Wendy's Blog

開卷有益

唔知大家鐘唔鐘意睇書﹐有個friend俾過呢個link我:
http://www.cnovel.com/cnovel.html
有既作者都唔少﹐ 中港台都有﹐但係個site係用簡體字既﹐不過我都睇得明大部份。其實我就唔係o甘鐘意上網睇書﹐始終睇書我都prefer一書在手﹐係邊度睇都得.  不過係美國買中文書實在太貴﹐唔同係香港. 加上又無得去library 借﹐如果有得上網睇, 總好過無。 唔知大家鐘意邊D作家(中文書)?  我係香港就睇亦舒﹐衛斯理多﹐ 又睇畢華流﹐赤村次郎﹐李碧華﹐Agatha Christie (不過係中譯本)。睇亦舒係喜歡佢文筆簡潔﹐感情方面同自己既諗法查不多﹐而且細個好多野唔識都係係佢D書度學識。 其實亦舒移民之後D小說我已經覺得無o甘鐘意﹐唔知係自己大個o左﹐定係佢真係寫得無o甘好。依家重睇係D情意結既關係。
衛斯理﹐我曾經很瘋狂地追看﹐不過後期的(六十幾之後的)都似乎無初期的新鮮。
中二個時﹐因某D原因睇晒金庸D小說﹐雖然我既動機比較特別﹐不過就好慶幸有機會接觸到金庸小說既世界﹐估唔到有人o甘厲害, 可以將中國歷史文化人情同武俠幻想既世界融合一齊﹐寫出o甘精彩既故事。金庸小說真係百看不厭。我有的不多﹐將來返香港一定要買翻一兩套先得。 
不過講真﹐好多經典我都未睇過﹐好似紅樓夢。 三國演義個D﹐都怪自己無心機啦。 不過重有機會既。
 

posted by 板板子 @ 8:14 PM