Wendy's Blog

咳

好多人咳﹐首先我老公咳。星期二早訓都無咩咳﹐點知尋晚成晚係甘咳﹐訓訓下又熱醒, 慘。我都無乜點訓﹐今朝見佢甘辛苦﹐我都決定唔返工(反正有假﹐公司有唔忙)﹐同佢去睇醫生﹐點知醫生放假無得睇﹐係call 左D藥去藥房。好在我無返﹐因為發現得我有張prescription card. 宜家應該得﹐可以去拎。

另外就係我個nephew, 哮喘咳到出血!!!!! 嚇死人。希望佢肯食D鱷魚肉㷛既湯啦。

Labels: 家人, 肉體軟弱

病﹐ retreat

病了﹐應該係禮拜三去baseball game 凍親。周四起身覺得喉嚨痛就知唔掂﹐周五起身照痛﹐爭扎返唔返工﹐大概士氣大不如前所以無返。起身食野食藥訓番﹐一路訓到成點先起身。大概病中真係好訓得。周六retreat 最後決定去﹐感恩都頂得住。三個信息都好好﹐講靈命成長﹐講靈修﹐講做野。以琳既弟兄姐妹真係好友善﹐好鐘意同我地一齊﹐又好客氣﹐我地乜都唔使做﹐佢地仲送野比我地core group﹐ 雖然佢地係大我地兩個團契﹐但係反而覺得同佢地一齊多D親切感(可能好多人我都識左幾耐啦﹐又係我覺得值得尊敬可以學習既前輩)﹐所以頭先同老公傾開話不如直升以琳啦﹐唔使甘煩。

今日無主日學﹐可以訓到930﹐算係比我身體recover 一下﹐返church, 之後本來話上去亞妹度﹐最後我頂唔順要訓﹐佢個仔又唔肯訓﹐最後決定佢地開車落來等佢個仔訓下。5點幾去diner 食飯﹐返來洗床單﹐換床單﹐宜家要訓啦。

Labels: 兩個人的生活, 肉體軟弱, 靈命補鐘

病週

上週的主題是病。週三1點走﹐週四3:30 走﹐週五1點多走﹐然後就返屋企訓。因為太忙﹐又有同事在Indiana來(就是週四那天所以挨到他走先走)。雖然返半工﹐都做了不少。不過就很辛苦﹐到一個地步差不多連大佬請飲都諗過唔去﹐因為唔想一個病樣去到掃興。好在都ok, 不過禮拜五都被大佬話我落晒形。無法﹐病係甘上下樣。希望餘下兩三個月不會又病啦﹐因為實在太多野做啦。

Labels: 肉體軟弱

又病了

秉承搬了office後一病再病的傳統﹐星期日又開始喉嚨痛。昨日其實想休息﹐但見有個星期五的會議因為我改期到週一就決定返啦。都好既﹐昨日公司大地震﹐無返就會miss out 啦。

昨晚早睡﹐又想知道地震後如何﹐所以返了工。不過辛苦呀﹐加上週三週四有同事在Indiana 來﹐所以之後兩日就一定要返。於是今日十一點半就走﹐不過都做了四個鐘。返到屋企食飯﹐然後睡到五點。其間兩點左右醒過﹐覺得好像睡了好久。大概病唯一的好處(鼻塞﹐咳除外)就是會訓得好。起身覺得Ok 啦﹐大概都要完了一星期的cycle 才會好番。

Labels: 肉體軟弱