Wendy's Blog

我的真實年齡...

早幾日聽亞花蝴講過一個有關real age 既test, 覺得幾有趣。本來等佢send 俾我﹐點知今日check email 俾我見到個banner ad, 於是就做左。大家有興趣﹐可以試試:

Link

根據個test, 我既 real age 比 biological age 細少少﹐好彩﹐無未老先衰。不過都要做多D 運動﹐訓多D﹐食下維他命丸先得。身體健康真係好重要﹐病左﹐就咩都做唔到。感恩﹐好少病﹐以前都會係轉天氣既時候傷風感冒。不過好奇怪﹐以前好少頭暈頭痛﹐宜家唔舒服﹐好多時都係甘。 早幾個禮拜就係甘﹐係公司頭暈眼花差D要暈低﹐同亞花蝴食lunch, 一副病樣嚇親佢。本來好想返屋企﹐但係因同家人car pool, 日間佢地唔走得﹐我都返唔到屋企。差D想call大佬去Patco 車我﹐但係又怕煩到大佬﹐而且行得去Patco, 我不如係公司坐下。 本來果晚去睇The Village都要last minute cancel. 其實係自己衰既﹐好多時唔夠訓﹐攪到甘。以前有D friends 都會到時到候話我﹐叫我去訓甘﹐但係佢地見我死性不改﹐都唔理我﹐由得我自作自受。不過﹐我知錯架啦﹐會早D 訓架啦﹐因為未來幾個月真係會好忙﹐少D 精神都唔得呀。

posted by 板板子 @ 11:23 PM