Wendy's Blog

反樸歸真III之勞工節本地團

鑒於本年出埠甚密﹐假期同戶口都大出血。於是夏季最後的長週末決定乖乖地連城都唔出﹐足不出新州地渡過。雖然屋漏更兼連夜雨﹐但係今個週末既心情就好似我本人甘﹐一日比一日靚﹐於是帶挈下大家連天氣都好埋。其實無甚麼特別節目﹐係附近行下﹐睇下野﹐越來越覺得唔需要擁有甘多﹐睇下玩下都已經好開心。一齊食飯﹐傾下計﹐寫下信﹐已經好滿足。多謝安排週日節目既大家﹐有好野食﹐有得玩下D 無咩花巧既傳統遊戲﹐大家都玩得興高彩烈啦﹐重可以舒舒服服睇電視添﹐係中部趕返落黎都係值得既。有好多有趣既對話﹐原來好耐都無試過傾得甘高興﹐好笑既﹐深入既都有傾到﹐真係好。發現左原來當中有人開始不羈﹐原來有人連呢樣國術都識玩既﹐真係發夢都諗唔到﹐失敬失敬。攪左弟兄成晚﹐希望弟兄今日唔洗成日執屋啦。今日雖然好早醒左﹐但係難得可以寫下野﹐講下電話﹐hea 到十二點幾先起身。之後做下家頭細務﹐突然覺得好幸福添。感恩﹐感謝主﹐多謝你。

posted by 板板子 @ 2:56 PM