Last Day 5/11
今天是我在LFG的last day. 自04年2月(忘記了是那一日)﹐ 在這裡工作了六年多﹐是我畢業後第三份﹐亦是工作時間最長的地方。在此期間發生了很多事﹐去了不少地方旅行﹐ 父親生病去世﹐拍拖﹐結婚﹐升級做了auntie。工作由跟蘇聯女人﹐到06年 remote report to Fort Wayne, 到07年2月轉到跟現在的老細﹐開始管人﹐當中reorg 幾次﹐CFO 轉了4個。當然好重要是公司08年搬到suburb, 如果無搬﹐我會不會無走的念頭? 唔知道。當然交通是好大的原因﹐但公司內部各種轉變﹐一些不順心的事情亦是萌去意的原因。無論如何﹐這裡畢竟是我在事業上成長的地方﹐ 亦建立了不少友誼。今次離去﹐上周二同事預備了ice-cream cake, 今早又有donuts, 中午與同組人午膳。give notice 後開始電話通知相熟的同事﹐今日臨走在自己的floor road show, send email, 臨別依依﹐ 同事們一致的祝福與不捨令我有點難過﹐大概知道要從新建立這些關係真的不易。最可惜是老細因家事告假﹐ 未能當面告別(不過我希望他不會call 我問公事)。
未來兩日會休息充電。
Labels: Office Space, 無言感激
2010 搵工記
太耐無update, 不過有見魚牧鼓勵我寫低﹐就將今次搵工的經過記低﹐免得我好快又唔記得神既帶領。
近幾個月來工作越來越多覺得辛苦﹐不但是long commute and long hours, 其實這些都ok, 不是最理想﹐但都可以接受。但如其他老細的態度與管理不善真的非常難頂。曾經試過係office 覺得面部抽筋﹐有時又覺得好想喊﹐因為壓力大之故。想走﹐不過又沒有"的"起心肝完成resume, 一拖再拖。期間都有同老公講﹐及同其他姊妹分享。最後3/24 剛巧放假﹐終於send resume 俾先前用過的headhunter.
以下係搵工的timing:
3/24 sent resume
3/31 phone interview
4/8 in person interview
4/9 received verbal offer
4/14 received written offer
4/26 background check cleared
4/27 resign
係三星期內有offer 真係出乎意料之外。在此summarize 一下神帶領的奇妙:
1) 同HH講搵工的要求時覺得都幾難﹐因為只想搵南澤西同center city. 佢都話工不多﹐不過即日就send 左份工我睇。但係其實有一項重要的要求我係無既﹐就係7年 international 經驗﹐不過唔理啦﹐都申請試下。
2) 隔左幾日都無聲氣﹐諗住唔得架啦。點知3/29 早上HH打來話有phone in!
3) 請了好幾位弟兄姊妹為我代禱。
4) 周三早上 8am phone in, 其實預備時間唔多﹐不過剛好不太忙可以係屋企in. 先前幾日不斷係開車途中practice, 有時都覺得自己好笑﹐係甘自己同自己講野。6年來第一次interview 到幾緊張﹐不過phone in 可以睇住D notes 又幾好。
5) 4/1 知道有得2nd interview!! 真係好快! 但係HH info 又唔多﹐只知可能有case study! 從來都無試過﹐都幾驚下。
6) 起先 schedule 4/8 9am in, 不過後來last minute 要改8am! 本來好唔想不過無法﹐早D完都好既。
7) in 之前都幾忙﹐前一晚又訓得唔好。不過起到身﹐但係去到﹐receptionist 又未到﹐要係樓下等。有點緊張﹐不過都OK﹐ interview, 其實有D問題都諗唔到﹐做case study 都有點緊張﹐不過at the end 覺得都 try my best, 過左去都真係好relieved.
8) 當日下午老公放1/2 day, 我地去左Zoo (有promotion, $5 入場﹐ 超平!) 幾好玩呀。不過回程時老細call, 返到屋企要做野! 做到成10 點! 第二日又要7點前返到! 覺得好辛苦! 於是大喊一場! 不過第二日都係要死死地氣返工。
9) 4/9 下晝 HH call!! 好緊張!! 原來新公司in 左四個人﹐宜家揀淨我同另一個人, 於是HH call 我問我覺得點。於是我就press my case 啦。HH 就話會call 返公司然後call 我。都幾緊張下﹐不過當時都幾晏﹐所以我諗都唔會weekend 前有消息﹐點知HH 又call 返我話得左!!
10) 之後既發展就覺得神都幾幽默。等paper work 既時間竟然比由apply 到有verbal offer 重耐。唔知點解HH 叫我等做好background check 先resign. 先前都無試過既。其實等既時間都幾難過﹐又驚有咩問題﹐又已經無乜心機做野﹐但係又好忙﹐ 又擔心start date 唔知幾時﹐因為有doctor appt 又有周年紀念旅行。at the end, 係公司忙完先resign, 好似好頭好尾甘。當然我請個新人今日先first day, 都無法架啦。
諗返轉頭神屢次係搵工過程帶領﹐好似之前係紐約搵落黎﹐今次經際低迷火速搵到工﹐真係知道神聽禱告﹐ 要好好記住先得。
Labels: Office Space, 無言感激
mixer
開始整餅之後就好想有個KitchenAid Mixer, 之前姊妹們一句戲言話我結婚就送給我﹐所以一直都無買。今年終於如願﹐再次多謝拿頭。
不過到前日先開禮物。
而且首次用唔係整餅﹐係絞肉!
話說亞媽想自己絞肉好耐﹐因為係外面買ground meat 真係唔知D肉係乜。外家有個細細的immersion blender, 可以grind mushroom 之類﹐但ground meat 就真的不行。所以亞媽知道我有個mixer 就買了個grinder attachment 給我。先前london broil 減價﹐其實不知這種cut 是否可以做ground beef, 不過試下啦。於是日前就試下﹐當然就不像在超市肉部的工業用grinder 那麼快﹐但最緊要係肉係乾淨既。同拿頭講開佢話想用來整雪糕﹐不過個人覺得太煩﹐同埋太貴﹐暫時應該唔會甘做。
Labels: 無言感激, 生活
如何說再見...
用歌聲﹐用影像﹐以歡笑﹐以眼淚...
好榮幸有機會參予一連串的魚氏告別式的安排﹐今日有全教會的﹐昨日有EF的。
全教會的告別式﹐其實自己只係負責很少部份﹐就是聯絡分享的弟兄姊妹﹐主要工作係拿頭做﹐負責茶點的弟兄姊妹做﹐牧師公開多謝真的受之有愧。一個很感人的下午﹐有過百位弟兄姊妹出席(可惜以諾的人就不多)。多謝四位弟兄姊妹真情的分享﹐有彼得夫婦的合奏與歌聲﹐有教會同工﹐國語堂弟兄的分享。感謝神讓籌備小組想到找教會同工﹐不同語言弟兄姊妹的分享﹐一方面知道GF﹐ EF ﹐家樂的人都應該有很多機會分享﹐讓其他弟兄姊妹有機會公開多謝魚氏﹐又讓我們更全面地了解到魚氏對我們每一位的影響是如何的深﹐他們對我們又是如何關愛。尤其聽到很多弟兄姊妹好清楚記得魚牧的講道﹐他們的身教又如何影響每位﹐真的覺得我們非常幸福﹐曾經有過如此忠心的神僕在我們當中﹐可以向他們學習。弟兄姊妹依依不捨﹐不只是我們這班特別蒙福有機會常常與他們見面﹐同工的人﹐更是老人家們﹐年長的夫婦們﹐街坊們﹐可見魚氏真的以真以誠以愛去待每一位有機會與他們接觸的人。
昨晚的EF farewell 要負責的就較多﹐scrapbook, slide show, refreshment 等。Scrapbook 主要係收錢﹐買野﹐收稿﹐收相﹐晒相。很久沒有要向三十多四十人收東西﹐令我想起初中時做班會財政催收班會費的盛況。多謝姊妹設計與制作scrapbook, 非常非常的精美。 我就做了slideshow, powerpoint, 其實都幾滿意那個以魚氏相片圍繞的slide, 今日可以再用真好。多謝忌廉頭的分享﹐我自己又長氣地分享了一大堆。不過其他弟兄姊妹就比較害羞﹐可能是怕在眾人面前流淚的緣故﹐分享的人不算多﹐但有機會多聽魚氏講講也很好。最後好遲才走﹐回到家可以睡時已經是12點過後﹐非常的累。
Labels: 教會我見, 無言感激
A&F Farewell Sharing
其實sharing 好少寫低﹐不過魚氏於我家恩重如山﹐為免講漏﹐亦算是留個記念.....
**********************************************************************
幾個月前團長問我可否幫手安排A&F的farewell﹐其實就算他不問﹐我也很想參予﹐所以立刻應承。很想參予當然不是因為好想他們離開﹐而是真係好想藉此多謝他們在過去六年作我的同路人。
第一次見魚生是他來1st interview, 除了講道﹐他有到GF 帶團契。其實他說了甚麼我都忘了﹐單單記得他派給團契的筆記係有中文既。以前團契查經的筆記都係只有英文﹐單係呢樣都幾impress 我﹐原來加州來的人真的不同。跟著遲幾星期魚生帶魚太同來2nd interview, 有一個下午係同不同團契傾偈。我記得是在舊教會二樓有窗間細房﹐同一個已經走了的姊妹一齊﹐魚太當時頭髮好長﹐重係電髮既。
過了不久﹐魚氏就來做傳道。當時都覺得幾開心﹐團契終於有全職傳道人幫手﹐不過都無好大的期望﹐從無想到神為我們預備的恩典是何等的大﹐藉著魚氏為我們教會帶來好多好多的祝福。他們在講臺﹐主日學﹐團契﹐巴西短宣﹐各樣大大小小忠心而又有果效的事奉﹐都係大家有目共睹的。不過更加重要的﹐是他們如何係過去六年如何用他們的生命去影響我們每一個人的生命﹐付上好多好多的時間﹐及無比的愛心同耐心去牧養我們。
魚牧話 no contact 就無impact. 好感恩係自己過去幾年跟魚氏有好多contact, 係他們身上學到好多。係事奉方面的成長同突破﹐好似作GF 導師﹐去短宣﹐崇拜﹐教主日學(基本上即係我過去幾年所有的事奉)﹐都係因為有他們的鼓勵同幫助才會去嘗試。有時預備查經﹐主日學有好多問題﹐經常要打電話給魚牧傾﹐一講就一小時。以前好多時GF會到他們家開會﹐開core group retreats。 現在諗起覺得其實真係好打攪他們﹐牧師都好忙﹐夜晚還要解答我的問題﹐又開放他們的家給我們﹐有時還要預備晚餐﹐不過真的好懷念那些時間。
事奉上曾經試過好唔開心﹐試過無端端被人用粗言穢語大罵。如果魚氏當時不是同我一齊﹐我真的不知怎辦。又試過好frustrated, 不知事奉的方向﹐多謝魚氏願意讓我講﹐讓我哭﹐你們一次又一次耐心的伶聽與分析﹐對我幫助非常大。
除了係事奉上有好多機會跟魚氏有好多contact. 魚師母又帶領我們姊妹cell group, 大概兩年之久﹐幫助我們個人的成長。好多謝你在忙碌中抽時間教導我們做一個合神心意的女人。Cell group 之外﹐又有book club的分享, 同個人的輔導。多謝你們過去幾年不厭其煩的聽我細訴﹐甚至今個星期﹐都要急call 你們﹐你們的意見與祝福對我來講係好重要的﹐再三的多謝你們。
過去六年家中有好多轉變。多謝魚氏在05年我爸爸生病時的關懷﹐那一個多月是我們一家好辛苦的一段日子。爸爸洗禮當日﹐已經要用ventilator, 情況都有點緊急。我打電話請魚牧過來﹐其實他有其他事要做﹐不過我說, 還是請你過來吧。魚牧都立即放下手上的工作過來﹐終於在林牧師為爸爸洗禮前來到﹐現在想起都覺得當時自己好霸道。
爸爸過身後﹐家中面對好多改變同挑戰。多謝魚氏過去幾年關心我﹐關心我媽媽同家人。好多家中的難處﹐都只會同魚氏及兩三位好熟的弟兄姊妹分享﹐好難想像如果無魚氏陪伴我們走過這一段日子﹐我們會點樣經過。
其實要多謝魚氏﹐一整晚都說不完。現在神帶領你們到新的工場﹐雖然非常不捨得﹐但真的為到你們感恩﹐因為知道你們在我們身上所付上的勞苦不會徒然﹐神在我們教會﹐團契開始的工作﹐祂一定會完成。神叫萬事互相效力﹐叫愛神的人得益處﹐將來神要用你們去影響更多人的生命﹐係一件何等美好的事。我會懷念與你們六年同路的日子﹐亦希望將在有日再見﹐可以一同分享神在我們身上的恩典。
Labels: 無言感激
講清楚
謝謝你們的聆聽與分析﹐如果沒有這個講清楚的機會﹐我一定會自己煩死自己啦。你們的意見對我來講非常重要﹐一日未了解清楚你們的想法﹐我想我會好煩惱﹐所以雖然萬分不願意去打擾你們都還是要打擾。那一小時的電話令我放下心頭大石﹐在此衷心的謝謝你們多月來付上寶貴的時間給我們教導與分享。
想到自己麻煩之處﹐真的好感謝忌廉頭對我的忍耐。
Labels: 無言感激
Blog/Diary
Blog/Diary 
