摩西五經
過去的周末上了華神的延伸科程﹐係馬志星牧師教的摩西五經﹐。
今年年初周功和牧師教了教會論﹐分三個星期上﹐不過臨近婚期﹐所以無讀。今次其實都有點猶疑﹐因為時間好長 (Fri 7-10:30, Sat 9-6, Sun 1-8:30), 加上周六有團契及prestudy, 周日又有主日學同崇拜﹐擔心支持不住﹐ 不過見拿頭大肚婆都參加﹐我應該OK 掛﹐ 加上又有另外兩個姐妹一齊(跟我們上次去NYC 讀的陣容差不多)﹐ 所以決定讀。
真係感恩有參加﹐因為學到好多野﹐當然主要係釋經﹐學到要將五經看為一個整體﹐解經要focus, 對利未記有新的看法﹐等等等等。不過最主要係從馬老師分享個人的經歷與見證中學到好多﹐他提到關於他太太的﹐ 關於對婚姻都令我很感動。他挑戰我們關於事奉﹐奉獻的看法對我都很有幫助。所以我絕對覺得係$90 well spent! 超值! 周日老師教到9:30! 好在我老公無challenge 我﹐ 而且車出車入﹐希望下次可以一齊讀啦。
有時大家會complain 呢邊無甘多學習機會﹐其實都有既﹐只要大家願意參加。明年四月又有 class, 看情形﹐似乎一年會有兩次﹐如果好以去埋NY 或VA 的科程都相當豐富啦。
希望兩個月內可以完成功課。
希望明年都可以繼續進修﹐ 好似馬老師講基督徒都需要continuing education!
Labels: 靈命補鐘
病﹐ retreat
病了﹐應該係禮拜三去baseball game 凍親。周四起身覺得喉嚨痛就知唔掂﹐周五起身照痛﹐爭扎返唔返工﹐大概士氣大不如前所以無返。起身食野食藥訓番﹐一路訓到成點先起身。大概病中真係好訓得。周六retreat 最後決定去﹐感恩都頂得住。三個信息都好好﹐講靈命成長﹐講靈修﹐講做野。以琳既弟兄姐妹真係好友善﹐好鐘意同我地一齊﹐又好客氣﹐我地乜都唔使做﹐佢地仲送野比我地core group﹐ 雖然佢地係大我地兩個團契﹐但係反而覺得同佢地一齊多D親切感(可能好多人我都識左幾耐啦﹐又係我覺得值得尊敬可以學習既前輩)﹐所以頭先同老公傾開話不如直升以琳啦﹐唔使甘煩。
今日無主日學﹐可以訓到930﹐算係比我身體recover 一下﹐返church, 之後本來話上去亞妹度﹐最後我頂唔順要訓﹐佢個仔又唔肯訓﹐最後決定佢地開車落來等佢個仔訓下。5點幾去diner 食飯﹐返來洗床單﹐換床單﹐宜家要訓啦。
Labels: 兩個人的生活, 肉體軟弱, 靈命補鐘
釋經課程
剛剛的週末與拿頭及兩位姊妹上了NY 去一個
加州基督工人神學院的延伸課程。週四晚﹐週五晚﹐及週六一天上了十多小時課﹐十分豐富。以往在不同的地方(主日學﹐講座等)都有斷斷續續學過基本的釋經﹐研經法﹐今次一氣呵成﹐比較全面。吳羅瑜老師提供很好的筆記﹐及很多的例子﹐將一些以往不大明白的理念(如預言與預表的分別)解釋得很清楚。剛剛我做完了期末考試﹐但還要在一個月來看完課本﹐希望能有時間讀完。
多謝姊妹book hotel, 開車。可惜我大概睡眠不足﹐又吃了炸雞脾﹐煎豬排﹐今天喉嚨甚痛﹐希望不會病得太嚴重吧。
Labels: 靈命補鐘
週末靈糧
本週週末中神的教授亦係教會的宣教士吳慧儀教授來帶講座與證道﹐深入淺出講了關與新約中的舊約。第一次聽﹐從來無如此研經﹐聽到好多新野﹐謝謝。今日的講道﹐吳教授提到有人問她﹐她講學﹐講道講得那麼好﹐那遇到講道不濟的情況會點辦呢? 不能一字一句的cite 她的說話﹐只能allude, 大意係如果我們有心去聽道﹐神會藉任何的講章去教導我們。無論講得如何長﹐如何亂﹐我們都應當學習得到一些東西。當我們去批評查經﹐主日學﹐講道講得不好的時候﹐可以想想﹐自己能否去教去講呢? 這個是一個好好的反省...
預查又講到奉獻﹐我們奉獻是向神不是向人﹐有些人會因為不們牧師﹐不滿教會而不奉獻。其實都是不當的心態。又提醒我要在奉獻上忠心。
Labels: 靈命補鐘
約伯記
近期在看約伯記﹐其實一直好怕看這卷書﹐因為覺得好煩﹐約伯同朋友拗來拗去唔知為乜。暫時還未過到這關﹐仍然覺得煩﹐想快點看完。以往很怕看舊約的歷史﹐因為覺得好亂﹐但近一兩年看得有味道好多﹐可能深入了去睇﹐更加明白當中的精義。不知三五七年後再看約伯記會不會更有得著呢?
Labels: 靈命補鐘
靈程新視野
一定要講講去NY的retreat/training camp, 否則再遲些就會忘了。
差點去不成的retreat, 因為病﹐最後看在余牧份上﹐還是去了。當然若不去﹐可能就不用病到現在才差不多好﹐不過我還是覺得非常非常值得。其實對這個不是retreat 但我們叫retreat 的營會起初是有點不慣﹐因為很密集﹐又有很多表演﹐interview 等等 (個人覺得這些太花時間﹐對我幫助不大)。不過其實單聽蕭保羅牧師講道就值回票價﹐好像是第一次覺得聽道聽到唔夠喉﹐現在好希望有機會請他來我們的退修會﹐如果係既話﹐我會安排蕭牧師每次信息講兩個鐘。因為羅伯鼓勵於是買了牧師的書﹐看了一課都可以接受﹐沒有想像中的沉悶﹐希望之後的也不會太艱深。另外有與姊妹們分享所學﹐大家好自發地分享真的不錯。又有機會與數位弟兄姊妹詳談﹐這些都是平日很難做到的。
今次學到要突破自己﹐回來後我想雖然我們這一班已工作了一段日子﹐大概不會轉行﹐但其實生活上很多事情都可以突破自己﹐不要將自己定位。Anthony Chan 講了一句話唔好將left over 俾神﹐單單這一樣已經終身受用。
當中的self reflection 都幾好﹐但係未做﹐希望可以盡快看看。
Labels: 靈命補鐘
點解甘鍾意聽蘇穎睿牧師既主日學
呢幾日繼續聽返蘇穎睿牧師既主日學。正! 點解呢? 深入淺出﹐內容以前都聽過唔少﹐但係蘇牧師講次次都學到新野﹐蘇牧師見識廣博﹐講好多歷史時事﹐係本城讀過書﹐又係加州事奉過﹐講起美國既野﹐令我覺得有親切感。佢又敢言﹐直接﹐鬧過D不知所謂既名人。今日聽以色列歷史14課﹐佢解釋"寸"﹐"all 羅" 等等既意思﹐好好笑。
尋日發現宜家加左 "基礎神學" 既錄音﹐好期待﹐希望快D聽完以色列歷史﹐可以聽新野啦。
蘇穎睿牧師既主日學Labels: 靈命補鐘
李清詞牧師講道
一連聽了三篇李清詞牧師在窩福的講道。一篇係父親節﹐講同天父的關係﹐一篇講崇拜﹐一篇講宣教﹐有point, 又生動﹐好有得著。先前都聽過李牧師﹐又有看過她的一本書﹐上網找到她的見證。香港首位女牧師﹐為神工作幾十年﹐不簡單。
李清詞牧師見證Labels: 靈命補鐘
蘇穎睿牧師以色列歷史主日學
受拿頭同亞媽影響﹐最近多了上網聽道﹐個人最鐘意聽窩福蘇穎睿牧師講道。今日開始聽以色列歷史主日學﹐網上重有筆記跟住﹐有好多彩圖。間中又講下中國歷史﹐非常精彩。相信忌廉頭會鐘意聽。
錄音筆記Labels: 生活, 靈命補鐘
蘇穎睿牧師講道
"點解我愛你﹐因為你係你"
拿頭先前介紹過在華播唐佑之牧師的
詩篇選讀﹐我都有聽過兩篇﹐非常精彩。但因國譯粵﹐有90分鐘之長。平日晚上聽不了那麼多﹐於是今晚試聽蘇穎睿牧師的講道。聽了頭兩篇是講婚姻﹐講愛的﹐覺得好好﹐20多分鐘。在此同大家分享下:
蘇穎睿牧師講道Labels: 生活, 靈命補鐘
Blog/Diary
Blog/Diary 
