹐家樂的人都應該有很多機會分享﹐讓其他弟兄姊妹有機會公開多謝魚氏﹐又讓我們更全面地了解到魚氏對我們每一位的影響是如何的深﹐他們對我們又是如何關愛。尤其聽到很多弟兄姊妹好清楚記得魚牧的講道﹐他們的身教又如何影響每位﹐真的覺得我們非常幸福﹐曾經有過如此忠心的神僕在我們當中﹐可以向他們學習。弟兄姊妹依依不捨﹐不只是我們這班特別蒙福有機會常常與他們見面﹐同工的人﹐更是老人家們﹐年長的夫婦們﹐街坊們﹐可見魚氏真的以真以誠以愛去待每一位有機會與他們接觸的人。
昨晚的EF farewell 要負責的就較多﹐scrapbook, slide show, refreshment 等。Scrapbook 主要係收錢﹐買野﹐收稿﹐收相﹐晒相。很久沒有要向三十多四十人收東西﹐令我想起初中時做班會財政催收班會費的盛況。多謝姊妹設計與制作scrapbook, 非常非常的精美。 我就做了slideshow, powerpoint, 其實都幾滿意那個以魚氏相片圍繞的slide, 今日可以再用真好。多謝忌廉頭的分享﹐我自己又長氣地分享了一大堆。不過其他弟兄姊妹就比較害羞﹐可能是怕在眾人面前流淚的緣故﹐分享的人不算多﹐但有機會多聽魚氏講講也很好。最後好遲才走﹐回到家可以睡時已經是12點過後﹐非常的累。
Labels: 教會我見, 無言感激
新約人物剪影
今日開始新一期主日學﹐講12門徒+保羅﹐施洗約翰。都幾多人﹐連亞衰都有返﹐真係好﹐不過以諾人就不算太多。今日魚牧教左一個記12門徒的方法﹐幾好﹐係度講下:
兩隻馬: 馬太﹐多馬
兩隻角: 兩個雅各
兩度門: 兩個西門
兩兄弟: 安得烈﹐約翰
肥油蛋撻; 腓力﹐猶大﹐拿但業﹐達太
甘樣真係好易記﹐多謝魚牧再次造福人群。
今日教西庇太既兒子雅各﹐都好似唔係太多資料。我唔嫁又嫁宜家9月初會教一課講拿但業﹐有少許擔心資料不足。其實我對拿但業唔多認識﹐只係知道約翰福音講過他被召的情形。不過本參考書忌廉頭有﹐希望有幫助。
Labels: 教會我見
幫手VBS
忌廉頭接左
VBS來做﹐我自然都要參予一下。上次都聽講係好"輕keng" 既工作﹐因為VBS係由Joy 班細路負責﹐但係要有大人睇住。不過今日我同忌廉頭都有幫手整野飲﹐拎下野甘。其實Joy 班細路做得幾好﹐當然負責許太最大功勞﹐不過呢個system 唔錯﹐中學生教D小朋友﹐一級一級上。如果成個教會都有甘既安排就好啦。中學生教D小朋友, 做野既人幫大學團契﹐結左婚既就幫做野﹐如此類推﹐甘就唔會話無人做sponsor, 無guidance 。
Labels: 教會我見
Blog/Diary
Blog/Diary 
