Tuesday, March 25, 2008

意外收穫

中招的意外收穫係同兩位久違了的朋友聯絡上。大概因為很久沒聯繫﹐所以朋友們一見我的email 就十分高興﹐速速回覆。一位上次見係兩年多前的新曆新年﹐在SJ他結婚的大喜日子。另一位我忘了﹐但再上一次去SF就係住她家﹐之後姊妹去宣教兩年﹐就無再見過面﹐現在她在SC讀神學呢。突然間好想今年去SJ同SC探望兩位﹐唔知今年有無機會呢?

posted by 板板子 @ 9:39 PM 0 comments

Monday, March 24, 2008

中招

有姊妹中了病毒﹐send 了email 出來。我一時無留意又click 左個link (以為無attachment 就OK 架麻)﹐點知今日就發現中了招﹐從我hotmail send 了email 出來。相信教會的弟兄姊妹會醒目唔開﹐幸好有些朋友認為我的英文唔係甘差亦都無開到﹐有D又醒目知道我唔會send email 俾佢地無開到。現正努力clean up 之中﹐未知得唔得﹐但係幸好先前買了電腦介紹的500GB my book﹐部HP亦好唔掂﹐有隨時買新機既計劃﹐凡事向好方面諗﹐都算好啦。

posted by 板板子 @ 7:07 PM 0 comments

Sunday, March 23, 2008

Other people's love stories

應該是住紐約時開始看New York Times, 由hard copy 到現在上網看﹐可以說是我資訊的主要來源。星期日總是會看看別人的愛情故事﹐有時會見到名人之後﹐不過大部份都是普通人。當中會講相方的背景﹐詳細點的會講大家如何相識。其實不知甚麼人才會放announcement 在報紙呢?

posted by 板板子 @ 6:07 PM 0 comments

蘇穎睿牧師以色列歷史主日學

受拿頭同亞媽影響﹐最近多了上網聽道﹐個人最鐘意聽窩福蘇穎睿牧師講道。今日開始聽以色列歷史主日學﹐網上重有筆記跟住﹐有好多彩圖。間中又講下中國歷史﹐非常精彩。相信忌廉頭會鐘意聽。

錄音
筆記

Labels: ,

posted by 板板子 @ 5:51 PM 0 comments

Thursday, March 20, 2008

Rita's Free Ice Day

唔知大家知唔知今日係Rita's 既Free Ice Day﹐當然如果有睇忌廉頭share 出來既deal 應該會知既。 因為個staff 一早同我講過Rita's 每年係first day of spring 有free ice﹐所以我都知。不過其實唔係甘好water ice, 正確來講應該話係未食過water ice﹐本來無諗住去。但係甘岩今日有得早走﹐所以就決定同都未食過water ice 既忌廉頭去試下。未去之前以為會好多人﹐點知都唔係﹐好快就到我地。忌廉頭叫左朱古力﹐我叫左芒果。當然唔係好大杯﹐不過貪得意試下都好夠啦﹐一路食一路行下都唔錯。

另外唔知大家知唔知Ben & Jerry's 年年都有Free Scope Day 架呢? 今年係4/29﹐係全日既。Baskin Robbins 就係4/30﹐ 5-10 pm 有31 cents a scope day。唔知到時候得唔得閑去呢?

posted by 板板子 @ 6:09 PM 0 comments

Tuesday, March 18, 2008

百物騰貴

經際衰退﹐樓市跌﹐但係物價就不斷上升! 早前少了去超市﹐前數星期再去發現39仙一磅香蕉變成49仙﹐牛奶雞蛋越來越貴﹐etc., etc. 雖然有些日常食物(奶﹐蛋之類)是非買不可﹐但一般其他食物都是特價才買﹐現在搭公車上班也不用花太多錢去入油﹐無物業要賣﹐工作算是穩定﹐所以某程度上經際衰退對自己影響不算太大﹐但長此下去都係一大隱憂。

近日無甚消費意慾﹐現正致力減少開支(例﹐禮拜早點出門泊街位)﹐善用已有的資源(例﹐用coupon﹐多D上網聽道﹐睇on demand 的電影)﹐處理過去囤積下來的東西(例﹐好多的護膚品樣辦)﹐用得的用﹐不用的就捐出或丟掉﹐最緊要務必要戒掉買簿買書買小擺切的習慣。

posted by 板板子 @ 7:52 PM 0 comments

95

昨晚聽忌廉頭講95封路﹐主要公路要封兩日修理﹐甘嚴重﹐好似從來無聽過。 今早再看新聞見到個裂痕﹐嚇了一跳﹐幸好早發現﹐否則發生塌橋事件就真係大件事。

posted by 板板子 @ 6:20 PM 0 comments

Sunday, March 16, 2008

loose ends

剛過去的星期五本來想休假或work from home﹐最後因要面見而十點幾返去﹐兩點幾離開。原來可以睡至八時的話﹐我的精神就會好好多。因為早走﹐難得可以同久未會面的亞妹去More Than Just食雪糕﹐當然都要天氣佩合才可。之後還有時間﹐終於到mall renew 了護照及return 了幾件衫。晚上當然有去Emerald Fish食飯同看了Disturbia﹐好同意忌廉頭的影評。禮拜六又報了稅﹐又prestudy。 今日去了SS 的午餐﹐之後又提了款﹐拿到了摩西SS的資料﹐等埋忌廉頭﹐然後去target 買cereal, 再送他回家。回來再整理一下email 再send 了些update, 又聽了兩篇窩福的道(正!)。原來本週末做左好多野﹐不過又不覺得太繁忙﹐真係好啦。

posted by 板板子 @ 8:24 PM 0 comments

報稅

一向都無用software 報稅﹐因為要錢。基本上自己的稅單好簡單﹐所以聯邦稅手寫就算﹐州稅在州政府的網址可以免費攪掂。多謝忌廉頭介紹的網頁﹐可以免費報聯邦稅。剛剛的星期六早上一口氣做好自己及亞媽的稅單﹐難得三月中就做好﹐免得亞媽在未來一個月日哦夜哦。預期退稅會在月底收到﹐謝謝忌廉頭的好介紹。

如果大家未報稅的話可以去以下的網址試下:

TaxAct

posted by 板板子 @ 5:13 PM 0 comments

Saturday, March 15, 2008

Emerald Fish

昨晚去了Emerald Fish 晚飯﹐這間食店在Rt 70 唐人超市strip mall的角落﹐單單經過的話一定見不到。 知道這間店好久﹐好似多年前入過去但無留低食。最近係SJ Magazine 見到review, 重有20% off each dinner entree 的coupon﹐於是就決定去試試啦。幸好有訂坐﹐因為剛撞上SJ 的restaurant week, $35/4 courses, 6:15 已經差不多滿(不過地方好細﹐大概可容立50 人左右)一來4 courses 對我來講太多﹐二來唔用得coupon, 於是就叫regular menu。我要了這個

Photobucket
Grilled Tuna . 有不知名菜同有sundried tomato 的mashed potato.

忌廉頭叫了
Photobucket
Clam Chowder, 好大碗﹐大概係一般餐館的bowl of soup 的一倍份量﹐好多料﹐$5﹐非常抵飲。
Photobucket
Shellfish Combination

食物唔錯﹐好大碟﹐我只吃了一半魚﹐另一本由忌廉頭包辦。餐前的麵包有warm pita, 點湯食好味道﹐不過無影相。

裡面裝修都幾好﹐因用海鮮招徠﹐所以好多魚的畫或裝飾﹐整個洗手間都掃藍色﹐加畫不同魚類。完全open kitchen﹐經過廚房可以看到煮食情況。一間BYOB 的餐館﹐除了我們同隔鄰的七八十歲的老人家差不多檯檯BYOB, 原來好多人都用好靚的袋來帶酒﹐我們右邊的一檯就用一個有initials 的真皮酒袋。

可以再去﹐不過短期內應該不會﹐因為還有好多地方未試過。

posted by 板板子 @ 8:01 AM 0 comments

Tuesday, March 11, 2008

蘇穎睿牧師講道

"點解我愛你﹐因為你係你"

拿頭先前介紹過在華播唐佑之牧師的詩篇選讀﹐我都有聽過兩篇﹐非常精彩。但因國譯粵﹐有90分鐘之長。平日晚上聽不了那麼多﹐於是今晚試聽蘇穎睿牧師的講道。聽了頭兩篇是講婚姻﹐講愛的﹐覺得好好﹐20多分鐘。在此同大家分享下:

蘇穎睿牧師講道

Labels: ,

posted by 板板子 @ 8:23 PM 0 comments

暫告一段落

雖然學期未完﹐但個人負責的三次主日學終於告一段落。今次不但從尼希米身上學到好多﹐與老師們同工更得益良多。大家多年事奉的心得﹐精要到題的分享﹐精美的powerpoint﹐等等都好值得我學習。反觀自己都有一點點進步﹐開始懂得早點去預備﹐早點去"煲"每一課。又開始掌握到如何找資料﹐組織內容﹐演繹例證﹐找出應用的地方﹐希望繼續可以在教學方面努力鑽研。下學期亦會教三課﹐不過夏季就打算休息。

posted by 板板子 @ 6:53 PM 0 comments

淡旺季

以往三月都算空閑期﹐可惜這工作好將再沒有淡旺季之分﹐只有忙﹐好忙與極忙之分。

這兩天算是好忙﹐不是季尾﹐但昨晚都要7:30 才可以離開。最怕就是這樣﹐禮拜一就忙得賊死﹐之後整個星期都在回氣中﹐禮拜五彷彿遙不可及。幸好今日有進步﹐比昨晚早了一小時走。加上較鐘後白天長了﹐下了車還有點日光﹐不比隆冬時加班般depressing。

posted by 板板子 @ 6:24 PM 0 comments

Saturday, March 08, 2008

VPN

本週因為主日學所以帶了laptop 回家﹐弄好slide transition 後﹐試試VPN。舊機沒有wireless card, 要直駁modem (不明為何不能駁router), 非常麻煩。原先無甚麼期望﹐怎料一駁即合。再試下map network drives﹐又得。再試run 一些report, 速度跟在公司不相伯仲! 真係好啦! 先前怕將來定期work from home 會有所不便﹐現在知道是過慮了。我想應該爭取到一週一天work from home﹐如果一週兩天就更好啦﹐不過我想老細一定會詐型。

posted by 板板子 @ 10:11 PM 0 comments

Sunday, March 02, 2008

招呼朋友

又一星期無update﹐禮拜一二因為老細放假前﹐所以忙忙地﹐之後又要安排招呼朋友的事宜﹐趁有時間快D寫寫先。

說了要招呼朋友來食飯﹐看看新裝修的地方好久了。一來年初才完工﹐二來要遷就off week (禮拜五放工我煮唔切)﹐終於三月第一個星期六可以了﹐全體連我們一家十二人食飯。

禮拜四晚同禮拜六早上去買菜﹐禮拜五晚煲好湯同整好lasagna (其實主要係技安整)﹐禮拜六中午去了好姊妹仔仔的生日party, 之後返來煮都有點趕﹐不過好在忌廉頭早來幫手﹐大家沒有太早到﹐於是不用見到我"呢甘hea" 的情況。

菜單
牛尾湯
Salad (簡簡單單﹐生菜﹐粟米﹐番茄﹐自己mix, 自己加dressing)
西蘭花椰菜花
Lasagna
Seafood Fettucine
Chicken in Garlic and Shallots
焗豬扒飯
Fruit Tart (鳴謝靚靚提供)

本來重有個roasted red potato﹐但係無時間整添。

其中lasagna 同seafood fettucine 係新嘗試﹐網上allrecipes.com 的菜單﹐大家可以click 入去看看﹐都好容易。 Chicken in Garlic and Shallots 都係新野﹐係去年忌廉頭送的食譜裡面找到﹐可惜忌廉頭就無食到。

Photobucket
Chicken in Garlic and Shallots﹐非常容易﹐用十個garlic, 十個shallot ﹐1/2 cup olive oil, 加spice 去焗90 分鐘。個人覺得好味道﹐其中的garlic 可以用來整garlic bread.

Photobucket
Seafood Fettucine. alfredo sauce 原來好易整﹐我以後都唔會買一罐罐sauce 啦。

Photobucket
Lasagna, 原來又係好易﹐番茄意粉醬又係極容易﹐將來都係自己整算啦﹐自己控制味道﹐又唔怕現成既多味精。

焗豬扒飯唔post 相啦﹐煮過N 次, 不過唔知點解好多人未食過。

多謝大家賞面同禮物﹐多謝Z同亞靚洗碗﹐多謝忌廉頭帶來Wii 等大家可以有野玩。希望遲些有機會再請大家來﹐我又可以試下D新既食譜啦。

posted by 板板子 @ 7:48 PM 0 comments